a113 حلم الشباب يتحقق ..... الجملة دى صحيحة بالفعل

**Dr Ahmed** · 23-04-2008 01:20 AM

يا مامادو المشكلة إن العربية دى بالذات "بختك يابو بخيت"
يعنى لو كانت وقعت فى إيدك عربية من اللى جننت اللى كتبوا عنها قصائد هجاء كنت قلت "وأنا باستحقر كل واحد قال عليها كلمة حلوة" ، لكن الحمد لله حظك طلع حلو ويارب يستمر لأنها اصبحت معروفة بشوية مقالب ربنا ما يوريهالك، ومبروك عليك وإبقى قول لنا أخبارها بالتفصيل وأخبار التوكيل.

**Karim_Monir** · 23-04-2008 01:22 AM

انت من اول كام مشاركة داخل تقول وتقسم بالله العظيم كمان انك بتستحقر اي شخص قال على العربية دي سيئة
والله كلك ذوق
وواضح كمان ان معلوماتك في العربيات معلومات محترف بجد
انت سوقت العربية دي؟
انت نزلت تحت العربية شوفت الشاسية بتاعها
انت شوفت القنطرة اللي شايلة الماتور مربوطة باية في الشاسية وشكل اللحامات
انت سوقت العربية وخدت بيها مطبات وشوفت سحبها وشوفت نظام تعليقها وشوفت ثباتها وهيا بتاخد ملف
عموما دور كويس في المشاركات عندنا هنا عشان في ناس اكيد خبراء اكتر منك بكتير قالو رايهم في العربية دي

**Dr Ahmed** · 23-04-2008 02:05 AM

المشاركة الأصلية كتبت بواسطة mamado_baki

1- ليه بكلامكم دة تهدمو امل الناس دى

2- مش كل من اشترى فينا بطيخة وطلعت معاه قرعة يبقى كل البطيخ اقرع

3-بص ياباشا مواضيع الى انا قاريتها من قبل ما موديل 2008 ينزل

وابو الفتوح مش غبى اكيد الكلام دة وصل لمحررين الشركة

العيواب اكثرها تلاشى موديل 2008

1- محدش بيهدم أمال حد، مجرد بيقولو رأيهم زيك بالضبط.

2-مشكلة البطيخ الأقرع مع الاسبرانزا ان الأقرع كان كتير معاها شوية فبقى ملحوظ قوى.

3- المواضيع اللى قريتها عن "موديلات قبل 2008" ، عرفت منين إن أبو الفتوح أو شركة اسبرانزا بتفكر بطريقتك وانهم بيهتمو بالعميل أو بالتطوير؟ هل تأكدت من كده وللا دا رأيك وللا دى أمنيتك؟
لو لم تتأكد يبقى ردك غير موضوعى ولا يقاس به على رأى أصحاب الخبرة ويبقى مجرد رأى دون دليل..

وأخيرا: بصراحة أسلوبك حتى الآن حاد أكثر من اللازم ودا مش مطلوب فى أى منتدى فياريت تاخد بالك من النقطة دى وشكرا ليك.

**mamado_baki** · 23-04-2008 02:14 AM

المشاركة الأصلية كتبت بواسطة Dr Ahmed

1- محدش بيهدم أمال حد، مجرد بيقولو رأيهم زيك بالضبط.

2-مشكلة البطيخ الأقرع مع الاسبرانزا ان الأقرع كان كتير معاها شوية فبقى ملحوظ قوى.

3- المواضيع اللى قريتها عن "موديلات قبل 2008" ، عرفت منين إن أبو الفتوح أو شركة اسبرانزا بتفكر بطريقتك وانهم بيهتمو بالعميل أو بالتطوير؟ هل تأكدت من كده وللا دا رأيك وللا دى أمنيتك؟
لو لم تتأكد يبقى ردك غير موضوعى ولا يقاس به على رأى أصحاب الخبرة ويبقى مجرد رأى دون دليل..

وأخيرا: بصراحة أسلوبك حتى الآن حاد أكثر من اللازم ودا مش مطلوب فى أى منتدى فياريت تاخد بالك من النقطة دى وشكرا ليك.

دكتور احمد حبيبى انا مش اقصد ان اسلوبى يبقى حاد ابدا والله بس انا اتعصبت شوية من التهكم من الاخ الكريم
بدل ما يدخل يثولى ربنا يباركلك فيها ويكغيك شرها حاسس انه بيانبنى علشان انا اشتريتها
بس اقسم بالله لم اقصدى اى شئ من التهكم على احد منكم

مهما كان البطيخ اخضر بيحمر ويحلو دى تانى نقطة

3 بقى ودى الاهم احنا عندنا هنا فى البيت عربيتين دايو كونا بنقول كدة زاى ما انت قولت وكيل وصيانة وكدة والوكيل هو ابو الفتوح العربية كان فيها عيوب ابو الفتوح تلاشاها فى موديلات اخرى

بالنسبة للوكيل والصيانة الحمد لله ناس محترمة جدا

وزاى الفل ...... بس فدى الى خلانى اتكلم بقلب جامد على الموضوع ياباشا كل الى فيها انها عن تجربة خيرة

وسورى ياباشا وسورى للاخ لو اتعصبت شوية

بس ... فى حديث بيقول ... الكلمة الطيبة صدقة

وفى الحديث الى بيقول ... مش فاكره بالظبط بس اذا تكلم احدكم فليقل خيرا او ليصمت

**SaLM!Na** · 23-04-2008 02:18 AM

اية يا جماعة صلوا ع النبي
الراجل و فرحان بعربيته خلاص سيبوه ف حاله
هو شايف العربية كويسة معاه و الحمد لله و مقتنع بيها
و اللي بيشيل قربة مخرومة ما بتخرش غير عليه
يعني هو اول واحد هيحس بعيوبها قبل اي حد
مش يمكن تطلع بجد كويسة معاه و تريحه
ع العموم مبروك عليك العربية و ان شاء الله ما تطلعش قرعة

**Dr Ahmed** · 23-04-2008 02:23 AM

من الآخر:
يااااااااارب يسعدك بيها ويحفظهالك وتقول لنا كل مرة أحلى كلام عنها وما تحتاجش التوكيل خااااااااالص( إلاللصيانة الدورية) وياااااارب تملاها عيال صالحين (بس ساعتها هتجيب بريليانس):)

**amrhussein123** · 23-04-2008 02:24 AM

مش كل من اشترى فينا بطيخة وطلعت معاه قرعة يبقى كل البطيخ اقرع

علي فكرة العربيات غير البطيخ

**mamado_baki** · 23-04-2008 02:37 AM

المشاركة الأصلية كتبت بواسطة Dr Ahmed

من الآخر:
يااااااااارب يسعدك بيها ويحفظهالك وتقول لنا كل مرة أحلى كلام عنها وما تحتاجش التوكيل خااااااااالص( إلاللصيانة الدورية) وياااااارب تملاها عيال صالحين (بس ساعتها هتجيب بريليانس):)

اممممممممممممممممممممم
انا لميت حق الاسبيرانزا فى حوالى 6 سنين
اما البريليانس اممممممممم احسبها لو اتجوزت وجيبت عيلين
وبيت وزوجة واطفال يعنى قول 300 جنيه احوشهم فى الشهر

حرااااااااااااااااااااام عليك خليتنى احسبها ليه

عليت عليا الضغط ياباشا ههههههههههههههههههههههههه ه

ياخوانا والله الى بيتوكل على الله وبيرمى حموله على ربنا

عمر ربنا ما يصده ابدا واتمنى اننا كلنا تكون عربيتنا بخير

**mamado_baki** · 23-04-2008 02:39 AM

المشاركة الأصلية كتبت بواسطة SaLM!Na

اية يا جماعة صلوا ع النبي
الراجل و فرحان بعربيته خلاص سيبوه ف حاله
هو شايف العربية كويسة معاه و الحمد لله و مقتنع بيها
و اللي بيشيل قربة مخرومة ما بتخرش غير عليه
يعني هو اول واحد هيحس بعيوبها قبل اي حد
مش يمكن تطلع بجد كويسة معاه و تريحه
ع العموم مبروك عليك العربية و ان شاء الله ما تطلعش قرعة

عليه افضل الصلاة والسلام
بس الرسول صلى الله عليه وسلم قال تفائلو من الستنكم
ومن توكل على الله فهو حسبه
وشكرا ليك وربنا يبارك لكل من عنده عربية فيها
ويبعد عنها شر الطريق

الموضوع: a113 حلم الشباب يتحقق ..... الجملة دى صحيحة بالفعل

LinkBack

أدوات الموضوع

عرض

-

-

-

-

-

المواضيع المتشابهه

عودة الامن والاستقرار.. حلم يبدو انه يتحقق... الحمد لله

السلفيه لمن يريد ان يتحقق

حلم يتحقق لحقيقة --->>Impreza

محرك سيارة عربي ... هل يتحقق الحلم؟

الكلمات الدلالية لهذا الموضوع

المفضلات

المفضلات

ضوابط المشاركة