الموضوع: مش قادر بقى- «سي إن إن»: مسؤول عسكري يقر بإجراء «فحص عذرية» لمتظاهرات من «التحرير»

المشاركة الأصلية كتبت بواسطة sharafconsult

لو أتقال نتيجة التحقيقات هتصدقها

ولا حسب النتيجه هتقرر تصدقها ولا لأ

طب افترض معايا أن تقرير السى ان ان حقيقى وده أعتراف مصدر مسئول

هتصدقه ولا لأ

طب لو تصدقه هتقول ده مش قانونى ولا هتقول طب البنات ليه بايتين بره البيت وأزاى عندهم 20 سنه وكلهم ( زى ما قال التقرير )

طب لو مش هتصدقه وتقول دى تحقيقات مزوره , يبقى الحل أيه

علشان كده سألتك الأول هتصدق نتيجه التحقيقات ولا لأ

لكن فيه حل أحسن من كده بكتير

البنات اللى بيقولوا كده يكذبوا الخبر ويطلبوا الكشف عليهم لأثبات أن كلامهم هو الصح وأن الجيش كداب وهتبقى ضربه قاضيه للجيش

يبقى بدل ما تستنى نتيجه التحقيق وواضح أنك مش ناوى تصدقه ( لأنك دايما بتهاجم الجيش فى كل مشاركاتك ) أطلب من البنات يثبتوا صدقهم ,

البنت اللى تعمل فيديو وتقول حصل معايا كشف عذريه والعساكر صورونى مش ها تتكسف أنها تطلب لجنه كشف عليها لأثبات كذب الجيش وتبريئ نفسها من تهمه زى كده

هصدق التحقيقات لو كانت مقنعة
لو في ادلة طلعت تثبت ان كلامهم صح
كلنا شوفنا اتعاملو ازاي مع الاعتصام ال كان قدام مجلس الوزرا عشان شفيق يمشي و كان ردهم ان في تحقيقات و مشوفناش حاجة
شوفنا صحفي محبوس 3 سنين و غيره 5 سنين و خرجو عشان معملوش حاجة في الاساس
شوفنا بثينة كامل و ريم ماجد بيتحقق معاهم عشان بيقولو الشرطة العسكرية بتتعامل مع الناس بوحشية
شوفنا قضاة بيتحولو للتحقيق عشان بيقولو المفروض المدنين ميتحاكموش عسكري
شوفنا حسني مبارك قاعد في شرم الشيخ و مبيجيش السجن زيه زي اي مسجون و بيصدرش قرار ضده غير قبل الجمعة ال هننزل فيها
شوفنا سوزان مبارك اتصالحو معاها ب 24 مليون
شوفنا بلطجية بنوديهم الشرطة العسكرية يطلعوهم تاني يوم
شوفت واحد بيتحاكم عسكري دلوقتي عشان كان واقف بيتفرج على الجيش و هو بيقبض على شوية بلطجية
شوفت الجيش مراحش امبابة غير بعد 4 ساعات من ما الضرب بدا

انا مبصدقش حاجة غير لما اتاكد منها و كلامي هنا مفيهوش حاجة تدل على اني بقول ان دا حصل
بس بوجه كلامي للناس ال كل ما نجيب سيرة الجيش يقولو دا خط احمر
مفيش حد فوق الحساب و مفيش حد فوق القانون و مفيش حد مبيغلطش
انا كل ال بطلبه ان يبقى في شفافية لان عدم وجودها بيدل ان في حاجة غلط

ثانيا كل واحد حر في تصرفاته سواء يبات برة البيت او جوه البيت مش انا ال هحكم على نيته و على تربيته
بس لو الجيش و حضراتكو مش عجبكو كدا انزلو الكافيهات بقى لمو البنات ال فيها و البنات ال في الكباريهات و اعملولهم اختبار عذرية

