الموضوع: امواس فيوجن المصدية وفضيحة بروكتر جامبل مصر معايا

السلام عليكم ورحمه الله
حابب احكي تجربتي المريرة مع شركة بروكتر وجامبل مصر
اشتريت من فترة ماكينة حلاقة جيليت فيوجن
وكان في عرض اني خد الماكينة وبيجي في علبتها موس حلاقة واحد واخد علبة امواس 4 امواس وعليهم خصم كويس
خدتها واستعملت الموس فعلا وجيت افتح الباقيين صعقت
الامواس كلها مصدية
ايون مصدية
واللي مايعرفش المفوض انها مصنوعة من الاستانلس ستيل والاستانلس لا يصدأ
كلمت خدمة العملاء بتاعتهم بناء على نصيحة احد الزملاء
رد في منتهي الامبالاة وحاضر المسئولة هاتكلمك
10 ايام ومحدش كلمني
اتكلمت تاني حولتني على واحدة وقالتلي ايوة حضرتك تلاقيك حطيتها في بخار الحمام ولا ولا
قولتها يا سلام المفروض انها تتاثر ببخار الحمام(ده فرضا اني حاططها في الحمام) وده محصلش لاني شايلا في دولاب الادوات جنب الحمام
دي استانليس الموس الواحد تمنه اكتر من 25 جنيه
مش مشترية بالتمن ده عشان يصدي بعد كام شهر
قالتلي حضرتك هانبعتلك مندوب ياخد العلبة ونبعتها المانيا ونشوف اللي حصل ده من ايه
ونبعتلك منتجات بنفس القيمة
قولتلها يعني ايه منتجات بنفس القيمة
انا عايز نفس المنتج انا افع 105 جنيه في 4 امواس حلاقة
يعني ايه منتج تاني
قالتللي للاسف الامواس مش موجودة(مع انها متوفرة في كل مكان ولو مش موجودة في اي مخزن كان المفروض يشتروها ويبعتولي غيرها)لكن اصرارهم على الخطأ ده اللي منرفزني جدا
المهم قفلت وبعدها بكام يوم فوجئت بمندوب تسليم من شركة شحن جاي جايب شنطة كبيرة محترمة من بروكتر جامبل مصر وجواها كيس مقفول
وطلب اني امضي بالاستلام ويستلم العينة اللي هي الامواس البايظة
سلمتهالة ومش عارف ايه اللي خلاني احتفظ ب موس منهم
طلعت فتحت الكيس فوجئت بالفضيحة
كيس اريال
كيس اريال صغير قوي معرفش تمنه كام تقريبا جنية
كيس تايد ب 50 قرش
علبة شامبو برت بلاس صغير
والمصيبة (كيس حفاضات نسائية) اولويز
انا صعق ووقفت في وسط مكتبي مش عارف انطق
ايه الجنــــــــــــــــــان ده
ده جنان رسمي بجد
راجل يشتري امواس حلاقة ب 105 جنية تطلع مصدية
يبعتوله مكانها اريال وحفاضات نسائية؟؟؟؟
بدل مارفع عليهم قضية
يبعتولي منتجات مش هاستعملها تمنها 10 ولا 15 جنيه
كلمتها تقولي سوري خطأ غير مقصود وهايتم تداركه وهابعتلك حد ياخدها
طبعا مسكت اعصابي وماردتش فعلا اتعصب ولا احرق دمي
لكني مش هاسكت وهابعت ميل لالمانيا وحماية المستهلك وهاشوف هاوصل معاهم لايه
دي صور للموس المصدي اللي احتفظت بيه
وصور المنتجات الهايلة بتاعتهم