ماهو رايك فى خطبه الجمعه فى منطقتك

**amro1965** · 30-05-2011 11:05 AM

السلام عليكم ورحمه الله وبركاته
اكيد سوالى باين من عنوانه
انا بقصد من مداخلتى هذه لانى اريد تغير خطبه الجمعه من الخطاب الدينى الى الخطاب الاجتماعى ممزوج بدلائل وقرأن ومستند الى قرأن وسنه رسول الله وسنه الخلفاء الراشدين من بعده
لماذا اريد تغيير الخطاب الدينى على النحو السابق
لانى دائما بشعر ان الامام فى صلاه الجمعه يأتى بقال الله وقال الرسول ص وهو بعيد كل البعد على الاحوال الاجتماعية التى تحيط بنا وبمنطقتنا ومحافظتنا فيكون الحال كالاتى
اما اسرح وانا فى الخطبه ام انام ام اذهب الى اقرب مسجد ينهى الصلاه فى وقت قليل لانه من الصعب ان نتكلم عن ظلم الانسان لاخية الانسان وفى اخر الشارع قتال بين عائلتين ولا نتكلم فى اصلاح تلك العائلات مثلا
بما انى فى امبابه واذا قدر لى وان اعتليت المنبر فاننى سوف اتكلم عن الفتنه الطائفيه وكيفيه مطالبه المسلمين بسماحه الدين الاسلامى مع الاخر فى هذا الوطن وتأمين على نفسه وبيته ومحرابه وكذلك الزباله المنتشرة ومناشده المواطنين بان النظافه من الايمان وغيرة كثير
بالنسبه لى افضل ان تكون الجمعه لمناقشه مشاكلنا الاجتماعية بمفهوم اسلامى جائز تكون المشاكل الاجتماعية محتلفه من منطقة الى اخرى ومن محافظة الى اخرى
اما الفقه والسنه واداب الاسلام فيمكن تعلمها ودراستها من خلال اللقاءات الاسبوعية
اما صلاه الجمعه اريد ان تكون تجمع اسلامى لحل مشاكلنا الاجتماعية المختلفة وان تكون خطبنا الاجتماعية هادفه ودراسه ماتحقق منها ولماذا لم تستكمل هذا رأى مش عارف هل انت معى ام تختلف معى اتمنى ان تجاوب على الاتى
هل مسجدك يتكلم عن مشاكلك الاجتماعية المحيطة بمنطقتك ام لا
هل تجد نفسك منصت جيد للامام فى يوم الجمعه ام لا

تم إعادة فتح الموضوع بعد تنقيته من المشاركات التي خرجت عن الهدف والسياق الرئيسي للموضوع

ل.ف.م. 2
6-6-2011
10:00 م

**otefa** · 30-05-2011 11:24 AM

متفق معك أن خطبة الجمعة والخطاب الديني بصفة عامة محتاج بعض التطوير بربطه بحياة الأنسان اليومية بوضوح وده أملي من سنين
وده أكيد بيحصل في بعض المساجد ولكن عايزين كل المساجد تشارك

**زينة الله** · 30-05-2011 11:35 AM

أنا مع حضرتك مع إنى ما بروحش المسجد لكن بسمعها من التليفزيون أو الاذاعة

و فعلا بتكون ممله جدا و موجهة سياسيا بالبعد عن القضايا المجتمعية المعاصرة

يا ريت يكون التركيز فيها أكبر على فقه المعاملات

و كيفية اخضاع الأمور الحياتية للطريق القويم دون تعارض مع أصول الدين ،

أعتقد إنه موضوع باب الاجتهاد فيه واسع و مثمرة لأرتباطه بحياة الناس

**otefa** · 30-05-2011 11:41 AM

المفروض كمان يستعجلو في تطبيق الأذان الموحد علشان تداخل الأصوات وتحقيق شروط ألقاء الأذان السليمة والصوت يكون عذب ومقبول

**mikho83** · 30-05-2011 11:44 AM

احنا عندنا في المنطقة الخطباء عملوا حاجة جميلة جدا، بيقعدوا كل أسبوع وبيتفقوا على موضوع للخطبة يلائم الجو في المنطقة بتاعتنا، وبالتالي بتلاقي جميع الخطباء في جميع المساجد بيقولوا نفس الأفكار.

