مرسيدس 190 ...هل هي فعلا غلطه من مرسيدس ؟؟

**behman** · 04-06-2011 04:26 PM

في اتنين مع جيراني في الشارع مرسيدس واحدة 200 وواحدة 190 بس شكلهم شبه بعض اووي ولونهم ابيض بس مش عارف مش مكتوب E جنب 190 او ال200 ممكن يكون الحرف متشال

؟؟؟؟؟؟؟؟؟؟؟؟

**loayof** · 20-07-2011 03:26 PM

السلام عليكم
أنا معايا العربيه وعاوزك اقولك ان فعلا كل الكلام الي بيتقال عليها انها غلطة__ ده مجرد اشاعات والعربيه ده ممتاز جدا جدا في رأي
بالنسبة لأسعارها فموديلات التمنينات لو حلتها حلوه تتروح من 48 الي 58 الف
ولو في التسعينات ممكن توصل ل67 الف
اما بالنسبة للأعتماديه فيكفي ان اقولك ان العربيه عامله معايا 1128000 كيلو متر يعني عدت المليون ومع ذلك لسه الموتور متفكش منه مسمار
وقطع غيرها اقل نسبيا من الزلموكة الكبيره بس برده موجود وبلقيها ولله الحمد بكل سهولة وفيها حاجات بتبقي لسه جديدة زيرو
يعني علي سبيل المثال انا لسه مغير من يوم واحد علبة الدريكسيون بتاعات العربية الاصليه ب450 جنية
اما بالنسبة لعيوبها من وجهة نظري فهي ان العربيه ده فعلا صلونها ضيق من ورا بالذات والكلام ده لو كنت من اصحاب القامة الطويلة زي حالتي (190 سم )
والمميزات كتير اوي يكفي ان اقولك ان العربيه ده تحس انك ممكن تستخدمها في كل حاجه يعني مثلا لو عاوز تجري هتلقي وحش قوي جدا مختلف عن اي عربية تانيه ثابت عالي جدا وراحة عاليه جدا بالذات وانت سايق تحس ان العربيه مشيه لوحدها __ ومثلا بردو لو عاوز تستخدمها في مهامات شاقه زي كده هتلقيها معاك برده متلقش لأه ابدا وبكفأة كمان انا مثلا بطلع فيها شق الثعبان المنطقة الصناعية لو حد فيكو يعرفها __يعني بالمختصر عربيه جميله جدا

**elfashn** · 20-07-2011 07:44 PM

طيب ممكن تقولنا اخبار استهلاك البنزين فيها ايه؟؟؟؟

**loayof** · 21-07-2011 09:08 AM

انا مش حسبو بالظبط بس هوه تقريبا 10 لتر 100 او 110 كيلو انا العربيه الي معايا 1900 سي سي انجكشن موديل 1983

**MBhead** · 22-07-2011 04:50 PM

المشاركة الأصلية كتبت بواسطة loayof

السلام عليكم
أنا معايا العربيه وعاوزك اقولك ان فعلا كل الكلام الي بيتقال عليها انها غلطة__ ده مجرد اشاعات والعربيه ده ممتاز جدا جدا في رأي
بالنسبة لأسعارها فموديلات التمنينات لو حلتها حلوه تتروح من 48 الي 58 الف
ولو في التسعينات ممكن توصل ل67 الف
اما بالنسبة للأعتماديه فيكفي ان اقولك ان العربيه عامله معايا 1128000 كيلو متر يعني عدت المليون ومع ذلك لسه الموتور متفكش منه مسمار
وقطع غيرها اقل نسبيا من الزلموكة الكبيره بس برده موجود وبلقيها ولله الحمد بكل سهولة وفيها حاجات بتبقي لسه جديدة زيرو
يعني علي سبيل المثال انا لسه مغير من يوم واحد علبة الدريكسيون بتاعات العربية الاصليه ب450 جنية
اما بالنسبة لعيوبها من وجهة نظري فهي ان العربيه ده فعلا صلونها ضيق من ورا بالذات والكلام ده لو كنت من اصحاب القامة الطويلة زي حالتي (190 سم )
والمميزات كتير اوي يكفي ان اقولك ان العربيه ده تحس انك ممكن تستخدمها في كل حاجه يعني مثلا لو عاوز تجري هتلقي وحش قوي جدا مختلف عن اي عربية تانيه ثابت عالي جدا وراحة عاليه جدا بالذات وانت سايق تحس ان العربيه مشيه لوحدها __ ومثلا بردو لو عاوز تستخدمها في مهامات شاقه زي كده

هتلقيها معاك برده متلقش لأه ابدا وبكفأة كمان انا مثلا بطلع فيها شق الثعبان المنطقة الصناعية لو حد فيكو يعرفها __يعني بالمختصر عربيه جميله جدا

ربنا يباركلك فيها هيا عربية ممتازة فعلا ....مرة سوقت واحده 2.6 اللي هيا 6 سلندر كانت مانيوال 5 غيار بتاعت واحد صاحب والدي كنت بجري بيها 170 180 و و احد ب اتوبيس قطع السكة بيلف مسكت فرامل العربية وقفت في مكانها ولا لعبت شمال ولا يمين ....عربية جميلة جدا فعلا

**احمد فهمى** · 23-07-2011 07:02 PM

عربيه محترمه جدا زى كل مرسيدس وافضل موديلات جديده كتير وحجمها مناسب لمصر والشعب معظمو متخلف وطلع اشاعات انها سحب امامى اول ما طلعت وحتى الأن كثير فكرينها سحب امامى وفى منها موديل 1993 الموتور الجديد وكامله افضل من اى عربيه ممكن تركبها فى مصر فى فئتها السعريه كمستعمل