السلام عليكم ورحمه الله وبركاته..
الفيكترا الاوتوماتيك من 96 الي 99 موتور كامه واحده 8 صباب حقن مشترك اسمه السوقي (الموتور الاسود) موتور ممتاز وقطع غياره ببلاش وتكنولوجياته قليله يعيبه فقط استهلاكه للبنزين ملحوظ شويه لانه طبعا 2000 سي سي..
انما من 2000 الي 2003 موتور 2 كامه 16 صباب حقن متعدد النقاط اسمه الموتور الابيض او الايكوتك والجيل ده بيعالج عيب الموتور اللي قبله في استهلاك البنزين فهو اختصار ل economical technology وعزمه احسن وباور هورس اعلي انما صيانته مش سهله لانه مليان حساسات زياده ..في حاجه كمان ان الموتور اللي نزل مصر الايكوتك زي الاوروبي بالضبط اللي نزل بره بس المصري من غير وحده الايه جي ار الخاصه باعاده حرق العادم علشان البيئه ..وعلي فكره منصور اخد احسن مصنع للموديلا ده (الفيكترا) علي مستوي العالم خارج المانيا ..الكشف في مقار بيتكلف حوالي 180ج (كشف ماقبل الشراء)