الموضوع: ايه رايكوا فى الدايهاتسو شاريد ؟؟

المشاركة الأصلية كتبت بواسطة amr_azab

لو سمحتوا انا دي اول مشاركة ليا هنا وكنت محتاج استفسار ضروري بعد أذنكو
قدامي عربية شاريد موديل 97 سيدان
( تكييف - باور - سنتر - 4 زجاج كهرباء - مرايات كهرباء - أتوماتيك- فرش جلد ممتاز ) 1300 cc

الحالة العامة للعربية جيدة جدا ولسة كاشف علي الموتور عند الميكانيكي قالي الموتور كويس اوي
لكن اللاوتوماتك مكشفتش عليه لسه حروح لواحد بيشتغل في الاوتوماتك يكشفلي عليه
العربية كل اللي فيها خدوش في الاكصدام الامامي والخلفي وخرابيش خفيفة جدا في باقي العربية
دواخلها فابريقة وخوارجها فابريقة ماعدا الرفرف اللي قدام يمين والاكصدامات
العربية ماشية 67000 كم وحخلصها علي 30000 جنيه

هل لعربية دي كويسة كده وسعرها كويس ولا ايه ؟
وبالنسبة لقطع غيارها برده ايه لكلام ؟

مع العلم انا مقيم بالآسكندرية ولو قطع الغيار غالية شوية مش مشكلة اهم حاجة انها تبقي موجودة في اسكندرية

أرجو الافادة والرد السريع لآهل الخبرة وأسف اني طولت عليكم
جزاكم الله خيرا

الشاريد في إسكندرية حاجتها صعبه قويييييي..وأي حاجه مش هتلاقيها عند علي نجم في إسكندرية ..يبقى ما تدورش عليها كتير ..وحاول تشوف بلد تانيه تدور فيها ..أعرف ناس طلع عينها عشان تلاقي ليها قاعدة موتور ..ومش لاقيين ..وأعرف ناس مش لاقيين مكن ليها ..عشان المكن بتاعها عليه طلب وبياخدوه بتوع العربيه الجيلي الفروته الصيني ..موضوع المكن اللي مش لاقيينه بسهوله ده عرفته من خلال مشاركات المنتدى هنا ..وموضوع قواعد الموتور ده كان من خلال واحد أعرفه ومن خلال مشاركه برضه في المنتدى هنا ..هي عربيه كويسه ..بس شأنها شأن الديهاتسو كله ..مظلوم في قطع غياره