الموضوع: ليه الاخوان بيعملو كده ؟؟؟

المشاركة الأصلية كتبت بواسطة enas75

معلش الكلام موجه لفئه معينه فعلا .........والتصنيفات دي مهياش شتيمه لاصحابها ناس كتيره ظهرت مؤخرا في الاعلام بصفيه علماني ليبرالي ...يساري شيوعي.....ومتكلموش علي نفسهم باي صفه تانيه ولما بيتكلمو علي الاخوان بيتكلمو عليهم باسلوب مش كويس .....
والاخوان برده نفس الكلام .....
يبقي ليه ننكر شئ علي الاخوان ولا ننكره علي باقي التيارات......
.....................
وبرده فيه ناس كتيييره قوي بنسبه كبيره مقتنعه سواء تنزل او متنزلش بدون ما تكون تبع اي الفصيلين ...ودول الاغلبيه الصامته ...ودي في راي هيا صاحبه القرار في اي مواجهه ديمقراطيه حره.....يبقي اي حد يزعل ليه من اي فصيل سياسي بيمارس حقه في استقطاب اي فئه...
من هنا ورايح لازم نتعلم ان الاطراف المتنازعه السياسيه حيبقي دائما بينهم مشادات كلاميه ومواقف مختلفه....ولازم نتعلم تقبل ده......
وبعدين لو انت عايز مجلس رئاسي ومش من التصنيف الاعلامي ال.......يبقي ميفرقش معاك حد لان مش من حق حد يزايد علي وطنيه وايمان اي حد
......................
من الاخر دي معركه سياسيه يتم استخدام كافه الوسائل فيها......شئ معمول بيه في كل دول العالم وزي ما بيقولو بره
nothing personal

أعتقد أن الأفضل لحضرتك أنك تقولي أنك من الأخوات اللي بينصاعوا إنصياعا كاملا لكلام المرشد (فوهرر الإخوان المسلمين) !!

لو قال الناس كفار يبقوا كفار ولو قال مبارك وهبه الله الحكم تقولوا وراة ولو عمل ترتيب مع أمن الدولة تلاقوله مبرر

أخيرا إيمان الناس هو جزء من علاقتهم مع الله ومش من حقك تتدخلي فية ومش من حقك تحاكمي إيمانهم لأن هناك مسلمون ليبراليون ويساريون وعلمانيون

ولا اية رأيك في رجب طيب أردوغان؟ كافر هو كمان علشان بيقول أنا علماني؟ وفي خطاب تنصيبة كان بيتعهد بحماية الدولة العلمانية التركية وبيضع الورود علي قبر أتاتورك؟
ولا اية رأيك في شباب الإخوان اللي اعلنوا نزولهم بكرة ؟ كفار برضة

ولا اية رأيك في حزب الوفد الليبرالي اللي واقف مع الإخوان في صف المجلس العسكري؟ كافر هو كمان ولا مش كافر؟

فعلا حسبي الله ونعم الوكيل



يرجى الالتزام بآداب الحوار و احترام الرأي الآخر و عدم شخصنة الموضوع.

مشـرف الاجتمـاعي.
3 ب

27/5/2011
5:06am

المشاركة الأصلية كتبت بواسطة skybird

misoalex
اعتقد ان ده الورق اللي يتوزع ورق سلفيين مش ورق اخوان الا اذا تحالف الاثنين

ولي سؤال للي صدعونا بحكاية الالتفاف على ارادة الشعب اللي قال نعم ب 77%
انا عايز اعرف مش اللي صوتوا بالموافقه اللي هي الاغلبية اللي هي ارادة الشعب كان تصويتهم على تعديلات دستورية لدستور 71
يعني المفروض ان ارادة الشعب تقول ان دستور 71 يشتغل بعد الاستفتاء مباشرة
يعني اللي عطل الدستور هو اللي التف على ارادة الشعب مش اللي قال لا
وبما ان المجلس العسكري التف على ارادة الشعب ولغي الدستور بل عدل بعض المواد بعد الاستفتاء عليها ليه الاتهام للي قالوا لا ؟

للأسف دة ورق مطبوع علية إسم الإخوان المسلمين، وعصام العريان تقريبا طلع قال نفس الكلام في البيان دة علي دريم وموزعين بيانات مأندلة كدة برضة في القاهرة !

وبالظبط اللي قولتة في موضوع الإستفتاء الدستوري، إحنا تم إستفتائنا علي دستور 1971 ورغم كل مصايبة فعلا طلع ارحم من الإعلان الدستوري الملعون

كمان في حاجة أفضح (جاية من فضيحة) .. الجيش طلع كان عامل إعلان دستوري يوم 13 فبراير محدش عرف عنة حاجة ولا سمع عنة إطلاقا !!! وفي يوم و ليلة بدل ما التعديل يبقي علي الدستور بقي علي إعلان دستوري مشوفناهوش اصلا ولا نعرف كان فية اية !!!!!!!! مش مصدقني !! إقرأ دباجة الإعلان الدستوري !!!!!!

إلى الأخ اللي عمل الموضوع، أنا نظري ضعيف شوية ومش شايف في المنشورات اللي حضرتك وضعتها في أول مشاركة موجود فيها اسم الإخوان ولا المسلمين ولا سيفين ومصحف ولا اي شئ يدل على الإخوان، قولت يمكن أنا نظري ضعيف بزيادة روحت على جميع مواقع الإخوان الرسمية والغير رسمية لم أجد ولا دعوة واحدة للمظاهرات المزعومة. يا ريت حضرتك بجد بجد لو انا مش شايف توريني، ولو ما لقيتش يبقى يا ريت الموضع يتحذف أو حضرتك تعتذر عنه

بالمرة ده بيان من الإخوان يا ريت حضرتك تقرؤه كويس
بيان من الإخوان المسلمين :مؤتمر الوفاق الوطنى يعد التفافا على إرادة الشعب لهذا اعتذرنا عنه