الموضوع: يا ريت لو غلطان أعرف غلطان فى ايه؟؟؟

المشاركة الأصلية كتبت بواسطة محمد عز

أخي العزيز

بعض الأخطاء البسيطة اللى تحسب عليك

كان المفروض العربية تروح التوكيل الاول وتاخد مقايسة بتمن التصليح

كده يبقى عندنا رقم نقدر نرجعله ونقارن بيه اسعار الورش الخارجية، يعنى مثلا التوكيل قال 60 الف او 50 الف
وانت صلحتها ب 30 الف ، يبقى نقدر نقول انت وفرت للشركة مبلغ.....

لكن للاسف فيه ناس لما تسمع رقم 30 الف فيه اللى هيتخض ويفتكره رقم كبير ، وفيه اللى هيشوفوا عادى ، وفيه اللى هيشوف ان ده توفير

تانى نقطة هل الاتفاق ان العربية ككل مقاولة ؟؟؟؟

يعنى العقيد خالد مسئول عن كافة التصليحات وشراء قطع الغيار ، أما انه مسئول عن أمور السمكرة بس و هيتابع أعمال التصليحات الأخرى من باب العشم والمعرفة.

لان ده هيفرق كتير جدا.....

السلام عليكم و رحمة الله و بركاته
أولاً : الف شكر ليك على الرد و النصيحة
ثانياً : انا عارف انى غلطان بس الاتفاق كان بتقرير بعتوا للعقيد خالد فيه بالنص الحاجه اللى مطلوبه فى العربية و هى :

تقرير عن السيارة النيسان ( البيك أب )

1. سمكرة السيارة بالكامل

2. استعدال الشاسيه أسفل الصندوق و من الأمام

3. رش السيارة دوكو فرن نفس اللون (الموجود بالرخصة)

4. تغيير فرش السيارة بالكامل استيراد

5. تغيير ماكينة الأبواب و المقابض

6. الكشف الكامل على الموتور

7. الكشف على الفتيس

8. تغيير عفشة كاملة + سوست خلفية

9. الكشف الكامل على الكهرباء و مفتاح السيارة و تغيير الفوانيس و الشبكة الأمامية

10. تغيير ريداتير السيارة و المروحة ( استيراد )

11. تغيير التابلوه استيراد و تشغيل لمبة الغرز و الكشف على عدادات البنزين و الزيت

12. تغيير الشكمان + الفرن بالكامل

13. تغيير قربة المياه و قربة المساحات

14. عمل صيانة كاملة للتكييف بالكامل

15. تغيير مساحات السيارة و تغيير دراع المساحات

16. تغيير طرمبة البنزين بالأصلية (استيراد) داخل تانك البنزين

17. تغيير 4 فرد كاوتش

ده بالنص التقرير اللى اتبعت مع العربية مع التأكيد على أولويات الشغل يعنى لو الفرش حيتكلف كتير أولى أنى اصرف على الماتور بدل الفرش
ثالثاً : لو الورشة مالهاش فى الميكانيكا مثلاً المفروض انك تقولى و انا اشوف ورشة تانيه
رابعاً : لو العربية متعبة ممكن تعتذر و انا اشوف التوكيل أو أى ورشة تانية لأن انت عارف نظام السوق.