الموضوع: اركب مروحة تانية لردياتير الاوبترا ولا بلاش ؟؟؟؟؟

علي فكره انا اوتو وعندي مروحتين وباردو نفس الخرطوم ده باظ :)

المشاركة الأصلية كتبت بواسطة aif

ده على اساس ان الاستفتاء بمروحة واحدة ؟؟؟؟
...
شكرا لهذا التحليل المنطقي
لكن ليا سؤال
طالما ان نفس كمية الحرارة ستمر ....
لماذا يتم وضع مروحة ثانية في الاوتوماتك ؟؟؟؟
انا على يقين ان المصنعين استحالة يضعوا شيء سيكلفهم مال .... الا لو كان له مهمة ضرورية
هما ممكن يتغاضو عن بعض اشياء لن تضر كثيرا لداعي توفير المال ..
لكن العكس غيرصحيح ... فهم لن يكلفوا نفسهم قيمة تركيب مروحة اضافية الا لو كانو مضطرين لذلك
..... ياريت توصلهالي باسلوب هندسي منطقي زي ما شرحتلي حكاية الاستفتاء

ماشي يا حاج أحمد

سنترك الإستفتاء جانباً

كلامك سليم بخصوص السيارات الإقتصادية
وهي التي لا يزيد سعرها في مصر عن 170 ألف جنيه

في تلك السيارات لو مسمار إلغاؤه لن يؤثر سيتم إلغاؤه لتوفير 1/100 من القرش

وبالتالي لن نرى مروحة زيادة إلا بداعي قوي

بالنسبة للسيارات الغير أوتوماتيكية
أنا قلت طالما هو حط مروحة يبقى لو زودنا المراوح مش هتفرق
لأنه كده حاطط المروحة اللي تعمل اللازم
وأكثر من الازم هو مش عايز يبقشش علينا

سنعتبر السيارة الفتيس العادة بوتاجاز أربعة شعلة
وإحنا ظبطناله مروحة تقوم بسحب حرارة الأربعة شعلة وإخراجها من المطبخ
سواء المطبخ سخن او مسخنش المهم السخونة متخرجش من باب المطبخ ومتوصلش غرفة الأنتريه

المهم العيال زادوا فقلنا نزود البوتاجاز شعله وبالتالي أصبح خمسة شعلة
هذه الشعلة هي وحدة تبريد زيت الفتيس الأوتوماتيك في السيارة ذات الفتيس الأوتوماتيك
منطقيا كمية الحرارة التي ستخرج من المطبخ ستزيد
وبالتالي المروحة لن تخرجها كلها للمنور
وهنا سيتسرب الجزء الخاص بالشعلة الخامسة لغرفة الأنتريه

والحل هو إما زيادة قدرة المروحة الأولى (نركب مروحة أخرى أعلى في الأمبير)
أو تركيب مروحة إضافية

والشركة إختارت الإختيار الثاني وركبت مروحة إضافية

تمام

المهم ممكن واحد يقول
طيب انا عارف إن بوتاجازي ... قصدي عربيتي أربعة شعلة
وعارف إن المروحة معمولة على قد الأربعة شعلة بالمللي
لكن أنا عايز أزود برضه المروحة التانية زيادة تأكيد وأمان

أقوله ماشي
بس ده إسمه رفاهية
والرفاهية لما تكون بلا داعي بتبقى حمل على الموتور وممكن يكون ليها أضرار أكثر من المنافع

لذلك انا رأي الشخصي لألألألألألألألألألألأ

رغم إني في الإستفتاء قلت نعم نعم نعم نعم نعم


أنا لست ضد التعديل في السيارة
بالعكس
أنا ليا موضوع في توقيعي عن تعديل مروحة الشاهين بمروحة أكبر لحل مشكلة السخونة وخاصة مع التكييف

لكن المشكلة في الشاهين إن العالم الأتراك مركبينلها مروحة سبرتاية أو لمبة جاز
لكن هي في الحقيقة بوتاجاز إيطالي جليم جاز تسعة شعلة وشعلتين كهربا وشواية وفرن بأربع كراسي

بمعنى أصح عيب تصميم

لكن لا أظن إن الأوبترا فيها عيب تصمصم من هذا النوع

-

الكلام كله سليم و زى الفل بس انا هزود نقطة كمان و هى ان اغلب مواتير جنرال موتورز مواتير حاميه يعنى مجهزة انها تشتغل على درجة حرارة عاليه و هو دة العادى فيها و دة معناة انك لو حبيت تقلل الحرارة او تزودها عن المعتاد هيأثر بالسلب عل الاداء.
يعنى انت عندك الريداتير فى الاوبترا الاوتوماتيك فيه اختلاف جذرى عن ريداتير المانيوال ودة مغير تصميم دورة التبريد بالكامل بس المشترك بين الاتنين هى درجة الحرارة الطبيعيه لتشغيل الموتور.
انا من رأيى ان لو عاوز حل افضل لمشكلة الخراطيم و ملهوش تأثير جانبى ان تجيب عازل مفضض و تعزل كل الخراطيم القريبه من الفرن و بالذات خراطيم التكييف و دة كان تعديل عملوة وحوش رينو و جاب نتيجة ممتازة معاهم.

المشاركة الأصلية كتبت بواسطة aif

شرح وافي واكتر من كافي

نورت المحكمة يا باشمهندس

...
بس الحرارة كدة اثرت شوية على غرفة الانترية .... قصدي خرطوم التكييف
لكن بصراحة انا مقتنع برأيك وشايف ان الصنايعية بيفتو ...... لكن لا خاب من استشار
وعلى رأي المثل
العلم سيد الحلاق

في حل إضافي عشان الأنتريه ميتنجدش تاني

قصدي عشان الخرطوم ميتخرمش تاني

في حاجة إسمها لفة عزل حراري
مشابهة للفة العزل التي يقوم من يركبون التكييف الإسبلت بلفها على الخارطيم الخارجية بعد التركيب

إسمها لفة صوف حراري عرضها زي عرض بكرة اللزق الكبيرة أو اكبر نوعاً ما

هذه اللفة ممكن تجيبها ونلفها على الخرطوم في الأجزاء الأكثر تعرضاً للحرارة فيه
وبعد لفها عليه تمام بطريقة حلزونية كل لفة ماشية على نص اللفة السابقة يعندي تداخل خمسين في المية مثلاً على كل طبقة

بثبتها بقفايز بلاستيك متوزعين على طول الخرطوم

ممكن تفيد بإذن الله

وإن الزناعم والبلاطم 51 51

والسلام عليكم ورحمة الله وبركاته

-