اركب مروحة تانية لردياتير الاوبترا ولا بلاش ؟؟؟؟؟

**ahmed1981** · 28-05-2011 02:02 AM

المشاركة الأصلية كتبت بواسطة ahmed_su

السلام عليكم

تحياتى للجميع ...

السيرفس مانيول بتاع السيارة سواء مانيول او اتوماتيك بيقول ان العربية

فيها مروحتين

وكمان عندى فى السيراتو بيقول ان فيها مروحتين واحدة للرداياتير والاتنين للتكيف

انما الواقع عندى مروحة واحدة نفس عربيتى اللى هى موديل 2008

بس دى 2007 فيها مروحتين لما كان الوكيل مختلف

بيتهيئلى انها محاولات لتقليل التكلفة للسيارة انما التصميم الاساسى

فيه مروحتين -لو ما فيهاش عبىء مالى كبير (تمن المروحة) والضفيرة موجود

فيها سوكت توصيل مروحة تانية اللى بتشتغل مع التكيف اكيد هيكون افضل

فى بلدنا اللى اصبحت تنافس الخليج فى جوه مش فلوسه ....

أنا لاحظت هذا الأمر في النوبيرا
والنوبيرا هي الأب الشرعي للأوبترا

لاحظت سيارة قريبي وهي مواصفات أوروبية
تعمل بمروحة واحدة

ولاحظت أن النوبيرا المجمعة محلياً
تعمل بمروحتين

والملاحظ أني وجدت المخطط الكهربائي للحالتين على أساس أنهما موديلين مختلفين
ومعترف بهما من الصانع
بمعنى ان الفكرة هي تنوع وليس توفير في المراوح

التكييف في النوبيرا ذات المروحة الواحدة الأوربي لم أرى منه مشاكل الحقيقة
لكن انا لم أجرب نوبيرا تقفيل أبو الفتوح

لكن ما أعلمه أن الأوروبية أفضل في كل شيء

والإثنين معترف بهما من المصنع:
ذات المروحتين:

cooling fan circuit (mr-140/hv-240) : Dual

ذات المروحة الواحدة:

cooling fan circuit (mr-140/hv-240) : Single

-

**aif** · 28-05-2011 02:44 PM

المشاركة الأصلية كتبت بواسطة momohsen

الكلام كله سليم و زى الفل بس انا هزود نقطة كمان و هى ان اغلب مواتير جنرال موتورز مواتير حاميه يعنى مجهزة انها تشتغل على درجة حرارة عاليه و هو دة العادى فيها و دة معناة انك لو حبيت تقلل الحرارة او تزودها عن المعتاد هيأثر بالسلب عل الاداء.
يعنى انت عندك الريداتير فى الاوبترا الاوتوماتيك فيه اختلاف جذرى عن ريداتير المانيوال ودة مغير تصميم دورة التبريد بالكامل بس المشترك بين الاتنين هى درجة الحرارة الطبيعيه لتشغيل الموتور.
انا من رأيى ان لو عاوز حل افضل لمشكلة الخراطيم و ملهوش تأثير جانبى ان تجيب عازل مفضض و تعزل كل الخراطيم القريبه من الفرن و بالذات خراطيم التكييف و دة كان تعديل عملوة وحوش رينو و جاب نتيجة ممتازة معاهم.

شكرا يا باشا على اهتمامك ومرورك
انا بصراحة لم اقابل اي مشاكل خاصة بالحرارة في الفترة السابقة
لكن الفتي بتاع الصنايعية خلا دماغي زمزئت

**gado2416** · 30-05-2011 02:03 AM

المشاركة الأصلية كتبت بواسطة aif

استاذ جودة انت ركبتها على نفس وصلة المورحة الرئيسية ؟؟؟؟؟
وجبتها بكام ؟؟؟؟؟

..
اكرر شكري لجميع الاخوة على الاهتمام

اخوك جادو :)
اه ركبتها على نفس التوصيله ومفيش مشاكل الحمد لله..مش فاكر السعر بس تقريبا 80 او100 استيراد
بس هى زودت بروده التكييف شويه بنسبه 30%

**aif** · 30-05-2011 05:15 PM

المشاركة الأصلية كتبت بواسطة gado2416

اخوك جادو :)
اه ركبتها على نفس التوصيله ومفيش مشاكل الحمد لله..مش فاكر السعر بس تقريبا 80 او100 استيراد
بس هى زودت بروده التكييف شويه بنسبه 30%

