الموضوع: ضريبة استهلاك على البنزين 92 و95

المشاركة الأصلية كتبت بواسطة wassof

معلش مع احترامي لي رائيك اكيد الكل مش معترض بس زي ماهما بيدورة علي حق مش حقهم طيب مايرفعة بي المرة المرتب علشان يكون في تكافؤ لكن كل حاجة بتعلي الي المرتبات زي ماهيا دة كمان انا شفت تعليق هنا لدكتور بياخد بتاع 300 جنية ده لو اشتغل علي ميكروباص كان جاب اعلي منهم مرتب بص البلد دي الي بنيها حلواني واحنا ناس حلونين مش فراعين احنا بنقول اي كلام فاضي معقول انتا عارف لو البنزين غالي هيحصل ايه ؟
خدعندك السلع الغذائية هتغلي بحجة ان النقل بقت فلوسة اعلي بسبب غلو البنزين
2- رغيف العيش هيغلا او هيخس اكتر ماهو خاسس بي حجة ان المكن بيتشغل بي الجاز والسولار مع انه مش هيشتغل 92 بس كلة هيرفع اشمعنا الحكومة
3-مصاريف اولادك في الباص المدرسة هيزيد
وياعني اعلي مرتب في الموجدين مش هيتعدي 1500 يعمل بيهم ايه ولا ايه في الزمن دة احنا في مصر محتاجين لايقل عن مرتب لكل شب داخل في جواز 4000 جنية علشان كل حاجة غالية
نفسي الناس تبص علي الناس الي تحتيها وتحاول تشدها في ايديهم يعي لو بتفول 95 ابقا نادي سواق تاكسي وفولة 90

أخي الغالي
حضرتك اما ما قرأتش كلامي بتأني وللآخر أو يمكن كلامي ما كانش واضح

أنا راجل على قدي زي زيكم واكتر
أنا بأقول إن الحكومة لو عايزه توفر الدعم اللي بتستهلكه السيارات وكمان مصارييف الصحة والعلاج على اللي بيحصلنا من وراءها يبقى ما عندناش مانع لكن ده يكون برنامج متكامل ومبني على فكرة إيجاد بديل كريم ومناسب ويمكن أفضل بكتييييير

يعني مثلا في أبو ظبي علشان يخفوا الزحمة شغلوا باصات داخلية لأول مرة وطبعا عارفين جو أبو ظبي حر بشششع ولو نزلت من الاتوبيس محتاج حد يلحقك بمكيف لغاية ما توصل باب بيتك وإلا تموت من الحر
فعلشان يشجعوا الناس خلوا ركوب الباصات مجاني ولفترة طويله

لأنهم حسبوا لقيوا لو صرفوا كام مليون على الباصات شهريا أرحم من تحمل مصارييف الزحمة وما يترتب عليها كمان كل شوية عدد السيارات بيزيد ومحتاجين أنفاق وكباري وخلافه

الموضوع أنا بأقول يبقى متكامل من السماح باستبدال السيارات بمستعمل خارجي وده يضمن لينا سيارات رخيصة وحديثه وكريمة وفي نفس الوقت هيكون عدد السيارات ما زادش لأن اللي هييجيب مستعمل خارجي هيسلم القديمة وكمان اللي دفع جمارك على سيارته الحكومة توفرله كوبونات بنزين بسعر مدعم ومخفض مقابل الجمارك اللي دفعها ودعم او تعمل تحويل السيارات للغاز بالمجان وتوفر محطات للغاز في كل مكان والأهم من كده إنها تنزل اتوبيسات في كل الأماكن وما يسمونه النقل الجماعي وده المتبع في كل دول العالم

لما حضرتك تلاقي وسيله نقل مكيفه ومحترمه وبسعر ملاليم وفي كل مكان إيه المشكلة اللي هتواجهها لما تركن سيارتك وتستخدم المواصلات دي وبكده تعطي مجال للاتوبيسات إنها تمشي بدون توقف
ولو حبيت تروح مشوار بعيد بسيارتك هتلاقيها ماشية بالغاز الطبيعي برخص التراب

وبكده هنوفر سعر السيارات الجديدة ونوجه فلوس شراها واستيرادها للبناء ولحاجات تاني أهم في البلد
والسيارات المستعملة اللي هتتكهن هتوفر فرص عمل وكمان هتوفر معادن تستخدم في البناء والتطوير وتوفر على البلد مليارات
والحكومة هتوفر مليارات الدعم للبنزين وهتوفر عمله صعبة
هنستخدم الغاز الطبيعي بتاعنا بدل ما نوديه لإسرائيل وفوقيه بوسه وببلاش تقريبا
الفقير هيلاقي وسيله مواصلات محترمه وببلاش
هنقلل عوادم السيارات الناتجة عن البنزين ونحسن من الصحة العامة

يا ريت حضرتك كلامي ما تفهموش غلط وكلنا في الهوا سوااااا
اما لو حضرتك

ميدان التحرير موجود
الشعب خلاص فاق و مش هياخد على قفاه تانى مش زى زمان كنا بنقول حاضر