الموضوع: صنى سوبر صالون ولا بروتون جين تو

المشاركة الأصلية كتبت بواسطة donzi

الجين تو اكتر عربية منتشرة من عربيات بروتون في مصر و لو لاحظت في الشوارع و انت ماشي في القاهرة و اسكندرية هاتلاقيها منتشرة جدا

و في تجار قطع غيار بقوا متخصصين في البروتون و بالذات الجين تو و في صنايعية كمان متخصصين فيها و لو سالت هنا في منتدى البروتون هاتلاقي المفيد كله

بصراحة الجين تو في رائيي افضل كتير لانها شبابية و رياضية و فيها كل عوامل الامان اللي في عربيات فئات اعلى منها بكتير دا غير ان ثباتها على الطريق تحفة

النيسان صني طبعا ياباني بس تقفيل مصري و شكل قديم و تقليدي اوي و مفيش عوامل امان ( وسائد هوائية - فرامل abs - abd ) و لا مالتي فنكشن و لا حساس الركن

يعني لو عاوز اوبشن و شكل رياضي و عوامل امان يبقى جين تو
و لو عاوز موتور و ثبات على الطريق يبقى جيت تو
لو عاوز انتشار و سعر اعادة بيع و مراكز صيانة يبقى نيسان صني

شكرا لردك ياغالى
بجد والله الجين تو عجبانى جدا كفاية الاوبشن اللى فيها واللى مرجحها عندى ان النيسان شكلها التقليدى وبالاخص من ورا
لو الجين قطع غيارها والصنايعية اللى بيشتغلوا فيها فى اماكن قريبة من المنصورة او بورسعيد يبقى تمام
مش كل ما احتاج حاجة فى العربية هانزل القاهرة او الاسكندرية لانها مشوار كبير
لانى بصراحة فى مجال العربيات صفر كبير ولا اعرف فيها حاجة

المشاركة الأصلية كتبت بواسطة sonasteel

السلام عليكم
حبايبي في الله كيف حالكم
بصراحة انا عايز اشتري الاتنين ههههههههه
واللي عايز يشتري يجيب الاتنين علشان يريح دماغه ....... المشكلة ان الاتنين بيكملوا بعض بشكل غريب
ياسلام لو الاتنين ركبوا في بعض ..... معرفش ازاي .... هايطلعوا بي ام في الاخر هههههههه
بس انا ليا تعقيب صغير علشان كنت مكان اللي بيشتري من كام شهر ..... وكنت حيران الحيرة ديه
وفي ااول والاخر ده نصيب وممكن ربنا يرزقكك بـ bmw في الاخر ........ بس هاخد لفة :))
التقفيل المصري للصني ...... ياجدعااااان ابوووس ايدكم بلاش الكلمة ديه وخصوصا اللي مركبهاش ومجربهاش علشان انا كنت بقول كده وقبل ما اشتريها لاي حد ينصحني بيها
ناس زمايلي راكبين عربيات فوق 130000 مش مصدقين ان ده تقفيل مصري واتصدموا صدمة لما عرفوا انها تقفيل مصري وبيحسبوها لسة ياباني ..... وانا مش هاكدب عليكم علشان ده نصيب برده
انا لما جيت اشتري الجين تو دخلت المنتدي هنا وعملا موضوع وعرفت ان مشكة الجين تو الاساسية (التقفيل) والتوكيل واسعار قطع الغيار
مع اني كان نفسي اجيبها ...... بس من ناحية راحة البال وعدم اللف وحرقة الدم علي قطع الغيار والتوكيل جيبت الصني بفضل الله

الخلاصة
الموضوع ده بيفرق من واحد لواحد والشباب كمان ...... يعني انا كنت عايز عربية انزل تحت البيت اعرف اجيبلها حاجة حتي لو بفضل الله مش هاتقل معايا في جاة وعارف ان توكيل هايقف في ضهري
وكان ممكن استغني عن الشكل (فقط) مقابل راحة البال
وفي ناس شباب وناس كبيرة مش فارقة معاهم ممكن يلفوا ويجربوا كذا مكان علشان يشتروا حاجة او قطعه غيار للعربية
وطبعا هي راحة نفسية ي الاول والاخر ...... ومتنساش الاستخارة وربنا ييسرلك الخير
اااه نسيت
الصني في اير باج افتراضي وabsوebd اختياري للex
والسوبر صالون 2 اير باج وebd وabs ...افتراضي
هي الحاجة الوحييييييييدة اللي نفسي كانت تبقي فيها الطارة المالتي فانكشن
وكشكل شبابي بقي ........ خشو علي الجروب ده علي الفيس
ولو صدقتوا ان دي صني قولولي علشان انا مش مصدق ههههههههههههه
log in | facebook
اقعدوا بالعافية :d

شكرا لمرورك وربنا يجازيك كل خير على النصيحة
فعلا العربيتين يحيروا بس بجد اللى مزعلنى من النسيان شكلها التقليدى وبالاخص العربية من ورا بجد دا اللى مرددنى فيها كشكل الجين تتفوق تماما مش عارف ازاى مش بيطوروا شكل العربية باحس انها موديل قديم فعلا
واللى مرددنى فى الجين نقطة الوطيل وبعده عن محل اقامتى
ياعنى لو فى مركز خدمة قريب من المنصورة او بورسعيد يبقى هاختار الجين ان شاء الله
وفى نقطة تانية عرفت ان الصنى شكلها هايتغير فى موديل السنة الجديد بس مش عارف دا هاينزل مصر امتى

واخير ربنا يعافيك ويقدر لك الخير وشكرا لمرورك مرة تانية

المشاركة الأصلية كتبت بواسطة mohamednagib

تسلم ايدك يا هندسة ..... فينك من زمان .....

كلام زي العسل و قمة الاقناع و الله

بصراحة والله من غير مجامة الناس هنا قمة فى الذوق وما بيتأخروا بالنصيحة
شكرا للجميع

يا خساااااارة الحلو مايكملش
بيتهيألى أن مشكلة بروتون هى توكيل عز العرب الكسوووووول جدآ فى عملية التسويق و خدمة ما بعد البيع
شوفوا العربيات البروتون فى البلد بقالها أد أية ولسة مفيش لحد دلوقتى
مراكز خدمة بتغطى كل محافظات مصر
وعاوزين العربية تنتشر ؟ طب أزااااااى ؟

المشاركة الأصلية كتبت بواسطة ghosts

يا خساااااارة الحلو مايكملش :copy of majd(4):
بيتهيألى أن مشكلة بروتون هى توكيل عز العرب الكسوووووول جدآ فى عملية التسويق و خدمة ما بعد البيع
شوفوا العربيات البروتون فى البلد بقالها أد أية ولسة مفيش لحد دلوقتى
مراكز خدمة بتغطى كل محافظات مصر
وعاوزين العربية تنتشر ؟ طب أزااااااى ؟

والله من الكلام اللى باسمعة من الناس عن العربية دى باقول بينى وبين نفسى حرام العربية دى ما تكتسح السوق عندنا دا وكيل اى كلام بجد دا عربية محتاجة بس وكيل زى الناس ومراكز خدمة تغطى البلد المفروض على الاقل وكيل فى الدلتا او مركز خدمة
بصراحة انا واحد من الناس اللى مخلينى ما حسمت اختيارى الموضوع دا
مش معقول اخبط مشوار مصر او اسكندرية علشان اعمل صيانة للعربية
ياريت لو حد يعرف فى صنايعية بيشتغلوا فيها فى المنصورة او قريب منها بس يكون حد ابن حلال وانا اشتريها
وبلاها الوكيل