صنى سوبر صالون ولا بروتون جين تو

**Donzi** · 31-05-2011 09:59 AM

المشاركة الأصلية كتبت بواسطة gen2sniper

ربنا يخليك على المعلومات وعرفت فعلا اسم مركز الخدمة اللى تبع عز العرب وكتر خير الناس اللى هنا بجد ناس فى قمة الاحترام
تقريبا نفس الحاجات اللى مخليانى حابب الجينا الاوبشن اللى فيها وشكلها وتشجيع منتج لبلد مسلم
وان شاء الله اكون من ملاكها قريبا ومن عشاقها ايضا
والاستخارة دا اللى فاضل ان شاء الله
والف شكر لاهتمامك ومساعدتك ليا
ربنا يجازيك بكل خير ويوفقك

طيب الحمد لله طلع ليها مركز صيانة جنبك اهو

مالكش حجة بقى ، تعمل استخارة و تتوكل على الله و ان شاء الله نباركلك قريب في موضوع الاستلام و الترخيص

مبروك مقدما

**Gen2Sniper** · 31-05-2011 06:27 PM

المشاركة الأصلية كتبت بواسطة sindibad

انا لسه شاري من عند مركز الغد فى المنصوره سياره واجا - هما محترمين وكويسين - وهناك فيه موجود فى المعرض حاليا واحده جين تو فضى انما تحفه - كنت هاضعف وأغير من الواجا للجين 2 لكن منفعشى - توكل على الله والحق اللسياره دى - مبتقعدشى

سلام

الف مبروك ربنا يباركلك فيها ويرزقك خيرها ويكفيك شرها
ان شاء الله قريب هانزل اخلص فى واحدة
قدامى بتاع شهر كدا على ما اجمع تمنها

**Gen2Sniper** · 31-05-2011 06:30 PM

المشاركة الأصلية كتبت بواسطة donzi

طيب الحمد لله طلع ليها مركز صيانة جنبك اهو

مالكش حجة بقى ، تعمل استخارة و تتوكل على الله و ان شاء الله نباركلك قريب في موضوع الاستلام و الترخيص

مبروك مقدما

الله يبارك فيكى ومتشكر جدا على المساعده
الحمد لله وموضوع مركز الصيانة دا اللى حسم الاختيار للجين
ان شاء الله الاستخارة واشترى

**Ghosts** · 31-05-2011 08:25 PM

المشاركة الأصلية كتبت بواسطة Gen2Sniper

الف مبروك ربنا يباركلك فيها ويرزقك خيرها ويكفيك شرها
ان شاء الله قريب هانزل اخلص فى واحدة
قدامى بتاع شهر كدا على ما اجمع تمنها

ربنا يستر بس و سعرها مايزيدش خلال الشهر دة .....
الشهر اللى فات كانت الأكسنت RB ب 94000 ......
وفجأة بقت ب 101000

**fareed1000** · 24-06-2011 03:57 AM

على فكرة استاذ احمد بيكلم صح الجين فتسيها بيكشر
جامد

**alaa7sh** · 03-07-2011 11:20 AM

انا كنت زيك من اسبوع بالظبط
بس محتار بين الجين 2 والأكسنت rb
في الاخر استقريت علي الجين 2 ... كفاية انك تلحق العربية في مرحلة الانتشار في مصر قبل ما تنتشر أوي وسعرها يغلي وتقول ياريتني جبتها في الرخص. خصوصا انها أثبتت كل شيء وانها عربية محترمة بالنظر لسعرها
والله بتوقع بعد سنة او اتنين العربية دي هترفع عالي أوي يعني ممكن توصل لـ 115 ألف. مش متأكد بس حاسس !

انا امبارح كنت في التوكيل فرع الدقي وسالت عليها وقالولي انها خلصت تماما. قلتله طيب مفيش عربية واحدة اتفرج عليها حتي. قالي والله يافندم كله اتباع. وخلصت معاه اني هروحله بكرة أحجز عربية من الدفعة اللي جاية اخر الشهر دة من ماليزيا والحجز بـ 5000 ألاف وهختار اللون مع الحجز وهو أسود وأحمر وسيلفر
انا بحب ماركة البروتون عموما والجين 2 خصوصا ... : )