**hobiko** · 30-05-2011 01:02 PM

المشاركة الأصلية كتبت بواسطة amro1965

السلام عليكم ورحمه الله وبركاته
اكيد سوالى باين من عنوانه
انا بقصد من مداخلتى هذه لانى اريد تغير خطبه الجمعه من الخطاب الدينى الى الخطاب الاجتماعى ممزوج بدلائل وقرأن ومستند الى قرأن وسنه رسول الله وسنه الخلفاء الراشدين من بعده
لماذا اريد تغيير الخطاب الدينى على النحو السابق
لانى دائما بشعر ان الامام فى صلاه الجمعه يأتى بقال الله وقال الرسول ص وهو بعيد كل البعد على الاحوال الاجتماعية التى تحيط بنا وبمنطقتنا ومحافظتنا فيكون الحال كالاتى
اما اسرح وانا فى الخطبه ام انام ام اذهب الى اقرب مسجد ينهى الصلاه فى وقت قليل لانه من الصعب ان نتكلم عن ظلم الانسان لاخية الانسان وفى اخر الشارع قتال بين عائلتين ولا نتكلم فى اصلاح تلك العائلات مثلا
بما انى فى امبابه واذا قدر لى وان اعتليت المنبر فاننى سوف اتكلم عن الفتنه الطائفيه وكيفيه مطالبه المسلمين بسماحه الدين الاسلامى مع الاخر فى هذا الوطن وتأمين على نفسه وبيته ومحرابه وكذلك الزباله المنتشرة ومناشده المواطنين بان النظافه من الايمان وغيرة كثير
بالنسبه لى افضل ان تكون الجمعه لمناقشه مشاكلنا الاجتماعية بمفهوم اسلامى جائز تكون المشاكل الاجتماعية محتلفه من منطقة الى اخرى ومن محافظة الى اخرى
اما الفقه والسنه واداب الاسلام فيمكن تعلمها ودراستها من خلال اللقاءات الاسبوعية
اما صلاه الجمعه اريد ان تكون تجمع اسلامى لحل مشاكلنا الاجتماعية المختلفة وان تكون خطبنا الاجتماعية هادفه ودراسه ماتحقق منها ولماذا لم تستكمل هذا رأى مش عارف هل انت معى ام تختلف معى اتمنى ان تجاوب على الاتى
هل مسجدك يتكلم عن مشاكلك الاجتماعية المحيطة بمنطقتك ام لا
هل تجد نفسك منصت جيد للامام فى يوم الجمعه ام لا

موضوع جميل ...... وقضية محتاجين نفتحها الفترة الى جاية

بس الجامع اللى انا باروحه بيتناوب عليه شيخان

الأول بيطرح فعلا قضايا متعلقة بالواقع الأجتماعى اللى بنعيشه ..... ربنا يباركله فعلا

التانى مش بيتكلم غير فى عذاب القبر و حكايات و روايات مش عارف جابها منين ...... ده غير زعيق غريب بيصيبنى بنوع من العصبية و التوتر ...... و ابقى مستنى الخطبه تخلص بفارغ الصبر

الأغرب ان الناس خاصة كبار السن بيتفاعلوا مع الشيخ التانى بشكل اكبر ..... ليه مش عارف

**mailo** · 30-05-2011 01:54 PM

المشاركة الأصلية كتبت بواسطة hobiko

موضوع جميل ...... وقضية محتاجين نفتحها الفترة الى جاية

بس الجامع اللى انا باروحه بيتناوب عليه شيخان

الأول بيطرح فعلا قضايا متعلقة بالواقع الأجتماعى اللى بنعيشه ..... ربنا يباركله فعلا

