العربيه مابتجبش اكتر من 160 كم/س؟؟؟؟؟؟؟؟؟؟؟؟؟

**A7medelfe2y** · 21-05-2011 11:08 PM

يا اباطره الاوبل انا اتخنقت من العربيه هي اوبل فيكترا 1600 موديل 96 الشكل الجديد وغيرت البيجوهات والفلاتر والكابلات وديس واسطوانه وطنابير وتيل فرامل وكاوتش 14 وبعد كدا عملت عمره للموتور وكل حاجه ممكن تتخيلها وبفول ع طول 92 وتجميع العربيه ممكن مش اقل من 16 او 17 ثانيه واما بحرق ع الغيارات
الاول:50
التاني:80
التالت:120
الرابع:145
الخامس :160/165
عايز اعرف هي كدا فعلا ولا المشكله ف عربيتي بس ولو المشكله عندي طيب المظبوطه منها بتمشي كام والاكسليريشن بتاعها كام ولو مافيش حل اعتبروني ماقولتش حاجه وانا هابيعها بس عايز رايكوا ف الدايو الليجانزا عشان موتور2000 وجسمها كبير وانا بحب الكروسليه دا فلو حد يعرف نظامها ايه ف الشد والجري والسفر واخرها كام ف الجري والتسارع بتاعها اخباره ايه ولو شديت بيها قدام حاجه زي الاوبترا والانسر والالنترا والسيراتو اعذروني طولت عليكم بس انا سني مش كبير وغاوي جري عشان ماحدش يقول انت كل همك الجري والتسارع ومايهمكش انت راكب ايه

مستني ردودكم
احمد
20 سنه
طنطا
علوم كيمياء

**فادى محمد** · 21-05-2011 11:31 PM

المشاركة الأصلية كتبت بواسطة a7medelfe2y

يا اباطره الاوبل انا اتخنقت من العربيه هي اوبل فيكترا 1600 موديل 96 الشكل الجديد وغيرت البيجوهات والفلاتر والكابلات وديس واسطوانه وطنابير وتيل فرامل وكاوتش 14 وبعد كدا عملت عمره للموتور وكل حاجه ممكن تتخيلها وبفول ع طول 92 وتجميع العربيه ممكن مش اقل من 16 او 17 ثانيه واما بحرق ع الغيارات
الاول:50
التاني:80
التالت:120
الرابع:145
الخامس :160/165
عايز اعرف هي كدا فعلا ولا المشكله ف عربيتي بس ولو المشكله عندي طيب المظبوطه منها بتمشي كام والاكسليريشن بتاعها كام ولو مافيش حل اعتبروني ماقولتش حاجه وانا هابيعها بس عايز رايكوا ف الدايو الليجانزا عشان موتور2000 وجسمها كبير وانا بحب الكروسليه دا فلو حد يعرف نظامها ايه ف الشد والجري والسفر واخرها كام ف الجري والتسارع بتاعها اخباره ايه ولو شديت بيها قدام حاجه زي الاوبترا والانسر والالنترا والسيراتو اعذروني طولت عليكم بس انا سني مش كبير وغاوي جري عشان ماحدش يقول انت كل همك الجري والتسارع ومايهمكش انت راكب ايه

مستني ردودكم

احمد
20 سنه
طنطا
علوم :b4_611:كيمياء

الزمن القياسي للموديل ده للوصول لسرعه 100 كم هو 12 ثانيه ...مش ضروري تكون المشكله عندك في الموتور ممكن العفشه تاثر علي تسارع العربيه وبعدين برده السن له حكمه عربيه شغاله بقالها 15 سنه ,انت عارف لو العربيه موديل 2008 مثلا هقولك ماشي انما 15 سنه استهلاك تفرق مهما غيرت وبدلت انا معايا نفس العربيه بس مو 99 اخر سرعه ليها 185 ومش زعلان لان كتر الف خيرها --بالنسبه لليجانزا فانا قريت عنها انها عربيه مجرمه صاروخ جري الموتور اللي فيها 2000 سي سي ايكوتك شبيه اللي بينزل في الفيكترا السي دي اكس بس مشكلتها ان قطع غيارها نادره جدا وغاليه قوي وحساسات وليله كبيره ,حتي في قسم الدايو المعلومات عنها قليله جدا .

