الموضوع: ليه الاخوان بيعملو كده ؟؟؟

المشاركة الأصلية كتبت بواسطة misoalex

طيب لو كده فعلا وهما اللى بعتو الناس دى الميدان تعمد عشان ينقلو ليهم الاخبار
هو مش قمه التناقض انهم بيوصفو اللى نازل الميدان بالعلمانين والفاشلون فى الديمقراطيه وغيره وغيره ؟؟؟؟؟؟؟؟




عشان كده بقول بلاش نخلط الدين بالسياسه والى بيحصل لعبه سياسيه ياريت نفكر فى اللى بيحصل بهدوء بعيد عن خلط الدين فى اللى بيحصل من حزب سياسى

أتفضل شوف الموضوع ده هاتعرف ليه أنا مع الأخوان المسلمين على طول الخط ألى أن يثبت عكس توجهاتهم ووعودهم وفقا لتوجهاتهم الحزبية
والقرار ليك في الأخر أي التيارات تؤيد

http://www.nilemotors.net/Nile/222027-a.html

المشاركة الأصلية كتبت بواسطة otefa

أتفضل شوف الموضوع ده هاتعرف ليه أنا مع الأخوان المسلمين على طول الخط ألى أن يثبت عكس توجهاتهم ووعودهم وفقا لتوجهاتهم الحزبية
والقرار ليك في الأخر أي التيارات تؤيد

http://www.nilemotors.net/nile/222027-a.html

والله يافندم انا ولا عاوز انتمى لاخوان ولا علمانين ولا سلفين ولا شيوعين

انا دماغى كده مريحانى محبش انتمى لحد واشجع افكاره او اهدافه حتى لو انا شايفها غلط لمجرد انى خايف ان تيار تانى او جماعه تانيه عندها افكار تخوفنى

ربنا سبحانه وتعالى يعلمنا منهج تفكير سليم
وهو أن الواحد لما ينظر لقضية معينة ينظر لها بشمولها ولما يتحدث عن شخص أوجماعة يتذكر كل تاريخه ومواقفه وجوانب حياته ولا يتصيد منها ما يؤيد وجهة نظره فقط

وكمثال لذلك قوله سبحانه وتعالى ( يَسْأَلُونَكَ عَنِ الشَّهْرِ الْحَرَامِ قِتَالٍ فِيهِ قُلْ قِتَالٌ فِيهِ كَبِيرٌ وَصَدٌّ عَن سَبِيلِ اللّهِ وَكُفْرٌ بِهِ وَالْمَسْجِدِ الْحَرَامِ وَإِخْرَاجُ أَهْلِهِ مِنْهُ أَكْبَرُ عِندَ اللّهِ وَالْفِتْنَةُ أَكْبَرُ مِنَ الْقَتْل ِوَلاَيَزَالُونَ يُقَاتِلُونَكُمْ حَتَّىَ يَرُدُّوكُمْ عَن دِينِكُمْ إِنِ اسْتَطَاعُواْ وَمَن يَرْتَدِدْ مِنكُمْ عَن دِينِهِ فَيَمُتْ وَهُوَ كَافِرٌ فَأُوْلَـئِكَ حَبِطَتْ أَعْمَالُهُمْ فِي الدُّنْيَا وَالآخِرَةِ وَأُوْلَـئِكَ أَصْحَابُ النَّارِ هُمْ فِيهَا خَالِدُونَ (217) إِنَّ الَّذِينَ آمَنُواْ وَالَّذِينَ هَاجَرُواْ وَجَاهَدُواْ فِي سَبِيلِ اللّهِ أُوْلَـئِكَ يَرْجُونَ رَحْمَتَ اللّهِ وَاللّهُ غَفُورٌ رَّحِيمٌ (218) صدق الله العظيم

وذكر العلماء أن سبب هذه الآية هي أن سارية بعثها رسول الله صلى الله عليه وسلم فدخلت في حرب مع نفر من قريش وقتلت واحد منهم وأسرت اثنين وهرب الرابع ولما كانت المسافة من المدينة لمكة طويلة وتعد بالأيام فقد ظن المسلمون في السرية أن اليوم هو آخر يوم في شهر جمادى الآخر ولكنه تاتضح فيما بعد أنه اول أيام شهر رجب المحرم فيه القتال

