ايه رايكوا فى الدايهاتسو شاريد ؟؟

**Marwa_2011** · 05-06-2011 09:21 PM

mohamed_rhem

حضرتك كنت شاريد وبعدين جيبت سيريون دة معناه انك ارتحت جدا للدايهاتسو صح ؟

**mohamed_rhem** · 06-06-2011 11:14 AM

المشاركة الأصلية كتبت بواسطة xman103666

انا بصراحة نفسى اعرف كل شى عن الشارد عيوبها ومزايها لانى برده حيران جدا فى شراء العربية ديه ولا لا ومشعارف ارسى على حل ارجوكم افيدونى

بص يا سيدي العربية بسم الله ما شاء الله مفيهاش اي مشاكل [gdwl]غير مشاكل الفئه ده يعني [/gdwl]

العربيه كراسيها مش مريحه في السفر الطويل اصل انا بسافر مسافات من 500 الي 900 كم

الشنطه ضيقه علشان هاتشباك وطبعا قاعدة العجلات صغيرة وده مبيدهاش ثبات بعد ال 130 كم

وفراملها طبعا مش زي الجديد

ده مجمل المشاكل اللي ممكن تقابلها في الفئه ده سواء شاريد او سويفت هاتشباك او هوندا او اسكودا

اللي هي موديلات التسعينات

اما بخصوص قطع الغيار والصيانه فمتشلش هم متوافرة ولكن عند قله يعني مش منتشر زي الفيات

المشاركة الأصلية كتبت بواسطة marwa_2011

لو موديل من 90 - 93 1300 سى سى والحالة اكيد جيدة مش هاخد العربية الا لو كان الماتور كويس سواء معموله عمرة او حالته جيدة
لكن انا شرط اساسى جدا بالنسبة لى الباور سترينج والتكييف
فطبعا عشان موضوع التكييف مش راضية اجيبها 1000 سى سى عشان يبقى ادائها احسن
انا بسأل بشكل عام على العربية لو اتوماتيك بالنسبة لحد اول مرة يسوق ومش عايز السواقة او العربية عامة تبقى عبء عليه بالعكس عايزاها تبقى وسيلة تسهل الامور ومشيلش همها

السعر هيكون من 20 - 25 مش هاخدها طبعا باكتر من كدة
فياريت حضرتك تقولى كل شىء يفيدنى لو عايزة اشترى العربية دى ومشكور جدا مقدما

العربية تبقي تمام لو كانت 1300 مكيفه بلاش ال 1000 وان كنت افضل المانيوال لكثرة اعطال الاتوماتيك خصوصا في القديم

المشاركة الأصلية كتبت بواسطة marwa_2011

mohamed_rhem

حضرتك كنت شاريد وبعدين جيبت سيريون دة معناه انك ارتحت جدا للدايهاتسو صح ؟

انا بعشق ديهاتسو واصحابي هنا بصراحه الشاريد شالتني رغم اني كنت بتعامل معاها بخشونه وده اللي خلاني
اما اشتري زيرو مخرجش برها

علي فكرة انا ركبت عربيات كتير وبقالي اكتر من 15 سنه بسوق ومفيش حته في مصر موصلتهاش بالعربية

**xman103666** · 08-06-2011 03:24 AM

المشاركة الأصلية كتبت بواسطة marwa_2011

mohamed_rhem

بالنسبة لكتر اعطال الاتوماتيك القديم مش لو كشفت عليها كويس واشتريت عربية حالتها جيدة من كله يبقى تمام ؟؟ وكمان مش هجيبها 1000 سى سى هجيب الـ 1300 ,, اصل انا فى السواقة المانيوال مش قد كدة وكمان انا عمرى ما هسافر بيها ومشوار الشغل بتاعى نص ساعة او ساعة الا ربع بالكتير جوا القاهرة وخروجاتى قليلة وجوا القاهرة برضه يعنى مش ههلك العربية خالص تحركاتى قليلة جدا وايه مشكلة الفرامل ؟؟

والله ان شايف 1000 مع واحد صحبى زى الفل بس انا خايف يكون حظه وتكون العربية عموما مش كويسة وكنت حابب ان حد من الاخوة يقلنا كلام وافى عنها مزايا وعيوب وقطع غيار وكل شى عنها خصوصا انها اتوماتك وسعرها معقول

**mohamed_rhem** · 08-06-2011 10:36 AM

المشاركة الأصلية كتبت بواسطة xman103666

والله ان شايف 1000 مع واحد صحبى زى الفل بس انا خايف يكون حظه وتكون العربية عموما مش كويسة وكنت حابب ان حد من الاخوة يقلنا كلام وافى عنها مزايا وعيوب وقطع غيار وكل شى عنها خصوصا انها اتوماتك وسعرها معقول

هو حضرتك معاك شاريد مانيوال انا شايف في البروفيل بتاعك انك من ملاكها

العملية ببساطه الاتوماتيك في القديم ملهوش مقاييس

فضلا عن عربية عليها تكييف وتكنولوجيا كربراتير

ده اللي يخليها بطه بلدي عرجاء في السحب والتسارع والسرعة القصوي

لكن لها استخدامتها برضه يعني لو واحده وغالبا محدش بيركب معاها وميهمهاش التسارع ولا السحب يبقي

صفقه رابحة شرط تكشف علي اللاوتوماتيك والتكييف كويس

تحياتي للجميع

**mohamed_rhem** · 08-06-2011 10:43 AM

المشاركة الأصلية كتبت بواسطة marwa_2011

mohamed_rhem

بالنسبة لكتر اعطال الاتوماتيك القديم مش [gdwl]لو كشفت عليها كويس واشتريت عربية حالتها جيدة من كله يبقى تمام[/gdwl] ؟؟ و[gdwl]كمان مش هجيبها 1000 سى سى هجيب الـ 1300[/gdwl] ,, اصل انا فى السواقة المانيوال مش قد كدة وكمان انا عمرى ما هسافر بيها ومشوار الشغل بتاعى نص ساعة او ساعة الا ربع بالكتير جوا القاهرة وخروجاتى قليلة وجوا القاهرة برضه يعنى مش ههلك العربية خالص تحركاتى قليلة جدا [gdwl]وايه مشكلة الفرامل[/gdwl] ؟؟

طبعا لو اتكشف عليها كويس كله حيبقي تمام ان شاء الله

تمام متشتريش ال 1000 اتوماتيك ولا بنص الثمن

ومفيش مشكله لو روحتي بيها اسوان كمان انا عملت بالشاريد ال 1000 مانيوال 900 كم في قاعدة واحدة في 12 ساعة سواقه متواصله

المشكلة ان السيرفو ضعيف خصوصا مع التكييف المشكلة ده في اغلب العربيات الصغيرة حتي السيريون1 بس النسبة

بتتفاوت يعني هي ملحوظه في السيريون لكن مش مؤثرة بالدرجه

لكن في الشاريد بحس بتأثيرها خصوصا وانا مش بسيب مسافة للامان قدامي

**mohamed_rhem** · 12-06-2011 03:45 PM

المشاركة الأصلية كتبت بواسطة Marwa_2011

[gdwl]هو ايه السيرفو دة [/gdwl]؟
وهل بيبقى ضعيف فى الـ 1300 سى سى كمان ؟؟

هي فين الفرامل

السيرفو ده عبارة عن علبة صاج اشبه بنص بطيخة وبيبقي فيها الماستر العمومي اللي بدوره بيغذي المساتر الفرعية

لكل عجله ماستر

السيرفو بياخد هواء من الموتور وفي وصله للتكييف فبيقل الهواء اللي داخل للسيرفو

وده اللي يفسرلك عدم استجابة الفرامل سريعا لو المحرك توقف عن العمل فجأة وتحسي ان العربية محتاجه مسافة

ومجهود اكتر للتوقف

فرامل 1300 اقوي لان السيرفو اكبر

**Amr_Azab** · 17-07-2011 12:15 PM

لو سمحتوا انا دي اول مشاركة ليا هنا وكنت محتاج استفسار ضروري بعد أذنكو
قدامي عربية شاريد موديل 97 سيدان
( تكييف - باور - سنتر - 4 زجاج كهرباء - مرايات كهرباء - أتوماتيك- فرش جلد ممتاز ) 1300 cc

الحالة العامة للعربية جيدة جدا ولسة كاشف علي الموتور عند الميكانيكي قالي الموتور كويس اوي
لكن اللاوتوماتك مكشفتش عليه لسه حروح لواحد بيشتغل في الاوتوماتك يكشفلي عليه
العربية كل اللي فيها خدوش في الاكصدام الامامي والخلفي وخرابيش خفيفة جدا في باقي العربية
دواخلها فابريقة وخوارجها فابريقة ماعدا الرفرف اللي قدام يمين والاكصدامات
العربية ماشية 67000 كم وحخلصها علي 30000 جنيه

هل لعربية دي كويسة كده وسعرها كويس ولا ايه ؟
وبالنسبة لقطع غيارها برده ايه لكلام ؟

مع العلم انا مقيم بالآسكندرية ولو قطع الغيار غالية شوية مش مشكلة اهم حاجة انها تبقي موجودة في اسكندرية

أرجو الافادة والرد السريع لآهل الخبرة وأسف اني طولت عليكم
جزاكم الله خيرا

**mohamed_rhem** · 17-07-2011 05:17 PM

المشاركة الأصلية كتبت بواسطة amr_azab

لو سمحتوا انا دي اول مشاركة ليا هنا وكنت محتاج استفسار ضروري بعد أذنكو
قدامي عربية شاريد موديل 97 سيدان
( تكييف - باور - سنتر - 4 زجاج كهرباء - مرايات كهرباء - أتوماتيك- فرش جلد ممتاز ) 1300 cc

الحالة العامة للعربية جيدة جدا ولسة كاشف علي الموتور عند الميكانيكي قالي الموتور كويس اوي
لكن اللاوتوماتك مكشفتش عليه لسه حروح لواحد بيشتغل في الاوتوماتك يكشفلي عليه
العربية كل اللي فيها خدوش في الاكصدام الامامي والخلفي وخرابيش خفيفة جدا في باقي العربية
دواخلها فابريقة وخوارجها فابريقة ماعدا الرفرف اللي قدام يمين والاكصدامات
العربية ماشية 67000 كم وحخلصها علي 30000 جنيه

هل لعربية دي كويسة كده وسعرها كويس ولا ايه ؟
وبالنسبة لقطع غيارها برده ايه لكلام ؟

مع العلم انا مقيم بالآسكندرية ولو قطع الغيار غالية شوية مش مشكلة اهم حاجة انها تبقي موجودة في اسكندرية

أرجو الافادة والرد السريع لآهل الخبرة وأسف اني طولت عليكم
جزاكم الله خيرا

تم الرد بواسطتي في الموضوع المنفصل

اسأل الله ان يوفقك للخير

الموضوع: ايه رايكوا فى الدايهاتسو شاريد ؟؟

LinkBack

أدوات الموضوع

عرض

-

-

-

-

-

المواضيع المتشابهه

ايه رايكم فى الدايهاتسو شاريد 2007 قبل ماشترى؟ ياريت الرد بسرعه ياجدعان

فتيس الدايهاتسو شاريد الاوتوماتيك وبعض قطع الغيار الخاصة بها اجيبها منين وبكام؟؟؟؟؟؟؟

حد شاف الدايهاتسو دي قبل كدة؟؟

تكييف الدايهاتسو

السوزوكي ألتو و الدايهاتسو شاريد

الكلمات الدلالية لهذا الموضوع

المفضلات

المفضلات

ضوابط المشاركة