الموضوع: ظاهره السيارات النصين احذر فقد تكون سيارتك مــلــحومــــة !!!

المشاركة الأصلية كتبت بواسطة tiktaktok2008

بلاش حضرتك تساوي الناس ببعضها لأنك متعرفش ظروف كل واحد وعلي فكرة بما ان العربية ملكية خاصة يبقى من حقك تعمل فيها الللي انت عايزه بدام مش بتأذي أي حد من اللي حواليك
ملكية خااااااااااصة يا جدعاااااااان أزاي في المرور مش فاهمين الحكاية دي

السلام عليكم و رحمة الله و بركاته

أنا آسف للخروج من الموضوع, بس أنت فكرتنى بحكاية ملكية خاصة دى.

فى كندا , العربية بيكون تقريبا عليها نمر من ورا بس و مفيش أودام, أو يمكن ده كان فى المقاطعة اللى أنا كنت فيها Saskatchewan و كان فيه Option أنك ممكن تضيف اسمك الأول أو جزء منه للوحة بمقابل مادى, لأن أنا شفت عربية, نمرتها مكتوب عليها -غير بيانات اللوحة- كلمة DEB, فاللى كان معايا, قاللى على الحكاية دى و يومها قاللى ممكن تلاقى صاحبة العربية دى اسمها Debora مثلا.

أنا شمعت أن منصور العيسوى لو جبناله 85 مليون توقيع, ممكن يوافق على الفاميه الغير معتم .

المشاركة الأصلية كتبت بواسطة wassof

طيب والناس الغلابة امثالي يعني اروح بي الجولف 2 التوكيل التوكيل هيرفض دخول السيارة اصلآ
ما لزم نعرف برضة العربيات القديمة ايه موقفها يعني مش معقول واحد يبقا معاه عربية قديمة موديل ال80 يروح يقف جمب البي ام 745 مثلآ اولآ ان العربية لو اكتشف انها سليمة مش هيخرج من التوكيل مبسوط هيبقا خارج مخنوق ومحبط
كفاية انه شاف حاجة وابشن وشكل تاني خالص

السلام عليكم و رحمة الله و بركاته

أنا من رأيى فى الحالة دى, أنه يروح لأى مكان معتمد و ثقة للكشف و يخلى الفنى يكشف عالعربية و يتأكدله من حكاية أنها مش نصين دى و خاصة فى العربيات الجديدة و الغالية.

يا جماعة الحكاية منتشرة أكثر فى العربيات غالية الثمن والمستورده استعمال الخارج بس مش معنى كده إن كل العربيات ملحومة طبعا الغش فى المجال ده كتير لخراب الذمم إلا من رحم ربى

من اكثر العربيات اللى بيتعمل فيها الموضوع ده العربيات الكابورليه زى الجولف رابت و2 و3 والبى ام دول اكثر الأنواع اللى بيتم فيهم موضوع اللحام
وعلى فكره العربيات دى بالذات ما بتترخصش الا فى مرور الدراسه عشان يخضوعها لجهاز كشف اللحمات باليزر

المشاركة الأصلية كتبت بواسطة beckeryahia

انا شايف ان الموضوع اسهل من كده بكتيير...............

ولو شكييت في عربية اوي مفيش مانع من افتعال خربوش صغير في الحتة اللي انت شاكك فيها ولو لقيت البوهية ليها عمق اكتر من 2 مل يبقي دي مرشوشه 100% ,
واخر حاجة اثناء تجربو السياره تحاول تحش في مطبات كتير وتركز مع العربية لضدور اي اصوات من الشاسية او بيبان العربية او الزجاج او صوت جامد من العفشة , وبعد كده تجري بيها علي 100 او 120 وتحاول تلعب بيها يمين وشمال وتاكل مطباط هواء وتاكل مطبات من جنب وجنب لا , لو العربية فيها اي حاجة لازم هاتحس .................

السلام عليكم و رحمة الله و بركاته

كلام جميل و ممتاز جدا, بس مين التاجر ابن الحلال أوى ده, اللى هيسيبك تعمل كووووووووووووول الحاجات دى فى عربيته و بعد كده, يا تشترى يا متشتريش.

أنا من رأيى أن أصعب مكان ممكن تفحص فيه عربية, هيكون سوق السيارات بتاع مدينة نصر, لأنه من الصعب أنك تطلع واحد واقف بعربيته فى السوق و تاخده بره الاسوق عشان ترفع العربية و تفحصها و بعد كده يا تعجبك و تتفقوا عالسعر و تشترى ياماتعجبكش و تمشى, أنا لا زلت أرى أنه من الأفضل أن اللى بيشترى عربية يكون بره السوق, يعنى يدور فى اعلانات الجرايد أو الوسيط أو النت أو يوصى سمسار, لأن بكده هيكون عنده حرية أكتر أنه يرفع العربية و يفحصها زى ماهو عايز.

و ربنا ييسر الأمور و يبعد عنا ولاد الحرام الteeeeeeeeeet .