الموضوع: ايه رايكوا فى الدايهاتسو شاريد ؟؟

السلام عليكم

طبعا بالنسبة لحد عايز يشترى عربية لاول مرة ومستعملة وعايزاها اتوماتيك عشان مش عايزة اتعب فى السواقة فطبعا محتااااارة حيرة السنين ومش عارفة اعمل اي :((

المهم انى لاقيت اقل عربية اتوماتيك فى حدود المبلغ اللى معايا هى الدايهاتسو شاريد

ايه اهم عيوب ومميزات العربية دى ومحدش يقولى نقص قطع الغيار بس .. انا مش هغير كل حاجة فى العربية يوميا يعنى .. لو قطع الغيار غالية وفى المقابل عربية كويسة اتوماتيك بالسعر دة انا موافقة

فى انتظار ردودكوا

المشاركة الأصلية كتبت بواسطة mohamed_rhem

احم احم

في حد بيتكلم عن الشاريد

طيب اللي بيسأل بيسأل عن موديل ايه و ياريت تفاصيل اكتر علشان اقدر افيده

زي مثلا الحالة العامه رشه كذا

حالة الموتور عامل عمرة نص عمرة العربية ماشية كام الف كم

لو موديل من 90 - 93 1300 سى سى والحالة اكيد جيدة مش هاخد العربية الا لو كان الماتور كويس سواء معموله عمرة او حالته جيدة
لكن انا شرط اساسى جدا بالنسبة لى الباور سترينج والتكييف
فطبعا عشان موضوع التكييف مش راضية اجيبها 1000 سى سى عشان يبقى ادائها احسن
انا بسأل بشكل عام على العربية لو اتوماتيك بالنسبة لحد اول مرة يسوق ومش عايز السواقة او العربية عامة تبقى عبء عليه بالعكس عايزاها تبقى وسيلة تسهل الامور ومشيلش همها

السعر هيكون من 20 - 25 مش هاخدها طبعا باكتر من كدة
فياريت حضرتك تقولى كل شىء يفيدنى لو عايزة اشترى العربية دى ومشكور جدا مقدما