الموضوع: ننزل و لا لأ يوم 27 مايو؟؟

المشاركة الأصلية كتبت بواسطة moe86

ينصر دينك
أغلب اللى بيقولوا مش هننزل علشان الإستقرار و البدجان, نفس اللى مانزلوش أيام 28 يناير و حطوا صور مبارك فى الfacebook و راحوا يقفوا فى ميدان مصطفى محمود, حاجة مقززة قوى الصراحة

لازم كلنا ننزل و كفاية بقى الكلام بتاع المخططات الأجنبية و الأجندات و الإيرانيين و الهبل دة كله

هو انا ليا سؤال والله بنيه صافيه هو ايه المشكله ان انا ااقول انى مش مقتنع بالنزول اليوم دة انا ليا مخ فى راسى ومش مقتنع اظن عادى ولا علشان انا فيا مخ شايف حاجه عكسك ابقى فلول و مش خايف على البلد و الكلام دة ليه فى تحامل على اللى ليه وجهه نظر مخالفه انت عايز تنزل براحتك طبعا انت ليك اسبابك اللى مخلياك مقتنع انا مش عاوز انزل علشان فى اسباب مش مخليانى مقتنع وبالنسبه للثورة الاولى انا نزلت ودراعى اتكسر فى خناقه مع بلطجيه عند القصر العينى وانا بشوف شغلى وبورد مستلزمات لاقسام الطوارى وعربيتى اتكسرت كلها وعربيه الشركه اللى كانت ورايا اتكسرت برضه و كان فيها جهازين باكتر من 180 الف جنيه وكل دة بالنسبه ليا عادى فدا البلد ومعملناش اعلانات ان اتكسرلنا حاجات وانا وطنى ومن بتوع الثورة وادخل ائتلاف من ال 1000000 ائتلاف واطلع على التفزيون احكى ماساتى واعيط والم تبرعات معه ان ربنا يعلم تمن الاجهزة دى اتسدد للشركه برة ازاى فياريت محدش يزايد على وطنيه حد علشان الكلام دة بيزعل بجد

المشاركة الأصلية كتبت بواسطة moe86

أنا ما أقولتش اللى ما ينزلش 27 يبقى فلول
أنا قلت "أغلب" اللى بيرفضوا النزول 27 مانزلوش مظاهرات قبل كدة
و شتمت الفلول بتوع أسف يا زفت, مش اللى معارضين النزول دلوقتى
عموما ربنا يعوض عليك فى الحاجات اللى اتكسرت و اتسرقت

الحمد لله اتصلحو وبعتهم بخسارة شويه بس الحمد لله



الفكرة ان فى حاجات مينفعش تتطلب ونزولى يعتبر موافقه ضمنيه عليها فانا مش عاوز ابقى جزء من الموافقه دى ودة ميقللش من اللى نازل لانه نازل لاقتناعه ان دة لمصلحه البلد وربنا يهده البعيد اللى مخليبنا بنشاكل فى بعض وسايبينله البلد يلعب فيها البخت براحته اللهى ينتقم منه بحق صلاة الفجر اللى لسه مدنه وحسبى الله ونعم الوكيل فيه هو واللى بيساعدوة

المشاركة الأصلية كتبت بواسطة dr_mido

هو انا ليا سؤال والله بنيه صافيه هو ايه المشكله ان انا ااقول انى مش مقتنع بالنزول اليوم دة انا ليا مخ فى راسى ومش مقتنع اظن عادى ولا علشان انا فيا مخ شايف حاجه عكسك ابقى فلول و مش خايف على البلد و الكلام دة ليه فى تحامل على اللى ليه وجهه نظر مخالفه انت عايز تنزل براحتك طبعا انت ليك اسبابك اللى مخلياك مقتنع انا مش عاوز انزل علشان فى اسباب مش مخليانى مقتنع وبالنسبه للثورة الاولى انا نزلت ودراعى اتكسر فى خناقه مع بلطجيه عند القصر العينى وانا بشوف شغلى وبورد مستلزمات لاقسام الطوارى وعربيتى اتكسرت كلها وعربيه الشركه اللى كانت ورايا اتكسرت برضه و كان فيها جهازين باكتر من 180 الف جنيه وكل دة بالنسبه ليا عادى فدا البلد ومعملناش اعلانات ان اتكسرلنا حاجات وانا وطنى ومن بتوع الثورة وادخل ائتلاف من ال 1000000 ائتلاف واطلع على التفزيون احكى ماساتى واعيط والم تبرعات معه ان ربنا يعلم تمن الاجهزة دى اتسدد للشركه برة ازاى فياريت محدش يزايد على وطنيه حد علشان الكلام دة بيزعل بجد

عشان ما نظلمش الراجل ..هوه قال اغلب ... يعني انت و انا من الباقيين اللي هما 90% اصلا من اللي بيقولوا مش هننزل ...
بالمناسبة ...انا مع كل المطالب ...بس شايفها اتنفذت او بتتنفذ ..عشان كده ضد النزول ...ما عدا مطلبين انا ضدهما عل طول الخط ...مجلس رئاسي ...او تأجيل الانتخابات....بتوابعهم ..

المشاركة الأصلية كتبت بواسطة alaa_dash

عشان ما نظلمش الراجل ..هوه قال اغلب ... يعني انت و انا من الباقيين اللي هما 90% اصلا من اللي بيقولوا مش هننزل ...
بالمناسبة ...انا مع كل المطالب ...بس شايفها اتنفذت او بتتنفذ ..عشان كده ضد النزول ...ما عدا مطلبين انا ضدهما عل طول الخط ...مجلس رئاسي ...او تأجيل الانتخابات....بتوابعهم ..

ممكن اكون لابس نضارة مهببه مش سوداء بس النزول للمظاهرة دى هيبتعه اشتباكات هيبتعه تفعيل للكلمتين اللى نزلو فى الاهرام من حوالى 12 يوم ان المجلس العسكرى شايف انه يحتمل تاجيل الانتخابات لحين استقرار الاوضاع اللى هى مش هتستقر واللى هو رجع نفاة بعدها واللى ممكن يرجع يفعله ببيان و هيبقى ليه كل الحق فى تاجيلها لعدم استقفرار الاضاع فعلا


وانا بعتذر لو حد خد كلامى عليه انا بتكلم بشكل عام علشان فى ناس محسسانى انى جاسوس اسرائلى حقير على راى الفيلم اما بقول مش عاوز انزل