الموضوع: يا جماعة عايزين حل للمطب الغبي اللي في طريق السويس

هو حضرتك لو كنت بدل المطب لقيت واحد بيعدى الشارع و فوجئت بيه مش برضه كنتم هتموتوه او تفادوه و تعملو حادثه (يا فى عربيه تانيه يا هتلبسو فى الرصيف) ؟؟؟

يبقى بدل ما تحسبن على حد ماتعرفوش و متعرفش اللى اتعمل ده سببه ايه يبقى نمشى حسب السرعه المقرره ...

على فكره انا متضرر زيي زيكم من المطب ده لأنه عامل زحمه رهيبه فى طريقى وانا رايح جاى بس برضه بفكر فى الناس التانيه مش فى مصلحتى و بس

يعني الي يلبس المطب دا و يلاقي واحد ف وشه هيعمل ايه ؟
ما كدا اصلا مش هيعرف يتحكم ف العربيه و هيشيله
كدا الضرر بقى اكبر

مفيش دوله في العالم كله بتعمل مطبات في الطرق السريع
الطرق المفروض ليها مواصفات امان
لكن عندنا مفيش حد بيلتزم بحاجه

ممكن اعرف مكان المطب دة فين بالظبط لأنى همشى على طريق السويس قريب يمكن اخد بالى منه

المشاركة الأصلية كتبت بواسطة محمد عز

أخى العزيز ، للاسف انت غلطت فى مهندسين الطرق اللى انا واحد منهم

أولا اؤكدلك اللى عمل المطب او خطط ليه اكيد مش مهندس وفى الغالب اما الحى عن طريق رئيس الحى اللى فى الغالب من القطاع الأمنى او العسكرى

أو من الشرطة نفسها

لكن مظنش اى مهندس طرق يوافق ابدا انه يحط مطب على طريق سريع

ونقطة أخيرة اغلب مهندسي الطرق فى دول الخليج اللى عندهم أفضل الطرق على مستوى العالم مصريين (مفارقة صح!!!)

انا متاسف جدا يابشمهندس مكنتش اقصد بس بصراحة حاجة تغيظ اوي

المشاركة الأصلية كتبت بواسطة aftam

شوف يا باشا مع احترامى الشديد لرأى حضرتك
بدل ما يتعمل مطب بملاليم يبوظ عربيات بملايين ويضيع شقى ناس تعبانة فى الفلوس اللى بتجيب بيها العربيات دى ممكن يتعمل كوبرى مشاه للناس تعدى عليه ومش هيتكلف حاجة لأنه هيتعمل علشلن يغطى مسافة عرض كوبرى الجيش مش الشارع كله
بلاش، ممكن مكعبات فى الارض تتحط قبله مع لوحتين من امو 100 جنيه

وبعدين على الاوتوستراد فى 3 مطبات على الكوبرى نتيجة ان عربية وقعت من عليه، مما يبين العقلية الساذجة لمهندسى الطرق والاحياء وهم نفس الناس اللى قفلت كل التقاطعات فى الشوارع الرئيسية فى مدينة نصر مما ادى الى توقف مصطفى النحاس تماما بعد ما كان حلبة سباق من كتر ما كان فاضى من 7 سنين وخلى مدينة نصر قرف بمعنى الكلمة بقت مكان مكروووووووووووووووووووووو وووووووووووووووووووه جدا من الزحمة اللى بقت اكتر من العباسية..

دا تخلف وفتى بدون اى نظرة مستقبلية وعدم مراعاة للناس اللى ماشية فى الشوارع، هما عاوزين يريحوا دماغهم وبس...

يا باشا محدش يقدر ينكر ان اللى خد القرار و نفذ مفكرش فى جميع الحلول ... و زى ما الزميل الفاضل اشار ... كل اللى بيخططوا الطرق فى الخليج مصريين ... هنا اللى شغالين فى الاحياء موظفين بينفذو اللى الباشوات بتوع المرور بيقولوه (فى اغلب الاحيان علشان ماعممش)

النقطه هنا ان الواحد سايق فى زمام المدينه و هعدى عند مستشفى الكهربا و عارف ان عند 4.5 فى ناس بتعدى و برضه طاير على 100 ... فى غلط تخطيطى بس لحد ما يتحل مينفعش امشى غلط و ازعل ان المنظومه فى الشارع سببتلى مشكله

و انا معاك فى موضوع مصطفى النحاس ده ... مبقاش يتمشى فيه .... بس على فكره الكام يوم اللى فاتو اضطريت امشى فيه كذا مره و للأسف الزحمه مش من الملفات ... الزحمه من الركنه الغلط اللى بتضيق الشارع فى حتت حيويه و تخلق اختناقات ... طبعا مع وجود عشوائيه فى اختيار اماكن اليوترن الدنيا بتبقى بزرميط

المشاركة الأصلية كتبت بواسطة tiger_mostafa

ممكن اعرف مكان المطب دة فين بالظبط لأنى همشى على طريق السويس قريب يمكن اخد بالى منه

السلام عليكم

لوحضرتك رايح اتجاة السويس هيكون بعد كوبرى الماظة بحوالى 2 كيلو و قبل كوبرى الكيلو 4.5 مباشرة و لو حضرتك نازل من طريق السويس فى اتجاة القاهرة هيكون بعد منزل كوبرى الكيلو 4.5 مباشرة .

المشاركة الأصلية كتبت بواسطة alaasaid

السلام عليكم

لوحضرتك رايح اتجاة السويس هيكون بعد كوبرى الماظة بحوالى 2 كيلو و قبل كوبرى الكيلو 4.5 مباشرة و لو حضرتك نازل من طريق السويس فى اتجاة القاهرة هيكون بعد منزل كوبرى الكيلو 4.5 مباشرة .

شكراااااااااا