الموضوع: رجاء من أهل الإسكندرية الكرام وعاشقي عروس البحر المتوسط

المشاركة الأصلية كتبت بواسطة honda4ever

هههههه
الناس اللي معاها فلوس بالهبل وتطلع ترميهم من فوق الجبل
هم دول اللي مرتاحين (أيوة ده حقد طبقي وأنا برجوازي. هه!)

صدقني انا عن نفسي لو معايا فلوس حسافر واعيش فى بلد بتحترم الانسان والناس فيها بيعاملوا بعض باحترام والواحد يقضي السنتين اللي فاضلين فى عمره اعصابه مرتاحه

بدل ما طول النهار فى حرقة دم من المواصلات والدخان والزحمة وخناق السواقين والبياعين واللي ماشي عكس الاتجاه وخناق وعراك طول الوقت وجارك اللي مش بيراعيك ولا بيحترم خصوصيتك

يوووووووووووووووووووووووو ووووو الواحد قرفان علي الاخر

انا عندى شقتين ف العجمى ( ابو يوسف)
على الشارع الرئيسى (اسكندريه -مرسى مطروح)
مباشره (قبل مدخل اكتوبر ب حاجات بسيطه)
و قريبين من اماكن التسوق
وممكن حضرتك تعاينهم بنفسك
مش هتخسر حاجه

طيب ممكن تفاصيل لو امكن..

المساحة ، عدد الغرف ، الدور ، المبلغ المطلوب .......

بص ياسيدي أنا هصنفهم لك من حيث السعر والموقع الأفضل :

درجة أولي : كفر عبده - زيزينيا - سان ستيفانو - سموحة - سبورتنج - رشدي- لوران - كليوباترا - ستانلي - جليم ( سعر المتر يبدأ في المناطق دي من 5000 الى 10000 حسب الموقع مع أنخفاض شريحة ال5000 جنيه للمتر )

درجة تانية : زي سيدي جابر وبوكلى وميامي وسيدي بشر بحري والعصافرة بحري والمندرة بحري وفيكتوريا ( سعر المتر يتراوح مابين 4000 الى 3000 حسب الموقع مع أرتفاع شريحة ال4000 جنيه )

درجة ثالثة ( شعبية ) : زي سيدي بشر قبلي وعصافرة قبلي ومندرة قبلي وباكوس وفي تاني كتير ( سعر المتر يتراوح ما بين 800 جنيه لحد 1500 جنيه )

الأسعار دي تقريبية ومتفاوتة وتختلف من بائع للآخر بس تقدر تقول حطيتلك حد أدنى وحد أعلى في السعر عشان تقدر تقرر بشكل أوضح .

دة لينك جريدة الوسيط تقدر تطلع عليها فيها أسعار كل المواقع :

http://www.waseet.net/pdf-new.php?country_id=EG

تصحيح

المشاركة الأصلية كتبت بواسطة AshTurbo

درجة تانية : زي سيدي جابر وبوكلى وميامي وسيدي بشر بحري والعصافرة بحري والمندرة بحري وفيكتوريا ( سعر المتر يتراوح مابين 4000 الى 7000 حسب الموقع مع أرتفاع شريحة ال4000 جنيه )

المشاركة الأصلية كتبت بواسطة ashturbo

تصحيح

ليه بس التصحيح ده!
ده هي دي المناطق اللي حاطط عيني عليها