السلام عليكم اولا
انا اسف جدا على عنوان الموضوع بس دى الحقيقة الى شوفتها النهاردة بعينى انا ساكن فى مدينة نصر وكنت نازل مشوار انا قريب من عباس العقاد وبالظبط عند تقاط عباس العقاد مع مصطفى النحاس مجموعة من الشباب الى بيرسموا على الارض رغم انى مش عارف اية لزمة او قيمة الرسومات دى وواحد فيهم واقف على الشارع يشاور للعربيات المعدية ويطلب منهم مساعدات مش عارف لية اساسا يمكن مثلا علشان تمن البويات والفرش اساسا محدش قالهم يرسموا فى الشارع ومصر مش هتتقدم بالرسومات وفى اول عباس على الاتوستراد بعدها باقل من نص ساعة لقيت مجموعة تانية من الشباب والمرة دى معاهم بنات والبنات هى الى بتطلب من العربيات
الى مش فاهموا هل هى دى الثورة هل مصر هتتقدم بالرسومات هل الفلوس الى بيلموها دى علشان الفرش والالوان اية قيمة او لزمة الرسومات دى ادام انتوا شباب وفاضيين ياريت نتحد مع الشرطة ونرجع نعمل لجان شعبية زى زمان علشان موضوع السرقة الى زاد فى البلد كلها لكن مش نمسك فرشة والوان ونقول هى دى الثورة
من اول ما ابتدت الثورة وكل شوية ناس تركب الموجه
زى قناة المحور الى جابت عيلين ملهمومش اى لزمة وواحدة ست عجوزة وعمالة تقول احنا الى عملنا واحنا الى سوينا واحنا الى هننهى الكلام دا ويا فلان ويا فلان تعالوا واعملوا وسووا ولا زى البنت الى جابوها تقول احنا اتدربنا فى امريكا يارب نترحم من كل دا

مصر مش هتتقدم الا بالشغل الى بجد بالامن والامان علشان نبطل خوف على اخواتنا وبناتنا وزوجاتنا
لكن ممش الرسم والشحاته من الناس هو دا الى هيقدم البلد
كلمة اخيرة انا عارف ان زى كل موضوع فى المنتدى هيطل واحد ولا اتنين يقولوا دا بيكره الثورة او بيغلط فيها او دا حزب وطنى او ظابط او فلول او فلافل يا جماعة انا بجد فخور بالثورة بس مش عاوزين نشوهها
واسف على الاطالة