العربية اتخبطت والحمد لله على كل شى

**د.أحمد السعيد** · 26-05-2011 09:14 PM

قدر الله وما شاء فعل
و ربنا يعوض عليك

**BassamHafez** · 26-05-2011 09:48 PM

انا حاسس بيك والله يا ابو حميد

بس ها نعمل ايه بقى في الناس الي ماشيه وسايبه عقولها في السندرة جوة البيت

قدر الله وما شاء فعل

عشان كده انا نويت مش هاعمل اي اضافه على الاكصدامات خالص لانها فعلا ضعيفه جدا وتحس انها متشعلئه في العربيه غلط وما بتصدق حد يقولها انزلي تروح سايبه الكلبسات ونازله تتفسح وتسيب العربيه عريانه

معلش روق

**MOK3336** · 27-05-2011 12:27 AM

الحمد لله يا أستاذ أحمد و ده قضاء ربنا و الحمد لله انها جت لحد كده
بس الحقيقة موضوع الخبطات ده فعلا مزعج جدا
و أنا لسة مجربة في الفانوس سواق تاكس منه لله كسرهولي و الناس بقي ايلي واقفه تتفرج معلش يا استاذ حصل خير كأن الواحد بيلاقي الفلوس دي في الشارع لأ و إية ايلي يقولي يا باشا ده سواق تاكس علب باب الله هتاخد منه ايه ؟

لدرجة اني عايز ربنا يكرمني و اجيب عربية هامر مصفحة عارفين ليه ؟؟
عشان ايلي هشوفه ماشي عكس اتجاه او بيكسر ليا هدوسة قدامى عشان كله يتعلم الادب و القانون في صفي هو ايلي ماشي مخالف

**ahmedezar** · 28-05-2011 01:40 AM

معلش يا أحمد وقدر الله وماشاء فعل والله الواحد محرج منك يوم الأربعاء جيت عشانا مخصوص والحمد لله

فداك ومتضايقش نفسك الواحد والله بيمشي في الشارع بيهرب من الناس اللي مبتعرفش تسوق زي الاتاري

ربنا يستر طريقنا

**sedyrohy** · 28-05-2011 01:45 AM

الحمد لله قضاء الطف من قضاء

و عسى ان تكرهوا شئّ و هو خير لكم
طالما جت في الفبر ولا يهمك

**احمد المصرى** · 29-05-2011 01:05 PM

احمد باشا الحمد لله انك بخير يا باشا فعلا المنطقه دى من بدايه القريه الذكيه لحد الرمايه اصبحت فعلا منطقه غريبه جدا ولابد من حل سريع جدا ليها انا شخصيا بحاول اهرب من الشغل قبل الساعه 4 علشان الحق الطريق وهو كويس وخاصه ال الايام ال فاتت كانو حاطين دبابه عند مطلع المحور وطبعا كل واحد بيعدى لازم يتفرج على الدبابه والطريق كان تحفه بجد

الحمد لله انك بخير يا باشا وحاول تشوف حد كويس يصلحلك العربيه علشان اكيد التوكيل هيكون حراق شويه وربنا يعوضك خير ان شاء الله

**Ahmed.TV** · 29-05-2011 03:03 PM

الحمد لله على كل شى , وقدر الله ماشاء فعل , والحمد لله على قضاء ربنا

شاكر لكل الاخوة والاصدقاء , اللى سالوا عليه , وشاكر دعواتكم الغالية ,ويارب تكون من نصيبى

وشاكر لكل الاصدقاء والاخوة اللى اتصلوا بيه تليفونيا

ويارب يبعد عنا كل شر , ويكفينا شر الطريق