محتاج المشوره في بيع عربيتي لانوس 2006

**ASD peugeot** · 24-05-2011 04:01 AM

السلام عليكم
محتاج المشوره في بيع عربيتي اللانوس هي موديل 2006 كامله عامله 150 الف كيلو وحالتها جيده لكن بفكر في التغيير و العربيه كويسه بس مش عارف افضل مكان ابيعها فيه اروح سوق الجمعه مش عارف السوق عامل ايه و رينج العربيه في حدود كام اقل سعر للموديل ده لاعلي سعر ممكن وبجد انا مش عاوز ابيعها لاني بحبها بس عاوز اجيب حاجه اعلي و شكرا ليكم جميعا. ويا رب مكنش بتقل عليكم وجزاكم الله كل خير..

**graffittiii** · 24-05-2011 04:52 AM

في حدود معلوماتي المتواضعة أقل سعر 45 أعلي سعر 52
وان شاء الله ربنا يوفقك والانوس سهلة ف بيعها ماتقلقش ..

**ASD peugeot** · 24-05-2011 05:51 AM

شكرا ليك انا عارف انها سهله في بيعها طيب هل سوق الجمعه في مدينه نصر مكان مناسب للبيع دلوقتي

**alaasaid** · 24-05-2011 11:06 AM

السلام عليكم .

حضرتك لو مش عاوز تنزل سوق الجمعة ممكن تعمل اعلان فى موقع كونتاكت كار او الوسيط و ربنا يكرمك بالخير ان شاء الله .

**ahmedhilmy** · 24-05-2011 11:33 AM

ممكن السق اي موقع من مواقع بيع السيارات او هنا في المنتدي في ناس كتير عايزة لانوس ممكن تلاقي حد من اعضاء المنتدي يكون عايز وحده ليه او لحد من صحابه لو حلوة ان شاء الله هتتباع علطول املا استمارة البيع و ربنا يكرم

**احمد المصرى** · 24-05-2011 12:11 PM

فى واحد صاحبى عايز دايو لانوس لو انت جاد فى البيع قولى السعر النهائى كام وامكانيات العربيه يعنى انت مركب فيها حاجه زياده ولا الطبيعى بتاعها وانا هقوله وربنا يسهل ان شاء الله

**mohraga2y** · 24-05-2011 02:26 PM

ياريت حضرتك تقول السعر المطلوب وحالة العربية من دهان وكفرات وصالون وكماليات والرخصة والون وياريت صور وان شاء الله جاد فى الشراء.

**ASD peugeot** · 25-05-2011 06:49 AM

شكرا ليكم يا جماعه علي اهتمامكم وبصراحه العربيه مريحاني و مبسوط منها جدا لانها اقتصاديه و امكانياتها كويسه جدا
وان شاء الله هعمل موضوع و بالصور قريب ليها و ربنا يسهل ان شاء الله لو بشكل نهائي قررت ابيعها واغير للاحدث وشكرا ليكم مره تانيه