المهم أن المشركين واليهود استغلوا الفرصة واخذوا يسيئون للمسلمين ويتهمونهم انهم لم يحترموا حرمة الأشهر الحرم التي حرم العرب فيها القتال والحرب و انتشرت الدعايات المضللة
فأنزل الله هذه الآيات البينات وفيها يقرر

1- الله سبحانه وتعالى لم يحابي المسلمين ويقرهم على ما فعلوا ولكنه بين أنهم اخطأوا ولو بدون علم وقصد وقرر سبحانه وتعالى أن القتال في الأشهر الحرم كبير - أي أمر كبير ومنكر ولا يقره الله ولا رسوله

2- الله سبحانه وتعالى علمنا شئ مهم أيضا وهو العدل والشمول
فالمسلمين لم يبدأوا القتال , ولم يبدأوا العدوان .إنما من فعل ذلك هم المشركون . هم الذين وقع منهم الصد عن سبيل الله , والكفر به وبالمسجد الحرام .لقد صنعوا كل كبيرة لصد الناس عن سبيل الله .ولقد كفروا بالله وجعلوا الناس يكفرون به ولقد كفروا بالمسجد الحرام انتهكوا حرمته حيث آذوا المسلمين فيه , وفتنوهم عن دينهم طوال ثلاثة عشر عاما قبل الهجرة وأخرجوا أهله منه ,وهو الحرم الذي جعله الله آمنا , فلم يأخذوا بحرمته ولم يحترموا قدسيته وإخراج أهله منه أكبر عند الله من القتال في الشهر الحرام . .
وفتنة الناس عن دينهم أكبر عند الله من القتل .
وقد ارتكب المشركون كل هذا فسقطت حجتهم في التحرز بحرمة البيت الحرام وحرمة الشهر الحرام .
ووضح موقف المسلمين في دفع هؤلاء المعتدين على الحرمات ;
الذي يتخذون منها ستارا حين يريدون ,
وينتهكون قداستها حين يريدون !


وهذا المثال فقط لكي نتعلم عندما نتحدث عن شخص أو مجموعة أن ننتقده ولا ننسى فضله ولا مواقفه الأخرى التي قد نتفق معه فيها

فأنا قد أختلف مع السيد البرادعي ولكني لا أنكر فضله وأنه أول من أوحى بفكرة الثورة حسب علمي

أنا أختلف مع الأستاذ عبد الحليم قنديل في امور لكن لا يمكن أن أنسى أنه منذ بضعة أعوام وضع سيناريوا للثورة المصرية تحقق بكل تفاصيله

لا أنسى عندما تم الإعتداء عليه ورميه في العراء بدون ملابس وهو من هو بمكانته العالية ونضاله المشرف

لا أنسى فضل وائل غنيم وكل من دافع عن حق خالد سعيد وكل مظلوم في مصر

لا أنسى المفاهيم التي تعلمتها من عمرو حمزاوي ولا انسى حلقات عمرو خالد ومدى فاعليتها في إيقاظ همم وشخصيات الشباب


أنا واحد مشيت من صغري لغاية ما سافرت الغربة مع الإخوان

وهأرددهالكم خمستلاف مرة
الإخوان جزء من المسلمين وليسوا كل المسلمين
والإمام البنا قالها صراحة : كم منا وليس فينا وكم فينا وليس منا

ربنا سبحانه وتعالى مش هيحاسب الإنسان على إنتماءه ولكن على اعماله

وما فيش حد من الإخوان من قريب ولا بعيد ولا تصريحا ولا تلميحا قصد أو أوحى في كلامه إن الإخوان هم فقط المسلمين وباقي الناس علمانيين كفرة

قلنا خمستلاف مرة فيه مسلمين علمانيين وفيه مسلمين إشتراكيين وكل واحد وتفكيره

إحنا عاملين زي واحد غرقان في بير

فجه واحد قاله أنا الحل في رأيي إني أنزلك حبل ونشده ونطلعك

واحد تاني قال لا أنا رأيي الحبل مش هيتحملك أنا رأيي نملا البير مية شوية شوية وانت تطفو فوق المية وبعدين نشدك