**m_tech** · 22-05-2011 12:35 AM

اولا السلام عليكم
اولا بص على فلتر الهوا
ثانيا ممكن يكون زيت الفتيس عاوز يتغير بص علية بردو
ثالثا ممكن البنزين مش نضيف جرب حط الاوكتان الى بينضف البنزين مع التفويلة و احرق عليها شوية

**A7medelfe2y** · 22-05-2011 02:03 AM

بشكركم ع سرعه الرد
وتقريبا هي العربيه شكلها قدراتها كدا لاني بالفعل غيرت الفلتر ومغير زيت الفتيس وعملتلها البدع وغيرت البنزينه الي بفول منها ومافيش فايده وبالنسبه لتسقيط موتور2000 انا سمعت ان قطع غياره نار لانه ايكوتيك 2000 بقوه حصانيه 175 ودا طبعا جبار والاخ الي معاه بونتو انا ركبتها قبل كدا وكانت مفتريه ع الطريق واحترمتها جدا بصراحه بس بردوه نرجع لموضوعنا ماحدش فادني ف موضوع الليجانزا اخبارها ايه والاهم قطع غيارها

**lancerevolution** · 22-05-2011 02:29 AM

هات عربية ديزل و هتقفل عدادك بسهولة

**فادى محمد** · 22-05-2011 02:45 AM

المشاركة الأصلية كتبت بواسطة a7medelfe2y

بشكركم ع سرعه الرد
وتقريبا هي العربيه شكلها قدراتها كدا لاني بالفعل غيرت الفلتر ومغير زيت الفتيس وعملتلها البدع وغيرت البنزينه الي بفول منها ومافيش فايده وبالنسبه لتسقيط موتور2000 انا سمعت ان قطع غياره نار لانه ايكوتيك 2000 بقوه حصانيه 175 ودا طبعا جبار والاخ الي معاه بونتو انا ركبتها قبل كدا وكانت مفتريه ع الطريق واحترمتها جدا بصراحه بس بردوه نرجع لموضوعنا ماحدش فادني ف موضوع الليجانزا اخبارها ايه والاهم قطع غيارها

الايكوتك ال2000 سي سي 137 حصان
راجع مشاركتي هتلاقيني كاتبلك ان قطع غيار الليجانزا قليله وغاليه
وموتورها مليان حساسات زي الايكوتك
ربنا يوفقك للخير.

**graffittiii** · 22-05-2011 03:45 AM

طيب حضرتك عملت عمره قريب ؟؟؟..
ثانيا ال 2000 بتاع الفيكترا موتور عصبي ويختلف عن ال 1600 ..

**A7medelfe2y** · 22-05-2011 11:09 PM

حضرتك كدا خلتني اغير رايي من ناحيه الليجانزا وانا اصلا قفلت من العربيه دي حتي بعد العمره انا شكلي هاشتري دماغي واركب فيرنا ع الاقل هاتبقي موديل حديث بس انا كنت قريت قبل كدا ان موتور ال2000 الي عندنا ف مصر 137 اما الموتور الي استيراد بيبقي 175 لان الاوبل الفيكترا بي الي موجود ف الدول الاوروبيه بيبقي كله سي دي اكس والمواتير دي بتجلنا من هناك /والله اعلم

الموضوع: العربيه مابتجبش اكتر من 160 كم/س؟؟؟؟؟؟؟؟؟؟؟؟؟

LinkBack

أدوات الموضوع

عرض

-

-

-

-

المواضيع المتشابهه

العربيه مش بتجيب اكتر من 130 ع الصجراوي من غير تكييف ده طبيعي ؟

موتور الاسترا مخنوق و العربيه مش بتمشي اكتر من 40 كلم

ايه اكتر موقف شيبك وانت سايق العربيه (يعنى) حد كسر عليك او كنت هتخبط فى عربيه او شخص

طيب العربيه اللى عدت اكتر من 100 الف كيلو ايه نظام الصيانه الدوريه ليها ؟؟

العربية مابتجبش R فتيس اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة