الفتيس

**mamdouhedrees** · 31-05-2011 12:33 AM

العمليه بسيطه افتح الغطاء من الجنب( ليس من اسفل الذى يفرغ الزيت) وتكون السياره واقفه على ارض مستويه ويكون الزيت بارد الى حدا ما نرى اذا كان الزيت يصل الى قاع حفره الغطاء المنزوع - اذا كان الزيت منخفضا نضف المزيد من الزيت حتى يبدأ فى الخروج من حفره التعبئه ثم نركب الغطاء-كما ذكرنا الفتيس يأخذ 1.8 لتر فقط هذا فى حاله تغيير الزيت ككل اما الزياده نصف لتر على اقصى حد حسب الرؤيه-ويكون الزياده بمسدس كما ذكرت-ولازم نوعيه الزيت sae 80

**mustafavet** · 31-05-2011 08:25 AM

طيب معلش سؤال بسيط
انا كنت اشتريت زيت موبيل 90 دا مينفعش؟
هو هناك حط زيت توتال وقالي مينفعش احط الزيت اللي انت جيبته لانه عنده زيت في المسدس ومش هينفع يغيره

**mamdouhedrees** · 31-05-2011 08:34 PM

زيت الفتيس شل 90 أو موبيل 80-90 أو أسو أو توتال بسى تتأكد من ان الزيتالذى وضعه فى المسدس هو فعلا زيت للفتيس لأن قليل (بلاش أكثر) لا تفرق معهم هل زيت فتيس ولا زيت أخر بدليل أنه حاسبك على 2.5 لتر كتزويد وليس تغيير انا رأى تروح بعد ذلك لميكانيكى يشيك على الزيت وتزويده فقط.وان كنت شاكك والفتيس مش مريح زى الاول امرك لله فرغ الزيت وهات كمان لتر موبيل 80-90 زى الذى معك وتضع منهم بمقياس 1.8 لتر فقط وتصر مع الميكانيكى أو واحد أخر يضع هذا الزيت الذى معك وتشوفه وان شاء الله هيكون فيه فرق كبير

**aramzy** · 02-06-2011 11:46 AM

اسمحوا لى ان احكى لكم عن تجربتى مع الفتيس
البداية منذ عدة شهور عند تغيير زيت الموتور وجدت العامل بيقولى ان زيت الفتيس ناقص و سألنى ان كنت احب تزويده فوافقت و بعدها بشهر و أثناء تغيير زيت الموتور وجدت العامل يقول ان مفيش زيت خالص فى الفتيس فقلت له حط زيت و مش متذكر حط كام بالضبط المهم بعد ذلك بدأ الفتيس يقفش عند الغيار فذهبت الى ميكانيكى خلف المنزل فقال انه ناقص و يمكن نوع الزيت مش هو المضبوط وراح منزل الزيت و حط الزيت من اول و جديد و حط حوالى 3 كيلو و بعدها بعدة ايام سافرت و بعد 100 كيلو فوجئت بأن عداد السرعة و الكيلومترات قد توقف عن العمل و لمبه التشيك اضائت و فضلت قلقان طوال الطريق رايح جى لحد ما جيت القاهرة و لما رجعت تانى يوم لقيت فيه زيت كتير تحت العربية و رحت عند ميكانيكى فى صقر قريش يدعى عصام السنى فقال مبدئيا الزيت كتير و دا السبب فى التسريب حيث ان حسب الكتالوج المفروض نحط 1.8 ليتر فقط و ان التسريب هذا هو طرد للكمية الزائدة و جربنا نغير الجزء الاسود الخاص بعداد السرعة الموجود اعلى الفتيس و لم يأتى بنتيجة فذهبت الى فنى عدادات و لقى ان السبب جزء داخل الفتيس لونه سمنى وهو عبارة عن صباع طويل يلف من اسفل مع حركة التروس و يحول الطاقة الحركية بالاشتراك مع الجزء الاسود الى طاقة كهربية تحرك عداد السرعةو المسافة وكان مستغرب ان هذه القطعة تبوظ المهم العداد اشتغل و بالنسبة للقفش اللى فى الفتيس رجعت لعصام و قال هنجرب نعلى الدبرياج و نشوف و بالفعل خلال الايام الماضية لم اعد اواجه موضوعقفش الفتيس و نفضت للزيت اللى نازل من الفتيس و المرة الجايه هانزل الزيت كله و احط 1.8 بالضبط و ارجع بعد فترة انزله كله تانى و اشوفه نقص و لا منقصش