بجد جوايا احساس ان لو كلام الشيخ كان مكتوب فقط و متشال منه مايدل علي انه سلفي و دين و كدهاقتباس:
رغم إختلافي وإحترامي كمان للسلقيين وخصوصا سلفيي إسكندرية من امثال الدكتور ياسر برهامي والدكتور عبد الحميد الشحات
لكن أنا شفت فيديو ليه والصراحة عجبني
وده رابط الفيديو ويا رب يعجبكم
youtube - ‫â€ڈ ط®ط·ظˆط±ط© ظˆظ‚ظپط© 27 ظ…ط§ظٹظˆâ€ڈ‬‎
انا كان نفسي اكتبلكم ملخص اللي جه في الفيديو لكن أعتقد إنه فيديو شيق وهتستمعوا ليه أكتر من مرة
طبعا كل واحد فينا نفسه البلد ينصلح حالها وكمان نفسه المحاكمات تكون سريعة ورادعة
لكن انا مستغرب الصراحة من حاجات كتيره اليومين دول
فيه ناس بيعتبروا الديمقراطية هي حكم الأغلبية والنزول على رأيهم طالما اختاروا غير الإسلاميين
أو الديمقراطية هي تفرد الأقلية بالحكم طالما الناس اختاروا الإسلاميين
يعني المقياس عندهم مش مبدأ المساواة وتطبيق القانون والإلتزام برأي الأغلبية واستخدام الطرق المشروعة والعادلة لكسب الأصوات
لا المقياس بيكون هل المسار الديمقراطي هينجب إسلاميين ولا علمانيين
ثانيا
فيه صورة ليافطة كبيييييييييييرة بإرتفاع عمارة يمكن عشرة ادوار وأكتر
وفيها أهداف مشاركة حركة 6 أبريل في الثورة
وكانت بالترتيب
إسقاط كامل النظام
إلغاء الدستور ومجلس الشعب والمحليات
عمل إنتخابات حقيقية ينتج عنها مجلس يمثل الشعب ويقوم هذا المجلس بعمل دستور جديد ثم عمل إنتخابات رئاسية تحت مظلة الدستور الجديد
فليه المشاركين في الثورة اختلفوا دلوقتي مع الإسلاميين ومين فيهم الصح كل واحد عليه إنه يجاوب !!!!
أنا في رأيي إنه لو تم عمل مجلس رئاسي معين فده يعني تكرار ما حدث بعد مقتل السادات من فرض رئيس معين على الشعب المصري وإن كان في شكل مجلس رئاسي وليس رئيس مفرد
ولو تم عمل لجنة لتعديل الدستور فده عين الديكتاتورية وأنا نفسي سأرفع قضية لإسقاط هذا الدستور الذي تم إعداده عن طريق لجنة معينة وغير منتخبة ولا تمثل رأي الشعب
وأكيد الأفضل هو أن تكون لجنة الدستور إما منتخبة يعني نعمل إنتخابات على مستوى الجمهورية لإنتخاب أعضاء اللجنة أو إننا نعمل إنتخابات لإختيار أعضاء مجلس الشعب والشورى ويقوم المجلس المنتخب بتعيين اللجنة
وأعتقد إنه الأسهل والواقع يحتم علينا عمل إنتخابات أولا لإختيار مجس شعب وشورى يمثل الشعب للنهوض بالبلد
أما التحدث عن الجيش فلو افترضنا فرضا - لا أعتقد انه صحيح - أن الجيش متواطئ مع مبارك وأنه متورط في الفساد
فهل يعقل أن نواجه الجيش بذلك وندفعه لعمل حرب أهلية في مصر لحماية قادته
أم ان الأفضل أن نتركه يعمل إصلاحات داخل الجيش وداخل البلد وده هو هدفنا جميعا
وده فرض
لكن أنا أعتقد وده رأيي ان قادة الجيش هم يحبون مصر ولم يتم السيطرة عليهم تماما من مبارك وامريكا وإلا كانوا تصرفوا بشكل آخر ومن بداية الأحداث
ولكن قد يضطر المسئول في عهد مبارك مجاراة النظام في بعض أشكال الفسدا كأمر لابد منه
لأن مبارك كان حريص على عمل ما يسمى كونترول على أي مسئول وأكيد اهتم شخصيا بتوريط قادة الدولة والجيش في إتهامات بالفساد أقلها المالي وقد يكون المسئول مضطر يعمل كده علشان يحصل على موقعه الذي يستحقه
لكن قادة الجيش أثبتوا حقا انهم وطنيون وأن خوفهم الحقيقي على البلد لا على مناصبهم وأنهم لا يريدون الإستمرار في الحكم ولو أرادوا الحصول على الحكم لفعلوا من أول يوم ولو أرادوا إفشال الثورة وتثبيت مبارك وجمال لدمروا البلد من اجل ذلك وكان ذلك في إستطاعتهم
تقبلوا تحياتي
و اتنشر الكلام في جريدة و لا علي الفيس و نسب لعلاء الاسواني و لا ليسري فودة و لا خالد ميسرة و لا وائل غنيم و لا نوارة نجم
اتوقع كان فيه ناس نقلته لينا هنا علي انه عين العقل و بجد كلام موزون
م.حاتم السباعي