الموضوع: ليه الاخوان بيعملو كده ؟؟؟

لا يمكن واحد أخطا في حق التيار الإسلامي وإتهمهم بغير حق ان يعتذر

وأدينا شفنا اتهام السلفيين بقطع الأذن وهدم الأضرحة وووو

ورغم إني مش سلفي ومعارض لهم لكن بامانه لم أسمع عمرو أديب أو أي هجاص تاني اعتذر

الإعلام بيتعامل مع التيار الإسلامي من منطلق القاعدة ( العيار اللي ما يصيبش يدوش ) وممكن كمان يطرم وممكن يشوه وممكن يحبط

وكل يوم يطلق عيار واتنين وثلاثة

لكن ربنا بيقول ( فأما الزبد فيذهب جفاء وأما ما ينفع الناس فيمكث في الأرض ) صدق الله العظيم

بس غريبة
ناس مش مسلمين ويزعلوا لو حد قال عليهم مفار وكلمة كفر تعني إنكار - يعني لو قلت لواحد فيهم انت بتؤمن بمحمد كنبي ينكر ذلك ويكفر بذلك ولو قلتله يعني انت كافر بمحمد يقولك ما تقولش كافر

وناس بيسموا نفسهم علمانيين وناس بيسموا نفسهم شيوعيين وناس بيسموا نفسهم ليبراليين وبيدعوا علانية إلى ثلاثة أشياء محورية
1- إلغاء نتيجة الإستفتاء السابق وعمل دستور جديد قبل أي شئ
2- تأجيل الإنتخابات علشان احزابهم تاخد فرصتها رغم إن الإسلاميين هينافسوا على نصف المقاعد بغرض الحصول على الربع - يعني خمسة وسبعين في المائة لا تكفي غير التيار الإسلامي لكي يعبر عن نفسه في مجلس الشعب وفي لجنة الدستور
3- فرض مجلس رئاسي يمثلهم على الشعب المصري

ورغم إن الإسلاميين لم يمثلوا في الحكومة نهائيا ورغم إنهم لم يمثلوا في المجلس القومي لحقوق الإنسان رغم غنهم أكتر من أنتهكت حرماتهم وآدميتهم ورغم غنهم ممنوعين من أي منصب عالي في الجيش أو المخابرات أو الشرطة او حتى أي وزارة سيادية وغير سيادية
لكن رغم كل ده ما اتكلموش وقالوا إما ناخد حقوقنا ويتم تمثيلنا زي العلمانيين والمسيحيين وغيره مأو هنوقف حال البلد

وصابرين علشان مصلحة البلد

لكن تسيبوهم في حالهم

صعب

صعب

المشاركة الأصلية كتبت بواسطة yoyome

لا إله إلا الله .. يا أخي اتقي الله هو الإيمان والكفر دلوقتي بقي بمحمد

يا أخي إستغفر ربنا "ما أنا إلا بشر رسول"

بزمتك حاسس انك صادق مع نفسك وأنت بتقول أن العلمانيين عايزين يلغوا نتائج الإستفتاء؟ واضح ان حضرتك مقرأتش إستمارة الإستفتاء اللي ايدك علمت عليها، ارجوك دور علي صورها علي النت وشوف انت صوتت علي اية علشان بس تبقي صادق مع نفسك، كان مفروض تقف في وجه من زور إرادتك وعمل إعلان دستوري صادر من الحقوق أكثر مما يمنح

وهل الإعلام الوحش الشرس هو اللي قطع ودن الناس وهدم الأضرحة وحاصر الكنائس؟ وهل الإعلام الوحش هو اللي بيطبطب علي المجلس العسكري وبيدافع عنة ظالما ام مظلوما ؟

وهل إحنا اللي شغلنا اسطوانة الإقتصاد المنهار قبل ما يبدأ حتي المجلس العسكري بتشغيلها ولا التيار الإسلامي اللي بتقول علية؟

وهل العلمانيين الكفار أتباع ابا لهب هما اللي قالوا 30% وبعدين 35% وبعدين 40 % وبعدين 50% و بيلحسوا كلامهم؟؟

التيار الإسلامي اللي حضرتك بتقول علية هو من رفض التمثيل في مجلس حقوق الإنسان لأنة أصلا غير مؤمن بحقوق الإنسان

والتيار الإسلامي هو أكثر فصيل سياسي مثل في كل برلمانات مبارك

والتيار الإسلامي لا يوجد من يجزم بأنة غير موجود في كل أجهزة الدولة، امال دكاترة الجامعة الإخوان دول اية؟ والزبايب بتاعت المجلس العسكري دية اية؟ ولا هو لازم بتاع التيار الإسلامي دة يكون بيحيي المرشد بالتحية الإخوانية الجديدة هايل مرشد زي النازيين كدة !!