عدم اللامؤاخذة .... العتب ع النظر

**HeMa_LanCeR** · 01-06-2011 10:50 AM

المشاركة الأصلية كتبت بواسطة almosecar

انا كمان ركبت مروحه اضافيه بقالها اكتر من سنه و الحمد لله مفيش مشاكل و التبريد زاد بنسبه ملحوظه جدا و ركبتها على المروحه الرئيسيه بس خلى بالك لازم تعملها كتاوت خاصه بيها علشان متاثرش على سرعه المروحه الرئيسيه و كمان علشان الحمل ميكونش زياده الكتاوت لها فايده كبيره جدا دى حاجه الحاجه التانيه و المهمه لتركيب مروحه اضافيه و يمكن اول مره تسمعها فى الردود و هى ان ممكن جدا ان المروحه الرئيسيه تتوقف عن العمل لسبب ما خلل معين او الفحمات خلصت فى هذه الحاله العربيه هتسخن منك من غير ما تحس و ممكن لقدر الله تجيب وش و انت مش حاسس لان للاسف الشديد انهم من المفروض يركبوا حساس للسخونه يعنى لو العربيه سخنت عن الطبيعى لمبه مثلا تنور فى التابلوه او صوت جرس اى حاجه علشان الواحد يحس لان مش معقوله هدنى باصص للطابلوه طول ما انا سايق و يا ريت اى حد من الاعضاء المحترمين عنده فكره او خبره فى كيفيه تركيب حساس للسخونه او لمبه تحذير فى الطابلوه يقولنا و نكون شاركين جدا له لانها حصلت معايا مره و ربنا ستر خركوم الميه ضرب فجاه و الميه كلها نزلت و انا ماشى محسيتش وولاد الحلال كتير قالولى العربيه بتنزل ميه بصيت على عداد الحراره لقيته فل على الاخر بس الحمد لله لحقتها على اخر لحظه .واسف على الاطاله و شكرا

بص من الطبيعي اصلا انك طول ما انت سايق عينك علي التابلوه

انا عن نفسي كده لازم كل شوية اخطف نظره عليه من لمبات ومؤشرات

**ramy87** · 01-06-2011 11:02 AM

المشاركة الأصلية كتبت بواسطة aif

السلام عليكم يا اوبتراوية
انا عربيتي 2008 مانيوال
الردياتير له مروحة واحدة مش مروحتين زي الاوتو
...
لما سألت التوكيل قالو ان الاوتو فيها مروحتين علشان تبريد زيت الفتيس الاوتو بيبقى على نفس دورة التبريد وبيحتاج مروحة تانية
العربية عمرها ما سخنت اكتر من الطبييعي
..
..

الاسبوع اللي فات التكييف كان بطل يسقع وروحت لأكتر من واحد بتاع تكييف والحمد لله طلع الخرطوم الاسود بيسرب وغيرته والامور استقرت
رأي الأخوة الفنيين بتوع التكييف ( كلهم ) اني لازم اركب مروحة تانية علشان دي بتساعد في تبريد الردياتير وكمان سربنتينة التكييف وده بيزود برودة المكيف
الاحتمال الاول
الجماعة دول بيفتو ولو كانت المروحة دي ضرورية ومفيدة كان مصنه شيفرولية ركبها ..... ولو انا ركبتها ممكن تسبب مشاكل كهرباء لأن ضفيرة المروحة مش مصممة لمروحتين وممكن تعمل حمل كبير ع الكابلات والفيوز والبطارية

الاحتمال الثاني
وجود المروحة اكيد مش ح يضر .... احنا في بلد حارة والتبريد مطلوب للسيارة وعمره ما ح يكون مضر لها

....
افيدوني افادكم الله

السلام عليكم و رحمة الله و بركاته يا حاج أحمد
أنا فاكر إن قبل كده اتكلمت على الموضوع ده و ساعتها رديت عليه ب الإحتمال الأول
و بصراحة انا اقتنعت بيه على الرغم من إني كل ما افتح الكبوت الاقي مكان المروحة التانية و اقول ركبه مش هتخسر مع إني مفيش مشاكل عندي في السخونة و لا في التكييف
علشان كده انا مازلت مصر على الرأي الأول لإن المروحة شغالة سرعتين على حسب الحرارة و أكيد لو الشركة كانت عارفها ان ده هيسبب مشكلة مش هتسيبه دي مروحة بسيطة
و كمان مش عايزين ندخل في موضوع ضفيرة كهرباء و مش بعيد يأثر بعد كده على كهربية العربية و نخش في مشاكل