الموضوع: تقرير : نيسان صنى من البدايه لصيانة الألف

اولا لازم اشكر احمد باشا وكل الاعضاء اللى كانواالسبب الأول بعد توفيق ربنا انى اشترى العربيه دى
.
مرحلة ما قبلالصنى.
كان عندى لانسر كرستاله مانيوال ( خدوا بالكواانطباعى عن الصنى اكيد متأثر بالكرستاله بالطبع)
عموما الكرستاله زى. ما هوه معروف عنها ناعمه وثابته واقتصاديه جدافى البنزين وملهاش صوت موتور خالص لدرجه ان اخويا مره قالى انت بطلت العربيه ليهمع انها كانت شغاله وكنا فى شارع هادى جدا
قرار الشراء
قررت اغير لعربيه اوتوماتيك فى حدود امكانيتى وطبعا بشويه تمويل منوالدى وانتوا عارفين بقى J
المقارنه كانت بين صنى جديده ولانسر 1600 مستعمله 2008 او ازود شويهواجيب تويوتا مستعمله برده 1300cc .او النترا
اوتوامتيك اول فئه .
طبعا القرار مكنش سهل بعد تفكير وبحث وتمحيصومعاناه قررت استبعاد المستعمل فبقى المقارنه بين النترا والصنى
كانت مميزات الانترا ( العزل افضل والشكلاجمل واحدث سواء من الداخل او من الخارج وكمان المساحه الداخلية اكبر قليلا تقنيهالموتور احدث والعفشه انعم )
ومميزات الصنى ( التسارع افضل و الثبات اكبروعوامل الأمان اكبر ABS وايرباج والموتورأقوى. الضمان والتوكيل افضل وقطع الغيارارخص و معمره اكتر والسعر اقل ب 12000 )
فى النهايه وبعد الاستخاره اخترت الصنىوانضممت لعائلة نيسان (جزء كبير من اقتناعى بالنيسان كانت بفضل المنتدى بتاعنا دهوتجربه قياده على السريع وانطباعات معارفى اللى معاهم العربيه واللى شكرولى فيهاجدا)
نصيحه : لازم تسوق العربيه اللى هتشتريهابنفسك قبل قرار الشراء خصوصا لو انت كنت بتسوق قبل كده لن هيفضل انطباع سيارتكالأولى يطاردك ومش ممكن هتتنازل عن اى كماليت فى عربيت القديمه (نفسى فى وحداتالرفع اللى كانت فى عربيتى الانسر J )
خطوات الشراء
اتصلت بالوكلاء السبع ومودرن وكذا معرض بسكلهم ادونى سعر 94000 فى الexsalon .+ABS وكمان ميعاد الاستلاممش معروف وبعضهم قالى 95000 من اول 1-5
المهم اتصلت بأحمد وهوه وصلنى لأتو ايجيبتولقيت عندهم العربيه ب 93000 كمان اللون اللى كنت عاوزه
حجزت بالف جنبيه واستلمت تانى يوم
رخصت تانى يوم بعدها علطول 3 سنين كلفونىحوالى 1400 جنيه منهم 180 جنيه ضريبه رفاهيه علشان العربيه القديمه لسه باسمى L ولاحظت انهم كاتبنى فى الرخصهصانى مش صنى
المهم انى رخصت فى السريع وخلصت
الانطباع الأولى فى الاستلام والقياده
الاستلام كان هايل والناس فى اوتو ايجيبتمدينه نصر شرحولى كل كبيره وصغيره انصح بقراءه موضوع الاستلام والتليين الجيدالمثبت بالقسم , عن نفسى طبعتعه واخدته معايا, اما نطباعى الشخصى
-.........الصالون مش ضيق اوى زى ما الشباب بيقولوا , الاتنين الىقدام مرتاحين جدا والمسافة بين الكرسيين والكنبه اللى ورا معقوله الا اذا حبيتترجع الكرسى للآخر او انت شخص ضخم بالنسبه لى ماكنش فى مشكله
-.........الكراسى ناشفه شويه و الطابلوه والطاره انيق على الرغممن البساطه فى التصميم والخامات.
-.........الكاسيت معقول وازرار التكييف وظبط المرايات فى المتناولالسائق
-.........عجبنى شكل العدادت وخصوصا مع الاضاءة ليلا
-.........الشنطه واسع جدا لكن فرشها متواضع قليلا هيا وارضيةالعربيه
-.........توزيع الحاجت فى الكبوت معقول , مسافه جيده بينالكاربرتير والموتور , لكن الكابلات والخراطيم وكل حاجه ظاهره زى عربيتى القديمهبدون شكل جمالى ولو على الأقل للحمايه من التراب والطين اللى فى شوارعنا
-.........الفوج لايت ضعيف وملوش لازمه
-.........صوت الموتور عالى شويه وبقى انعم مع الوقت بس الصوت بيعلىمع السرعه
-.........السحب كان ضعيف شويه لكنه بيتحسن مع الوقت ( السحب ممتازمن سرعة صفر الى 60 ثم بطىء من 60 الى 100 وكويس بعد كده بس مجربتش اوى علشان لسهفى التليين )
-.........العفشه مش ناشفه اوى زى ما الناس كانت بتقول هيا مش زىالالنترا والتيوتا صحيح بس الفرق مش كبير )
-.........الثبات هايل على سرعه 120 تحس انك على 80
-..........العزل فعلا فيه مشكله تسمع صوتالهوا والعجل على سرعة 100
-.........التكيييف حكايه حكايه حكايه مش هتقدر تستحمل البروده علىدرجه اعلى من 2 حتى فى عز الحر
-.........نيجي بقى لاستهلاك البنزين حسبتها فى الأول بقياده هاديهبدون تكييف لقيتها 265 كم فى الصفيحه و230 بالتكييف والزحمه مع الأخذ فى الاعتباراننا فى التليين دا معدل جامد جدا على 1600 cc
صيانة الألف
-.........حجزت مع مودرن ابو رواش ووصلت فى ميعادى واستنيت حوالى20 دقيقه وجه المهندس واستلمها وسألنى عن اى مشكله ونوع الزيت اللى عاوز احطه (هما عندهم موبيل 1 وموبيل تانى كل 5000)
-.........كان عندى صوت قى الزجاج الخلفى باب يمين بيعمل صوت وهوهبينزل وقولتله على الفوج لايت مش مظبوت وضؤه مشتت يمين وشمال مش امام السياره
-.........وكلمته على السحب وممكن يكشفلى عليه ومع ان المهندسشرحلى انه طبيعى كده الا انه فى النهايه وافق يكشفلى عليها بالكمبيوتر على الرغممن ان ده مش من الحاجات اللى تتعمل فى صيانة الألف
-.........عملوا كل حاجه وقالولى هتستلم الساعه 2 سبتهم ورجعتالشغل علشان شغلى قريب منهم ورجعتلهم 2,3 استلمتها حوالى الساعه 4,15 على الرغمانى كنت يوم اربع مش زحمه اوى المهم المهندس اعتذرلى وسلملى العربيه وهما عاملينالصيانه
-.........الفوج لايت اتحسن بس مازلت غير راضى عنه و سلمولى الربيعوسخه علشان كان عندهم المغسله بايظه والمهندس قالى تعال تانى بكره وانا اخليهميغسلوهالك
-.........صوت الموتور اهدى والسحب فى تحسن مستمر
-.........استهلاك البنزين بيتراوح من 220 الى 265 فى الصفيحه حسبطبيعة القياده واستخدام التكييف وحمولى العرية , بس بصفه عامه مرضية