مشكلة بسيارتى النوبيرا

**SAMEH_FOUAD** · 07-06-2011 03:10 AM

المشاركة الأصلية كتبت بواسطة alynubira

العيب عندك فى حساس البنزين والكمبيوتر المفروض انك تغيرهم
التكلفه تقريبا للاثنين 500 جنيه
اما عن العلامه اللى فى الجنط فا دى للاسف هادوخ عليها احنا لقيناها عند بتوع الكاوتش اللى بيظبطوا الكاوتش ويلحموا

انا اول مرة اسمع عن حساس بنزين ممكن حضرتك يكون قصدك على حاجة تانية

**sheeni** · 07-06-2011 08:44 AM

العيب عندك فى حساس البنزين والكمبيوتر المفروض انك تغيرهم
التكلفه تقريبا للاثنين 500 جنيه
اما عن العلامه اللى فى الجنط فا دى للاسف هادوخ عليها احنا لقيناها عند بتوع الكاوتش اللى بيظبطوا الكاوتش ويلحموا

مشكور يا غالى
أنت تقصد حساس البنزين المتركب على الشكمان اللى خارج من راس السلندر والمسئول عن صرف البنزين فى السيارة مظبوط ؟
ممكن تدلنى على محل أجد عنده عدادات ديجيتال أو ليزر أو كرستالة لموديل سيارتى وكمان لسيارة نوبيرا 1 وعلامة البريميوم كتابةً اللى تركب على الرفارف الأمامية وعلامة الداو كتابةً والتى تركب على الكبوت الخلفي
فى إنتظار ردك

**SAMEH_FOUAD** · 07-06-2011 06:09 PM

المشاركة الأصلية كتبت بواسطة sheeni

مشكور أخى الغالى
ممكن تدلنى على محل أجد عنده عدادات ديجيتال أو ليزر أو كرستالة لموديل سيارتى وكمان لسيارة نوبيرا 1 وعلامة البريميوم كتابةً اللى تركب على الرفارف الأمامية وعلامة الداو كتابةً والتى تركب على الكبوت الخلفي كمان لو ممكن تدلنى على محل أجد عنده الطاسات التى تركيب على الجنط والتى عليها علامة الداو علماً بأن مقاس عجل الحديد 15
فى إنتظار ردك

لو نزلت الحرفيين فى مدينة السلام هتلاقى كل اللى انت عايزة وهتلاقى كل مشتملاتها

وعموما اللى بيبقى راكب على الشكمان من فوق دة اسمة حساس اكسجين من حساس بنزين لان مافيش حاجة اسمها حساس بنزين غير اللى موجود فى التانك بيقيس مستوى البنزين فية

اكيد هو يقصد حساس الهواء

**alynubira** · 08-06-2011 12:10 AM

اسف على التاخير
انا اقصد بوابه البنزين مش الحساس معلش انا اسف
على فكره لو العربيه صوتها تمام مبتعلاش وتوطى يبقى البوابه سليمه واللى عايزه الكمبيوتر فقط وهو فى حدود 350 جنيه
روح الحرفيين ودور على كمبيوتر نوبيرا معاقين او بتاع الاوبترا هو معروف بكده هناك

**sheeni** · 08-06-2011 01:17 AM

المشاركة الأصلية كتبت بواسطة alynubira

اسف على التاخير
انا اقصد بوابه البنزين مش الحساس معلش انا اسف
على فكره لو العربيه صوتها تمام مبتعلاش وتوطى يبقى البوابه سليمه واللى عايزه الكمبيوتر فقط وهو فى حدود 350 جنيه
روح الحرفيين ودور على كمبيوتر نوبيرا معاقين او بتاع الاوبترا هو معروف بكده هناك

مساء الخير أخى ومشكور على الإهتمام

العربية بتوطى وتعلى فى البنزين عندما أكون ماشى بسرعة متوسطة وجيت عند الإشارة وكانت حمراء بخلى العربية ماشية باللإندفاع فبلاحظ إنها بتوطى وترجع لحالتها الطبيعية

ماذا تقصد ببوابة البنزين وأين تكون موجودة بالسيارة ؟

مع العلم إنى إشتريت طرمبة بنزين أصلية وجديدة

عندك فكرة عن العدادات الديجيتال أو الليزر ممكن فين أشتريها وكم سعرها ؟

**alynubira** · 08-06-2011 05:51 PM

المشاركة الأصلية كتبت بواسطة sheeni

مساء الخير أخى ومشكور على الإهتمام

العربية بتوطى وتعلى فى البنزين عندما أكون ماشى بسرعة متوسطة وجيت عند الإشارة وكانت حمراء بخلى العربية ماشية باللإندفاع فبلاحظ إنها بتوطى وترجع لحالتها الطبيعية

ماذا تقصد ببوابة البنزين وأين تكون موجودة بالسيارة ؟

مع العلم إنى إشتريت طرمبة بنزين أصلية وجديدة

عندك فكرة عن العدادات الديجيتال أو الليزر ممكن فين أشتريها وكم سعرها ؟

بوابه البنزين بتبقى فوق الموتور بعد سلك البنزين
وكده غالبا عندك عايز تغير البوابه
ممكن اجبلك واحده مع صاحبى تجربها الاول
وللاسف معنديش فكره عن العدادات الديجتال او الليزر بس رجاء لما تعرف ابقى قولى على الخاص حتى

**SAMEH_FOUAD** · 08-06-2011 07:13 PM

بوابة بحالها لية كل دة هية البوابة تتنظف جيدا بمزيل الصدأ wd-40 وتتظبط وتغير الجوان بتاعها وتنظف بلف الايدل وتتحط على جهاز كشف الاعطال تشيل ال errors وهتلاقى الدنيا بقت زى الفل

بالنسبة للعداد او ورقة العداد فاى واحد فى الحرفيين خاص بالحاجات دية هيعملهالك انت لو سالت اى ورشة هناك هتلاقى كتير يقولك على اماكن بيع الحاجات دية