التالت قال لا دي ولا دي لأني شايف إن الحبل مش هيتحملك صحيح لكن المية ممكن تغرقك وتموت وانا الحل في رأيي إننا نملا البئر تراب وكل شوية ترفع نفسك فوق التراب لغاية ما توصل لقمة البئر

واحد رابع جاب حل رابع


ده هو الحال بتاعنا
دلوقتي الشعب والبلد في بئر من الظلمات والفساد
كل واحد بيقول الحل اللي شايف إنه الأفضل وبعدين الشعب يختار الحل براحته وفي الآخر لازم كل القوى تلتزم بإختيار الشعب وتساعد بعضها لإنقاذه

أنا كواحد منتمي للإخوان أؤكد للجميع إن الإنتماء للإخوان لا يعني الإنتماء للإسلام ولا يعني دخول الجنة أو دخول النار

الإنتماء للإخوان هو استخدام وسيلة جماعية للنهوض بالأمة
واتمنى إن ما فيش واحد عنده عقل يرجع يردد الكلام بتاع إن هل الإخوان مسلمين والباقي كفرة والإخوان وطنيين والباقي خونة لان ده كلام تحريضي لا يمت للإخوان بصلة

أما بالنسبة لموضوع المظاهرات اليوم
فغاااااااااااالبية الإخوان رأوا أن الذي تم منذ نجاح الثورة لا يرتقى إلى مطالب الشعب
ولذلك خرجوا في مظاهرات في اسكدنرية ودعوا إليها باقي الفئات والأحزاب ولكنهم تجنبوا المشاركة
والإخوان بإختصار يقروا بالإجماع أن ما تم من غجرائات ضد الفساد غير كاف وبطئ ويوجد لديهم إنتقادات كثيرة لأداء المجلس العسكري وحكومة السيد عصام الشريف

لكن الذي حدث وواضح للجميع أن الأحزاب المعارضة للتيار الإسلامي سواء حزب السيد المحترم ساويرس الجديد اللي اسمه المصريين الأحرار أو حزب الجبهة الديمقراطية والذي أعلن ساويرس أنه هو الممول الرئيسي له وأحزاب اخرى والجمعية الديمقراطية للتغيير بقيادة الدكتور الفاضل محمد البرادعي ومجموعات ثورية محترمة أعلنت وبوضووووووووووووح وفي كل الجرائد والإذاعات والقنوات الخاصة والعامة أنهم لهم مطالب ثابته وهي
1- تأجيل الإنتخابات
2- تعيين مجلس عسكري
3- تعيين لجنة لعمل دستور جديد قبل إجراء أي إنتخابات

كما تطاول الكثير وليس البعض على القيادات العسكرية والجيش وكالوا له الإتهامات التي تثير الفتن الداخلية وتقضي على كل آمال الثورة وتحولنا إلى وضع ليبيا واليمن

ولذلك فالإخوان أعلنوا أنهم لن يشاركوا بصفة رسمية وكل من يشارك من الإخوان هو يتصرف بصفة شخصية ولا يمثلهم

هل ما فعله الإخوان هذا يعني أنهم إنتقصوا أي حد من حقه

ده ببساطة الموضوع

فياريت كل واحد فينا يقول الحل اللي شايفه لكن يتمنى النجاح للجميع لأننا كلنا بنحب بعض ولو واحد اتجرح وراح المستشفى فأكيد كل دكتور محترم وإنسان هيهب لنجدته بغض النظر هو لابس هلال ولا صليب ولا حظاظة ولا فتله في رقبته

خلينا نختلف بس ما نهدش في بعض

وتحياتي للجميع

المشاركة الأصلية كتبت بواسطة misoalex

والله يافندم انا ولا عاوز انتمى لاخوان ولا علمانين ولا سلفين ولا شيوعين

انا دماغى كده مريحانى محبش انتمى لحد واشجع افكاره او اهدافه حتى لو انا شايفها غلط لمجرد انى خايف ان تيار تانى او جماعه تانيه عندها افكار تخوفنى

ياباشا ومين قال أني منتمي لأي تيار أنا مسلم سني وبأحترم كل التيارات وبأخذ منها وفقا لما يتفق مع قناعاتي يعني معنديش تأييد كامل ولا عداء كامل لأي تيار أسلاميالبعض هاجمني في بعض المواضيع كموضوع العلمانية بأني سلفي لمجرد أني بأستشهد بأيات من القران والسنة النبوية ده برضه أسمه كلام ألي يدافع عن دينه وبالأدلة يبقى سلفي
والمقصود بسلفي يعني متشدد(الفزاعة الجديدة ) وتفريق صفوف المسلميين مش أكثر

