مش قادر بقى- «سي إن إن»: مسؤول عسكري يقر بإجراء «فحص عذرية» لمتظاهرات من «التحرير»

**hobiko** · 01-06-2011 09:36 AM

الخوض فى أعراض الناس و قذف المحصنات ...... بقى هو trend دلوقتى

من أيام بنت البرادعى

**Dojuar** · 01-06-2011 10:24 AM

للأسف هانمسك في رأي كام عضو قالو أن ميصحش بنت تعتصم و و و و...وهنلزق الرأي بالعافية للتيارات الاسلامية
نفس أسلوب الاعلام الخاص

**CryptonX** · 01-06-2011 10:28 AM

جميل اوي كدة تم تصنيف الشعب خلاص .

متظاهر او ثورجي = ملحد و علماني
مختلف في الراي = ليبرالي لا يعلم بشئون الدولة و الدين
متظاهرة او ثورجية = ................*
مربي ذقنه = ارهابي متطرف حيفجر نفسه
لابس صليب = نصراني متظرف حيخفط واحدة من ال ............ الثورجية
ظابط شرطة = ................*
ظابط جيش = اسياد البلد الجداد

شكرا للمعلومات و المعرفة.

**elsherif_2000** · 01-06-2011 10:43 AM

ليه الجيش خط احمر المفروض اي مؤسسه في الدوله لو فيها اخطاء يتم انتقادها لاصلاح هذة الاخطاء بغض النظر عن موضوع البنات دي لكن انا بتكلم عموما

**زينة الله** · 01-06-2011 10:58 AM

أسلوب التخويف و الترهيب و التوقيع و التفريق و الفتنة :)

اللهم أرحمنا يا رب و أحفظنا من شر فتنة المحيا و الممات

**may_moon911** · 01-06-2011 10:59 AM

للاسف هوا دا اللي كانوا عايزينوا اللي نشروا الخبر (دون التطرق الي ما اذا كان صح او غلط)
شايفين بقينا عاملين ازاي بنتخانق مع بعض عشان اللي باتت و اللي ما باتتشي و اللي يقول اللي باتت دي بنت ..... و اللي مش بتبات دي بنت ناس وي وي وي
اظن الرساله وصلت و اصبح واضح جدا اننا عمرنا ما هانشغل مخنا (انا متاسف بس انا بعتبر نفسي اصغر واحد عندي 20 سنه و نزلت شاركت و معلمومه كمان امي و اخويا كانوا معايا و ما كناش بنبات غير يوم جمعه الغضب) ايه دا امي باتت بره دي تبقي و تبقي و تبقي و باتت ليه ماعندهاش جوز يلمها (دا الكلام اللي هاسمعوا )
اظن عيب اوي انتو فيكوا اللي نزل و فيكوا اللي ما نزلش و اللي نزل نزل من الاول و اتعجن و في اللي نزل ف الاخر
لما تعرفوا الظروف الاول ابقوا قولوا دا صح و دا غلط مش ناس قاعده ف بيتها و بتقول علي الناس اللي شرفت العالم كله بثورة هاتتكتب في كتب التاريخ ل100 سنه جايه
لو واحده باتت هناك و ماتت كانو قالوا عليها بطله
و لو باتت و ما ماتتش كانو قالو عليها زي ما بتقولوا
اخيرا حسبي الله و نعم الوكيل ف اللي بجيب ف سيره بنت عفيفه او مش عفيفه ف هوا مالوش حق يتكلم عليها كدا (افكركوا اربع شهود)
أيمن

**METOELESSAWY** · 01-06-2011 11:07 AM

لو انتم مش عاجبكم الجيش امال عازين مين نرجع امن الدوله تانى عاوزيم نبقى زى ليبيا و سوربا و اليمن مين يحمينا حتى لو فى اى قصور ده امر طبيعى لان الكمال لله ربنا يحمينا و يحمى مصر و يحمى جيشها

**otefa** · 01-06-2011 12:06 PM

المشاركة الأصلية كتبت بواسطة metoelessawy

لو انتم مش عاجبكم الجيش امال عازين مين نرجع امن الدوله تانى عاوزيم نبقى زى ليبيا و سوربا و اليمن مين يحمينا حتى لو فى اى قصور ده امر طبيعى لان الكمال لله ربنا يحمينا و يحمى مصر و يحمى جيشها

+++99999999999999
ثورة ثورة للأمام للأمام

**نور القمر** · 01-06-2011 12:45 PM

المصري اليوم
مصدر عسكري ينفي تقرير سي ان ان بشأن الكشف على عذرية متظاهرات التحرير

-

الموضوع: مش قادر بقى- «سي إن إن»: مسؤول عسكري يقر بإجراء «فحص عذرية» لمتظاهرات من «التحرير»

LinkBack

أدوات الموضوع

عرض

-

-

-

-

-

المواضيع المتشابهه

الاسكندرية - ميدان التحرير مجمع التحرير

هل النقل الثقيل مسؤول عن الحوادث بشكل رئيسي ؟ .. حادث حصل امامي

مصدر مسؤول ينفى شائعة خلط البنزين بالكحول....(وائل عطية)

الكلمات الدلالية لهذا الموضوع

المفضلات

المفضلات

ضوابط المشاركة