المشاركة الأصلية كتبت بواسطة تامر.محمد

نداء شخصي للاخوة اللي بيقولوا يستاهلوا و ازاي بنت عندها 20 سنة تبات في الشارع
و اعذروني على انفعالي

ايه يا اخواننا ؟؟؟
مالكم كيف تحكمون ؟؟؟؟؟؟؟؟

هو كلنا مسكنا في ازاي بنت عندها 20 سنة تبات في الشارع ؟؟؟؟؟
غلطانة و قليلة الأدب و بنت تيت ... حلو كده ؟
هل ده يخلي هتك عرضها جايز ؟؟؟؟؟؟؟؟؟؟؟؟؟
ده هتك عرض قسري و البنات دول اعتقلوا في ميدان عام مش في مكان مشبوه ..........
لو اضفت هتك العرض للاعتقال الغير شرعي يبقى الاعتقال ده اختطاف

يعني الواحد فيكم لو شاف واحدة لابسة عريان في الشارع هايستغفر ربنا ولا هايغتصبها بحكم ان اللي هي بتعمله غلط ؟؟؟؟؟؟

هو خلاص الباطل القوي بقى خير من الحق الضعيف ؟؟؟؟؟؟؟؟
خلاص ضميرنا مات ؟؟؟؟؟؟

انا مش فاهم ايه اللى مزعلك اوى كده ؟؟؟؟؟!!!!!!!

البنات دى كلاب ولا تسوى ..... مش كانوا بايتين بره البيت خلاص اياكش يتحرقوا كلهم

ايه يعنى ماحدش فينا شافهم و هما بيزنوا و لا و هما بيشربوا مخدرات ...... احنا لازم نصدق الجيش فى كل حاجة

ثورة ايه و قلة أدب ايه بس ..... يستاهلوا اللى يجرالهم

و بعدين انت بتهاجم الجيش ...... اعظم و اطيب و اطهر و اشجع و اقوى جيش فى العالم

كفاية وقوفه جمب الثورة ...... و موضوع انه ساب الحصنة و الجمال و القناصة يموتوا فينا ...... ماحصلش

روق كده ..... احنا لينا الا الجيش العظيم عشان يربينا و يلمنا ..... و على رأى المثل اللى مالوش كبير يشتريله كبير و اللى مالوش جزمة يشتريله جزمة

YouTube - ‫ط§ظ„ط¬ظٹط´ ظٹظپط±ظ‚ ط§ط¹طھطµط§ظ… آ«ظ„ط§ط¸ظˆط؛ظ„ظٹآ» ط¨ط§ظ„ظ‚ظˆط© ط±ظ‡ظٹظٹظٹظٹظٹظٹظٹظٹظٹط¨6-3-2011‬‎

طبعا الموضوع في كل الاحوال نقطه سوداء يجب ان تحسم من قبل الجيش
اللي عامل الموضوع وبعته لcnn المراسله الصحفيه شهيره امين اللي كانت شغاله في النيل للاخبار واستقالت من التلفزيون بعد موقعه الجمل.....
القصد هل التقرير ده جديد وتصريحات المسئول دي جديده ولا ده كان تقرير اتعمل ساعه اللي حصل يوم 9 مارس ولكن اذيع دلوقتي من قبل الcnn
والهدف منه مجرد معرفه حقيقه الموضوع ام الغرض منه ايه؟
وليه التوقيت ده اللي مخلي كل الاعلاميين قالبين علي المجلس العسكري واصبح التعامل عنيف بين الطرفين
...................
من الاخر تقرير معمول لبيان الحقيقه ....ام معمول لزياده البنزين علي النار
اتمني ان اجد اعلامي محترم يحاول ان يصل الي حقيقه القصه والي ماذا انتهت تحقيقات الجيش فيها ونشاهد ماده اعلاميه محترمه
..............
بدل ماهما سايبين القضايا المهمه وماسكين فيرجاله الاخوان بيتجوزو من بره ولا لا.....وعمرو حمزاوي حيقلبها صياعه