أنا كان قصدي على التيار السياسي (حزب الحرية والعدالة )

المشاركة الأصلية كتبت بواسطة hobiko

طول عمرك حاسس بي هاهاهاها

بجد طيب دنتا مبسوط بقى ههههههههه

المشاركة الأصلية كتبت بواسطة mikho83

انا اسف يا حبيبي إذا كنت فهمت تعليقي غلط، أنا لا أقصد إن حضرتك كذاب ولا منافق ولا علماني ولا ملحد، لأنك لو كده يبقى حسابك على ربك، إنما أقصد إن فيه حرب قذرة على كل ما هو إسلامي، وللأسف ناس من المسلمين بيساعدوا في الحرب دي بحسن أو بسوء نية، بطريقة مباشرة أو غير مباشرة. يا باشا إمبارح كانوا مستضيفين على قناة الحياة الدكتور عصام العريان وعلى قناة تانية والله مش فاكر هي إيه واحد إخوانجي تاني ونفوا أي صلة بأي منشور بيتم توزيعه.
حاجة أخيرة، انا ممكن أجيب ورقة وأكتب عليها " ضبط مجموعة من الإخوان مع فتيات ليل" واكتب تحت حزب الوفد، وأصور منها 100الف نسخة وأوزعها، أول ما سيادتك هاتقرأها هاتكذب الخبر، وهاتقطع الورقة. إنما لو الورقة مكتوب عليها " ضبط قيادات الوفد ومجموعة من القسيسين مع فتيات ليل" ولقيت تحت خالص: الله أكبر ولله الحمد - الإخوان المسلمين، هاتصدقها وهاتنشرها وهاتعمل بيها موضوع على كل المنتديات. تقدر تقولي إيه السبب؟؟؟؟ أنا طبعا لا أقصد حضرتك كشخص ولكن أقصد توجه معين في مصر. بس بردوا عايز أعرف إيه السبب

تمام انا عارف طبعا ان فيه ناس بتهاجم كل ما هو دينى وكل ما هومسلم وخايفين من المسلمين
طبعا مدام الاخوان او السلفين دخلو السياسه يبقى يستحملو ويحاربو من اجل اهدافهم السياسيه بس كل اللى نفسى فيه يبقى الحرب بعيد عن الدين زى موضوع استغلال الماده التانيه وتخويف البسطاء وعامه الشعب منها بحجه ان البابا قال لا ولازم احنا نقول نعم
ودلوقتى بيخوفو الناس بكلمه علمانيه مع ان فيه ناس كتير مش فاهمه معناها وان كانت كويسه او وحشه

تانى حاجه عندك حق انا ممكن الاقى ورقه مكتوب عليها كلام وتحتيه الاخوان المسلمون بس مش معقوله حدخل الجامع اصلى وبعد صلاه العشاء مباااااااشره فقبل انصراف الناس الاقى حد من الاخوان (والمسجد معروف انه تابع للاخوان المسلمون ) عمال يقول نفس الكلام اللى فى الورقه ويقول اللى نازلين المظاهرات بكره علمانيون واعداء مصر واعداء الثوره عاوزين يسرقو الثوره بتاعتنا الخ الخ الخ

ليه التهيج ده وليه الكلام ده يتقال فى بيت ربنا وللناس اللى مش فاهمه حاجه الغلبانه تصدقه
انت ليك فكر ورأى وعملت وقفه يوم الثلاث وعبرت عنه ليه تشوه صوره الناس التانيه وتهيج الشعب عليهم عشان محدش ينزل بكره ؟؟؟؟؟؟؟؟؟؟؟

مليون علامه استفهام على المواقف اللى بشوفها دى
على فكره يمكن كلامى كتير على مواقف الاخوان بحكم انهم كتير جدا فى المنطقه اللى انا فيها ففيه ناس هنا فى المنتدى فاكره او معتقده انى حاططهم فى دماغى اوى وبحاربهم
لكن فيه حاجه اسمها انتقاد محترم وبأسلوب محترم