أخي الكريم انا مش عارف أقولك غيه من هول ما قرأت بس انا مش هأقدر أرد عليك في كل كلمة وإلا ممكن الناس تزهق من كتر الموضوع

1- أنا فعلا اخطأت عندما اتيت بمثال وذكرت فيه أن الإيمان والكفر يكون بالإيمان بسيدنا محمد أو الكفر به فقط
لأنه فعلا الإيمان والكفر في الأساس بيكون بالإيمان والكفر بالله
وانا لا انكر أني أكفر بأن سيدنا عيسى هو إله ولو قال لي أحد إخواني المسيحيين الذين أحبهم - وهذا شئ يعلمه الله - وأقدرهم وأتمنى لهم الخير - ولكن لو نعتني أحدهم باني كافر فأنا سأعتز بذلك لأن هذا هو محض إيماني ولا يتنافى مع الحقيقة

لكن في المقابل لابد أن يعرف كل مسيحي - ورغم أنه أخي وأضحي بنفسي من اجله لو واجه مكروها كما ادافع عن اهل بيتي وأي مصري آخر - لابد أن يعرف أنه كافر بالله حسب الإعتقاد الإسلامي لوصف الله سبحانه وتعالى - فالمسيحي يعتقد أن الرب هو عيسى اليسوع وانه نزل بنفسه لكي يخلص الناس من ذنوبهم وصلب من أجل أن يتحمل عنهم خطاياهم وأن عيسى هو صورة الله المتجسدة في جسد بسوع المخلص
وهذا يعني إنكار الله بالنسبة لي وكفر به
وطالما أنه مسيحي ويعتقد بذلك فلابد له أن يعتز بتكفيري إياه

وهذا لا يعني أن أمسك ميكروفون وأدور به في الشوارع وأقول إن جاري السيد مايكل كاااااااااااااافر - بالعكس فانا أكره جدا ما يقوله بعض الخطباء الذين تم تعيينهم من امن الدولة والذين يكررون دعاء على المنابر ما أنزل الله به من سلطان وهو يدعو بان يهلك الكافرين بالكافرين وان يخرج المسلمين من بينهم سالمين

فدعوة الإسلام جائت لإنقاذ البشرية ورحمة للعالمين

ومن واجب المسلم حماية كل ما يوجد حولة من دور عبادة

والقرآن الكريم هو الكتاب الديني الوحيد الذي يكلف أتباعه بحماية اماكن عبادة المخالفين لهم في العقيدة والدين
ويقدم ذكر اماكن عبادتهم على المساجد
بسم الله الرحمن الرحيم
{ولولا دفع الله الناس بعضهم ببعض لهدمت صوامع وبيع وصلوات ومساجد يذكر فيها اسم الله كثيرا ) صدق الله العظيم


الموضوع بسيط ويجب أن نفهمه جميعا

في أمريكا هناك حزبين لهم وجهات نظر مختلفتين ومبادئ مختلفة وأيدلوجيا مختلفة

الحزب الجمهوري والحزب الديمقراطي

الحزبين بيتنافسوا على حكم أمريكا والحصول على أصوات الناخبين
ولكن في النهاية كل منهم يحترم ما يقرره الشعب الأمريكي ولا ينوب عنه في اختيباراته ولا يصف الشعب بالغباء والتخلف أو انه انضح عليه لأنه اختار الحزب المنافس

ورغم ذلك فكلا الحزبين يحرصون على مصلحة أمريكا
ولو الحزب الديمقراطي المعارض لحرب العراق - مثلا - تحدث أي عضو منه فهيقولك أنا أتمنى بالطبع انتصار الجيش الأمريكي

ده اللي المفروض إننا نوصل إليه
نتنافس على الحصول على رضا الشعب وتصويته
لكن نتمنى لبعض النجاح فيما يتم تكليفه به


يا أخي الكريم أنا لا أشك أبدا ان كل مسلم يتمنى أن يسلم كل مسيحي مصري حتى ينقذ من النار
وكل مسيحي يتمنى أن يتحول كل مسلم في مصر للمسيحية حتى يتحمل عنه يسوع خطاياه ويعيش في مملكة لارب في الآخرة
يعني كل واحد يتمنى الخير للتاني

خلاص كل واحد يعرض رؤيته ويتمنى الخير والنجاح للجميع وكل واحد حر في إختياراته وفي إعتقاداته وربنا اللي هيحاسب الجميع في الآخر


بخصوص الإستفتاء أنا قرأته وقرأت ما جاء في الأعلان الدستوري
الإعلان الدستوري لم ينتقص مما جاء في الإستفتاء وإنما أضاف عليه بعض البنود التي لا خلاف عليها والتي لا يختلف عليها أي اثنين في العالم

ولولا نتيجة الإستفتاء لما استطاع الجيش إخراج الإعلان الدستوري

بخصوص النطقة الأخيرة فأعتقد حضرتك بتخلط بين المسلمين وبين التيار الإسلامي

هناك في مصر مسلمين وجزء منهم يطلق عليه التيار الإسلامي وله توجهات معتمدة على رؤية معينة تبنى عليها مسارات الدولة بالتوازي مع المفاهيم الإسلامية العادلة بدون الإنتقاص من حقوق الأغلبية ولا الأقلية وهم مجتمعون على إحترام رأي الشعب في حالة عدم إختياره لهم وأيضا متفقون جميعا على إحترام الدستور والقانون والإنصياع لحكم المحكمة

وهناك مسلمون آخرون ليسوا تبع هذا التيار منهم العلمانيين ومنهم الليبراليين ومنهم الإشتراكيين وفيهم اللي بيصلي وفيهم اللي في راسه زبيبة زي ما حضرتك بتقول وفيهم اللي عند ربنا أحسن مني ومن كل الإخوان والسلفيين كمان
لكن طالما أن أحدهم يؤيد هذه الأفكار فله الحرية تماما ولا يتضايق إذا نعته البعض بأنه علماني أو اشتراكي أو غيره

هناك إختلافات في وجهات النظر حاليا
هناك من يدعوا إى إحترام الاستفتاء والإنتقال إلى دولة مدنية طبقا لما تم الإتفاق عليه اثناء الثورة وهو عمل انتخابات حرة ونزيهة ينتج عنها مجلس يقرر لجنة لدستور جديد ثم غنتخابات رئاسية
ودي مطالب كانت منشورة في التحرير أثناء الثورة

وفيه ناس متخوفين وعايزين يحددوا مهام الرئيس قبل أي شئ رغم إنه في كل الحاااااااااالات لن يتم إنتخاب رئيس إلا بعد تعديل الدستور
ومتخوفين من سيطرة الإخوان بأختصار كده على مجلس الشعب
والإخوان قالوا هنانفس للحصول على الثلث بالكثير
وجمييييييييييييع المراقبين بما فيهم المسيحيين والعلمانيين وكلهم بيقولوا إن الإخوان لو اتنططوا مش هيحصلوا على أكتر من خمسة وعشرين بالمائة

وفيه علمانيين ومسيحييين منهم نجيب ساويرس عنده مال وإمكانيات أعلامية مسخرها كلها لخدمة أي حزب معارض للإخوان
والقادة المسيحيين أقسموا براس أبوهم إنهم يقفوا ضد كل ما هو إسلامي وضد أي حد إسلامي في الإنتخابات وتقريبا هيخلوا كل مسيحي له حق الإنتخاب يطلع ويصوت ضد أي شئ فيه كلمة أو ريحة إسلامي ولو حتى كان في غرفة الإنعاش

وده حقهم وهم حرين في إختياراتهم وعمرنا ما سمعنا واحد إسلامي ولا مسلم علماني حتى بيقول للمسيحيين إن اللي بيعمله القادة الدينيين ده غلط

مش عارف أقول لحضرتك إيه ربنا يهدينا وإياكم إلى ما فيه الخير لنا جميعا إنه سبحانه وتعالى القادر على ذلك