الموضوع: يوم كله خير بإذن الله

المشاركة الأصلية كتبت بواسطة دموع الثلج

يا علا

انا عاوزه اروح معاهم انتى هتروحى .............. ؟

رايحة ان شاء الله يا دودووووووووووووووو

ع الخاص بأه و نظبط موبيلات يا جميل ;)

نازلين كمان شوية ان شاء الله انا و دموع نقضي اليوم مع أيتام قرية سقيل. ادعوا لنا ربنا يتقبل و نقدر ندخل السعادة و البهجة على الولاد دول :)

المشاركة الأصلية كتبت بواسطة abdelaziz-waleed

بارك الله فيكم وجعلكم مع الرسول صلى الله عليه وسلم في الفردوس الاعلى بإذن الله

جزاك الله خيرا :)

الحمد لله اليوم تم على خير و شفت دموع التلج و ابن خالتها كمان كان معاها عمرو ابن خالتها ربنا يبارك لهم في وقتهم و شبابهم تعبوا معانا فعلا في اليوم و كان على أد المسؤولية.. ثواني و راجعة و معايا الصور ان شاء الله ;)

دول الولاد متصورين على مدفع



ده عم أبو مروان و جنبه واحد من زمايلنا في قهوة كتكوت، أول مرة كان يشترك معانا في أنشطة أصلا و اللي ورا ده هو عمرو ابن خالة دموع التلج.



اتنين من المشرفين مع الولاد.. الصورة دي فيها 4 من الولاد اللي كنت مسؤولة عنهم.. انما جننووووووووووني :o



ده جوه البانوراما في انتظار العرض، ولادي بأه همه أول 3 من اليمين و أول 2 من الشمال.. شكلهم متشردين بس زي العسسسسسسسسل :)

مش عارفة ليه الصورة مش راضية تنزل في الموضوع.. مع اني و انا باكتبه كانت نازلة عادي.. عموما معلش كليك على كل لينك و هاتشوفوا الصور.. بس هناك :)

ربنا يجعله في ميزان حسناتكم

الحمد لله الذي تتم بنعمته الصالحات.

أول مرة أحضر نشاط لروح و اتهد اوي كده.. امبارح مروحة فاكرة طشاش اني كان في يوم من الأيام عندي رجلين

بس الحمد لله ربنا أنعم علينا بتيسيرات مالهاش تفسير غير انها من عند ربنا.. الحمد لله.

طبعا كله كان تعبان و مهدود من اللعب مع العيال و ملاحقتهم في كل مكان و محاولة عمل توازن بين اننا نقدر نسيطر عليهم و في نفس الوقت ما نزعلهمش.. بس الحمد لله ربنا قدرنا على ده و كفاية كمان اني أول ما شفتهم لا اعرفهم و لا يعرفوني و على نص النهار كانوا بيتسابقوا مين يمسك في إيدي و احنا ماشيين و مين يركب معايا اللعب و خصوصا الواد محمود السكر ده.. صغنون اوي 5 سنين، كان كل ما أغيب عنه يدور علية و يمسك في إيدي :)

برغم التعب اللي كنت حاسة بيه امبارح انما ده أحلى تعب باتعبه في حياتي.. احساس عالي اوي صعب حد يقدر يحرم نفسه منه.. اللهم تقبل يا رب.. اللهم تقبل.. اللهم تقبل.