أنا محتار لو سمحتو ساعدوني

**moro14** · 22-05-2011 02:34 AM

أنا محتار لو سمحتو ساعدوني

أنا بإذن الله ناوي اشتري عربية جديدة يا رب ، بس بصراحة أنا محتار ما بين كذا حاجة ، و كنت عايز من سعادتكم تسعدني بعد إذنكوا و أنا ناوي ادفع 60,000 مقدم

أنا محتار ما بين الآتي:
كيا سيرتو هاي لاين 2011 حوالي 137 ( من برة ممتازة و فيها اوبشن كتيرة بس خايف من مشكلة العفشة الصلبة علشان جنت ال-17 )
MAZDA03 حوالي 151 (بس بسمع ديماً كتير إن المازدا وحشة و قطع الغيار غالية و كمان ال-re seel بتاعها وحش )
اكسنت RB 114 ( الناس لسة مش مجربها و كمان سمعت إن الصاج بتاعها خفيف و ضيقة من جوة )

شفرليت كروز 151
HONDA سيفك 158 (بس عيبها إن قطع الغيار غالية دة بلاضافة انها مشbase only high line )
أرجو الافادة يا شباب ،
و ربنا يجزيكم خير يا رب
مستني ردودكم ،
شكرا

**haythamkmal** · 22-05-2011 11:51 AM

يا باشا اهلا بيك
الاول كده تطلع ال اكسنت من المقارنة لانها فئة تانية خالص
بعد كده نبدا نقارن بالصانع اكيد هيكون الهوندا ، وبعده المازدا وبعده (السيراتو والكروز)
بالنسبة للاسعار اكيد الهوندا والمازدا اغلاهم بس الهوندا متوفرة اكتر وقطع غيارها معمرة جدا
بالنسبة للكماليات الهاى لاين فى الهوندا فيها كل الكماليات فيما عدا فتحة السقف ، الفرش الجلد، vsa ، ومعتقدش ان الحاجات دى مؤثرة اوى .

مش عايز اقول عن المشاكل فى العربيات التانية عشان الناس متزعلش، تقدر حضرتك تخش على القسم بتاع كل نوع وتشوف المشاكل الوجوده فى كل نوع

**SAMEH_FOUAD** · 22-05-2011 01:57 PM

زى ماهيثم باشا كدة قال

بس انا بقى ياهيثم باشا لازم اقول على العيوب عشان الناس تعرف

اولا بالنسبة للسيراتو ( انت بتدفع فلوسك فى عربية فيها اوبشن لكن كأداء وراحة ونعومة وخامات وتقفيل اقل واحدة فيهم , يمكن الهاى لاين تقفيلها احسن شوية بس بردة حرام ادفع 140 الف جنية

بالنسبة للكروز ( سيارة شكلها شيك من برة , وشكلها يوحى بالفخامة من الداخل لكن مجرد ماهتدخل العربية هتطلع برة تانى تشوف هية دية العربية اللى انت ركبتها ولا واحدة تانية بجد حاجة غريبة اوى العربية ضيقة جدا , خاماتها بلاستيك , ماتورها ضعيف عليها جدا , وفيها مشاكل صناعة كتير ممكن تسأل ملاكها عليها

بالنسبة للمازدا 3 ( منظرها حلو , خاماتها فى الضياع , ضيقة جدااااااااااااااااا وخصوصا الكنبة الخلفية , يادوبك تاخد احجام لاتزيد طولهم عن 170 ووزنهم عن 80 كم مش عارف اصلا اللى صممها صممها ازاى , العربية ادائها رايح ماتورها صغير 1600 سى سى 105 حصان على بودى اكبر من الموديل السابق واصلا الموديل السابق كان بردة اداءة ضعيف تخيل بقى لما كبروا الحجم
قطع غيار غالية جدا , غير موجودجة الا فى التوكيل لحد الوقت الراهن

السيفيك ( العربية دية بجد جميلة جدا منظر , وثبات , وماتور , وعفشة ناشفة شوية بس غير منافسيها خالص , بس يعيبها انها واطية مع التحميل فى الكنبة الخلفية , الكنبة الخلفية مظبوطة لو الراكب الامامى مارجعش الكورسى للخلف او امال الظهر هتبقى ضيقة للخلفى , مافيهاش شاشة بيانات لحساب البنزين والكمية المتبقية , قطع غيار متوفرة وبكثرة فى كل الاماكن وباسعار عادية مش مبالغ فيها اوى زى باقى التوكيلات

