الموضوع: هل دول سباب الثورة ولا شحاتين الثورة

المشاركة الأصلية كتبت بواسطة hagan

ابدا ابدا مفيش خلاف بين الاخوة
و حتي لو السن اختلف
و موضوع ان يكون فيه انتقاد من الدكاترة في الجامعة ده طبيعي جدا
جيلي ايضا كان بيتقالنا كلام زي السم
و الدكتور بتاعك في الكلية الجيل بتاعة ايضا اتعامل معاملة درجة تانية من اساتذتهم بس هناك سرعة رهيبة الان في المعرفة
و طبعا هذه السرعة المهولة ليست فضل لجيلكم و لكنها سنة الحياه
و لكن هذه السرعة في المعرفة اما ان تكون ميزة لكم او عيب فيكم انكم استغلتوه غلط
بمعني ان تعاقب الاجيال بيجعل الاصغر احيانا يحس ان علمه الغزير و ثقافته اللامحدودة في سن حديث نتيجة توفر سبل المعرفة الحديثة تجعله في ميزان واحد و مستوي واحد مع من هو اكبر منه سنا
و هنا الخط الفاصل بين الاحترام لمن هو اكبر مني سننا و انا علي علم تام بأنه احتمال اقل مني معرفة و ليس خبرة ( تفرق اصلي ) فالمعرفة احيانا تكون المعرفة اللحظية بمجريات الامور من سرعة في التحصيل بوسائل الاتصال الحديثة ( نت و تي في و جروبات و خروجات ) و ساعات بيحدث غرور لمن هو اصغر انه بذلك و بأمتلاكه لكل و سائل المعرفة و حصوله علي المعلومة في لحظتها بأنه يستطيع دائما ان يختار الاصلح و بأنه يعرف الطريق السليم عمن يكبره سننا او يختلف عن جيله فالاخر يمتلك ( الخبرة ) التي كفلت له التجارب التي لم تمر علي الجيل الاصغر فبينظر للامور كما كان يقول عرفات الله يرحمه و فلسطين معدومة ( يا جبل مايهزك ريح ) مع ان الجبل اصلا كان تم تفجيره من زمااااااااااااااااااااااا ااااااااان ههههههههه
و طبعا شباب اي فترة زمنية لو انهم فكرو شوية سيعلمو انها مجرد سنوات بسيطة ( يجي 15 سنة ) و لو اعطاهم الله العمر سيصبحو هم الاخرين في الاربعينات او الخمسينات و سيصبح استاذا او معلما او اي شئ و سيأتي شباب العشرينات و يروهم بصورة مختلفة و يحس ( سوري يعني انهم مش محترمين ) و هيحس انهم هايفيين اوي بالنسبة لجيله اللي هوه كان بيسمع كلام زي السم من الاجيال السابقة
فهمت حاجة يا بشمهندس


م.حاتم السباعي

اه يا بشمهندس انا فاهم كل ده ....

ومتعودين عليه من زمان .......

لكن بعد الثوره الموضوع اتحول لسخريه و اضحه ببشاعه من البعض

خصوصا من الاكاديميين منهم ..حياه و شغل ..

تحول لموضوع انتقام عند الكتير ..ولو تحب احكيلك مواقف و الله مش هتصدق

و بكرر اسفي للجميع

انا مسمي الموضوع شحاتة 5 نجوم

للأسف استهبال و عبط وفي كل مكان عاملين الموضوع ده و هزقت شباب كتيير
رسم ع الحيطان و الانفاق و في الارض طب ايه لازمتها هي ديه اللي هتغير البلد ما بدل الهجس ده يشتغلوا احسن زي اليابان
و كله كوم و نفق الثورة كوم تاني و اللي عملوه فيه و لا سوق العتبة في مجده
و اللي اكتشفته انهم بيقفوا يلموا بالآلافات يصرفوا منها 100-200 جنيه يدهنوا بيه حتة اللي واقفين فيها و الباقي في جيبهم يا فرحتي
و اللي يقهر اكتر اللي بيلموا من المنطقة نفسها اللي ساكنين فيها و يضربوا الباقي جيبهم بدل مثلا ما يجيبوا بيه زرع او اي حاجة مفيدة للمكان او حتي يتبرعوا بيه للمحتاج للأسف مفيش ضمير و شعب عمره ما هيتغير مهما قامت ثورات من هنا ليوم القيامة
و انا شايف اللي بيديهم يعتبر بيساعدهم ع النصب و السرقة و شغل الشحاتة ده
و اكتر شئ مضحك
ان طول عمري بقول لاصحابي ليه مش كل مربع سكانه يلموا مع بعض فلوس و يدهنوا قدامهم و يزرعوا الجناين اللي اتصحرت ديه و لو كل حي و شارع عمل كده هنلاقي البلد كلها بقت شكلها حلو و بفلوس رمزية من كل شخص مش لازم كل حاجة نستني الحكومة تعملها لأنها مش هتيجي اساسا كانوا بيضحكوا و بيتريقوا عليا و كأني كائن فضائي
و الواحد لما كان لازق علم مصر ع العربية كان بيبقي اضحوكة للناس كلها و يقعدوا يتريقوا
بعد الثورة خلاص الناس كلها بقي عندها انتماء و بيحبوا البلد و نظافة و دهان الشوارع واخدهم اوي

اعذروني ع عصبيتي بس حاجة تعصب فعلا

حضرتك وصلت بالظبط للى انا عاوزه من الموضوع والى كتير من الناس مش قادرين يوصلوله هو بالظبط الى حضرتك قولته دا