الموضوع: بفكر اتجوز تاني

المشاركة الأصلية كتبت بواسطة amribrahim

عيب ... مش عشان الشرع إدالك الحق يبقى كلو يبقى تمام ... لو المدام مريحاق يبقى إيه لزوم الجواز التاني ... حرام

ياريت مانحرمش حاجه حللها ربنا

يا جبروووووووووووووووووووووت ك يا أخي وبتقولهه كده على الملأ عادي

عاوز أتجوز تاني !!!! ربنا يدينا طولت العمر ونشوفك على المنتدى تاني

المشاركة الأصلية كتبت بواسطة dr.amr

اسمع كلام الراجل ده

الراجل ده خبره

من كام شهر برضو كان بيفكر يتجوز تاني

بس عقل

يادى الصياح

يا دكتور انا بفكر اتجوز على مراتى من وانا لسه خاطب

وبعدين انا مش حمل ابقى متجوز اتنين

ده انا من جوازه واحده وطفلين بقيت بفرفر وبكلم نفسى

انما صاحب الموضوع لو مقتدر ماديا ونفسيا فله الحق فى الاختيار

ولنا الحق فى معرفه النتائج

المشاركة الأصلية كتبت بواسطة heshamzaky

هههههههههههههههههههه بص يا باشا أنا شايف أنك تتجوز تانى لان الفكرة معششة فى تفكيرك توكل على الله و ربنا يوفقك.
بس سؤال بجد البيانات الى أنت كتبتها صحيحة و لا الموضوع دعابة كلة على بعضة لانى حاسس أن البيانات الى أنت كتبتها مش صحيحة و الله أعلم

كله صحيح ياباشا احنا هنا ف المنتدي عيله

نفهم من كل ما سبق ان الواحد اول حاجة يعملها انه يجيب المحل اللي حينام فيه قبل ما يعملها ويتجوز تاني
امنية عمري طبعا اني اتجوز تاني
وبدور علي محل
ههههههههههههههههههههههههه ههههههههههههههههههههههههه ههههههههههههههههههههههههه هههههههههههههه
اتجوز ياباشا ولا يهمك الواحد في الدنيا التيت دي بيعيش كام مرة
متخليش في نفسك حاجة
واللي معاك ديته اقتله

المشاركة الأصلية كتبت بواسطة mecaneky

بص يا باشا

كل الاراء اللى سمعتها هنا صح جدااا وفى نفس الوقت غلط جداااااااااا

الحاجه دى عامله زى البدله مينفعش تشوفها على غيرك وتعجبك وتقول اكيد حتبقى عليا حلوه

ممكن تليق على غيرك ومتفعش ليك وتبقى شكلها وحش فيك

الخلاااااااااااااااصه

شرعا الجواز الثانى والثالث والرابع حلال شرعا وبدون قيوووووووووووووووود وعذرا للى كل بيقول لازم تاخدى رأى الزوجه او لو مش مقصره معاك وكذا وكذا وكذا

كل ده كلام على راى زميل لينا هنا ده فى شرع ماما سوزان والتليفزيون المصرى بسلامتهم

لكن خلى بااااااااالك

فى شرعنا برضه قاعده شرعيه بتقول سد الاذى خير من جلب المنفعه

ولو فى حاجه مبااحه حيترتب عليها ضرر تبقى فى هذه الحاله واكرر فى هذه الحاله فقط لا تجوز

وده اللى خلانى اقولك ان كلام الناس هنا كله صح وكله غلط فى نفس الوقت

فى ايامنا دى المقدره هنا يا باشا مبقتش القدره الماديه والجسديه بس

لا فى كمان القدره العقليه

لازم دماغك تستوعب اتنين ومشاكل اتنين وهموم اتنين لانه لو مستوعبتش حيحصل زى ما الويندز بيحصله وحتهنج وتحتاج واحد يدوسلك على الزرار

لكن لو انت شايف ان دماغك توزن بلد ومن الناس اللى بتقدر تتكلم وتفكر فى كذا موضوع فى نفس الوقت توكل على الله

وخلى بس فى جوازتك دى نيه علشان الثواب بس يعنى سيدنا عمر وهوا كان ابن ستين سنه تزوج من بنت 16 سنه وكان بيقول انه لم يتزوجها طلبا فى متعه النكاح ولكن طلبا للولد حتى يكون من صلبه ولد يسجد لله تعالى

واى خدمه يا باشا وموضوعك جمييييل

ربنا يبارك فيك

المشاركة الأصلية كتبت بواسطة wesam_salom

اقولك على رأيى الشخصى

شرعا الجواز الثانى والثالث والرابع حلال شرعا يبقى منقدرش نلوم عليك

واغلب المتزوجين بيفكروا فى الموضوع ده بس بيمنعهم اسباب كتير منها الحاله الماديه والارتباط بالزوجه الاولى والخوف على مشاعرها ومنهم اللى بيخاف من السكاكين

اقولك على تجربه شخصيه برده

انا ليا عمى متجوز 2 وقاعدين فى عماره واحده بتاعته

كل واحده فى دور

وكل يوم بشوفه نايم فى المحل بتاعه اللى تحت العماره

لو عندك محل تنام فيه اتجوز هههههههههههههه