انا عن نفسى ارشحلك السيفيك مش هتندم بجد

وعلى فكرة الاكسنت rb سيارة ضيقة جدا , خاماتها اشبة ببلاستيك لعب الاطفال ثبات ومحرك لسة العربية ماتجربتش شد وثبات لما تعدى ال5000 هتعرف كل حاجة عنها بالتفصيل

**shero379** · 22-05-2011 06:32 PM

متشوف السيتى ....اعتقد انها حلوة و اعلى من السيفيك شوية

**moro14** · 22-05-2011 06:49 PM

جد يا باشا أنا عاجز عن الشكر ليك و على ردك الوفي لي على الموضوع كلو
معلشي أنا هسألك سؤال أخير ، بصراحة أنا نفسي في السيفك بس حاسس إن 158 كتير على عربية base line
مع إن كل الكماليات موجودة في cerato ، أنا بصراحة ميال لها أكتر ، إنت إيه رأيك يا باشا
و معلشي بتئل عليك في السؤال؟
شكرا ليك يا باشا

**mimmohonda** · 22-05-2011 06:54 PM

الف مليووووووووووووون شكر ليكو يا هيثم ويا سمسم ......معلومات بجد تطمن اى حد عاوز يشترى زيرووو ...

**SAMEH_FOUAD** · 22-05-2011 11:32 PM

المشاركة الأصلية كتبت بواسطة moro14

جد يا باشا أنا عاجز عن الشكر ليك و على ردك الوفي لي على الموضوع كلو
معلشي أنا هسألك سؤال أخير ، بصراحة أنا نفسي في السيفك بس حاسس إن 158 كتير على عربية base line
مع إن كل الكماليات موجودة في cerato ، أنا بصراحة ميال لها أكتر ، إنت إيه رأيك يا باشا
و معلشي بتئل عليك في السؤال؟
شكرا ليك يا باشا

دلوقتى انت عايز اية من العربية السيفيك ال base line بتاعها ممكن يكون full option فى اى عربية تانية

يعنى السيفيك عندك فيها abs ,ebd , air bag و الكماليات الاساسية اللى انت عارفها وعداد الديجيتال ومنظرها وكفاية ثباتها واداء ماتورها الرائع اللى بجد تحفة , دة الفئة ال lxi اللى انت بتقول عليها base line انت محتاج حاجة تانى معاك ( شكل , ثبات , ماتور , راحة , نعومة , قطع غيار متوافرة , توكيل رائع , اعادة بيع جيدة جدا , تقفيل عالى , اعتمادية , وكفاية انك عمرك ماتلاقى هوندا عطلانة على الطريق )

انت عارف والله اول امبارح لقيت سيراتو 2010 عطلانة على الطريق والراجل فاتح الكابوت وتقريبا الحرارة عليت ماستحملتش الحر مع التكييف ادى الكورى ياعم اللى الناس فرحانة بية وبامكانياتة العالية بس اداء لايقارن باليابانى نهائى , نصيحة منى خليك فى اليابانى

المشاركة الأصلية كتبت بواسطة mimmohonda

الف مليووووووووووووون شكر ليكو يا هيثم ويا سمسم ......معلومات بجد تطمن اى حد عاوز يشترى زيرووو ...

انا قولتلك شرح مبسط , مارضتش اتطرقك لكل عربية بالتفصيل , لان ساعتها ناس كتير هتزعل اوى

**No Comment** · 23-05-2011 01:42 AM

بص مش هقول أكتر من اللى شباب الهوندا قالوه فوق غير أن .
سمسم عمل تجربة قيادة قبل كدة لنيوسيراتو الـ 6 جير بوكس .
والعبد لله عمل تجربة قيادة للـ هيونداى rb .
والكلام بعد كدة مش هيختلف عن اللى كاتبه أ/ هيثم وسمسم فوق .

-

-

الموضوع: أنا محتار لو سمحتو ساعدوني

LinkBack

أدوات الموضوع

عرض

-

-

المواضيع المتشابهه

أنا محتار لو سمحتو ساعدوني

أنا محتار لو سمحتو ساعدوني

أنا محتار لو سمحتو ساعدوني

استفسار ضرور جدا لو سمحتو ساعدوني ؟

لو سمحتو ساعدوني

الكلمات الدلالية لهذا الموضوع

المفضلات

المفضلات

ضوابط المشاركة