التانى مش بيتكلم غير فى عذاب القبر و حكايات و روايات مش عارف جابها منين ...... ده غير زعيق غريب بيصيبنى بنوع من العصبية و التوتر ...... و ابقى مستنى الخطبه تخلص بفارغ الصبر

الأغرب ان الناس خاصة كبار السن بيتفاعلوا مع الشيخ التانى بشكل اكبر ..... ليه مش عارف

متهيألي لازم ال 2
لأن واحد بس مش كفاية عشان تعرف دينك بالكامل وده اللي المفروض إن كلنا نعرفه
بس أنا ممكن أكون متفق معاك إن اسلوب الشيخ التاني ممكن يكون متعب أو مزعج ليك وليَّ أنا كمان
المشكلة إن المفروض يكوون فيه فن القاء الخطبة عند كل الخطباء لأن بيكون فيهم كتير على علم بس للأسف اسلوبهم بيبعد الناس عنهم

**Frozen_Pain** · 30-05-2011 02:26 PM

خطبة الجمعة سبب رئيسى بتخلينى انزل متاخر الصلاة،،، نفسى يتكلموا فى حاجة مفيدة،،، انا مرة سمعت الخطبة الراجل قعد من الساعة 12.15 الظهر لحد 1.40 وهو بيخطب وانا مش فاهم حاجة من كلامه اساسا لدرجة ان ولحد وقف فى منتصف الجامع قاله ياعم الشيخ خلصنا هو انت بتقرا من كتاب،،،، ومرة حصلت خناقة بعد الصلاة بسبب فتاوى الشيخ الهمام العالى المقام

**amr100** · 30-05-2011 02:38 PM

خطبة الجمعة يجب ان تكون مزيج بين الواقع الذي نعيش فيه والدين والسيرة والفقه بخصوص خطيب الجمعة اللي جنب بيتي اولا الخطبة والصلاة في نص ساعة لا تزيد وتكون غالبا بعيدة عن الواقع يعني ساعة الثورة بصراحة انا مش فاكر بالضبط كان بيتكلم عن ايه بس مثلا نوع الهجرة والصيام و فضل الصدق كأن الثورة في حته تانية بعيدة عن مصر و خطيب تاني بس جامع ابعد شوية هو اللي كان بيتكلم عن الثورة و اللي حاصل في البلد هي على حسب الخطيب

**amro1965** · 30-05-2011 02:50 PM

انا لما كتبت موضوعى
كنت حابب ان اعرف هل الاعضاء يتمنوا مثلما اتمنى ان تكون خطبه الجمعه لبحث امور المسلمين الاجتماعية سواء كانت خاصه بالمنطقة او المحافظة او البلد او اشقاءنا فى البلدان الاخرى لانى عشت موقف ضايقنى جدا
ايام حرب اسرائيل وغزة اسرائيل تضرب غزة بشتى انواع الاسلحة والمواد الفسفورية الحارقة تحت سمع وبصر العالم
وتجى يوم الجمعه ليعلو الخطيب المنبر ويتكلم عن الظلم ويصول ويجول بعيدا عن الاحداث المحيطة به
يتكلم عن المسلم للمسلم كالبنيان المرصوص وكأن اخوانا فى غزة ليسوا مسلمين
حسيت انى بسمع الخطبة وكنت اتمنى الوقت ان يجرى بسرعه لانى اتخنقت ولولا احترام المصلى لخطيب المنبر ان يصمت
اتمنى خطباء يعوا الاحداث الجارية سواء الاجتماعية او السياسية ويأخذوا من الماضى عبرو ونصيحة للحاضر

الموضوع: ماهو رايك فى خطبه الجمعه فى منطقتك

LinkBack

أدوات الموضوع

عرض

ماهو رايك فى خطبه الجمعه فى منطقتك - انشر الموضوع فى :

-

-

-

-

-

-

المواضيع المتشابهه

انا كنت عايز انزل سوق الجمعه ابيع عربيه هو السوق بعد الجمعه والا الصبح

أخبار البنزين في منطقتك ايه ؟؟

شارع دمشق فاتح الجمعه بعد صلاة الجمعه ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة