لو حد خبطني ؟

**gaaz** · 03-06-2011 02:40 PM

اتصرف ازاي لو حد خبطني وكان هو غلطان
او لو انا خبطت حد وانا غلطان ؟

**mmffor** · 03-06-2011 02:54 PM

ملهاش حل
الناس كلها حتفتي و اللي يقولك متسيبهوش و اللي يقولك استعوض ربنا
قانونيا ملهاش حل
لو انت فتوة و بلطجي (و مسلح جيدا حاليا ) حتاخد حقك - لو انت طيب و غلبان مش حتاخد شلن
و نفس الحالة لو انت اللي غلطان - لو اللي انت خبطته بلطجي حياخد حقه - لو غلبان حيستعوض ربنا
الكلام ده مش دلوقتي فقط - بل منذ ان اخترعت السيارات في مصر - بس حاليا المواقف اكثر دموية شوية

نصيحة اخيره - لو واحد خبطك متقفش و تشوف في ايه - في عصابات حاليا بيخبطك قاصد و تنزل يقوموا يثبتوك و يسرقوا سيارتك - الكلام ده بيحصل في اي حته حتى لو زحمة و في اي وقت

**gaaz** · 03-06-2011 03:17 PM

يانهار اسود
دنا واحد خبطني من شوية سواق مشروع عند مكتبة اسكندرية ونزلت مسكت فيه في الاخر الناس فضلت تقولي استعوض الله وخلاص ومش عارف ايه
وهو كان بلطجي وقالي اللي عندك خد النمرة وابقى اعمل اللي انت عايزه
يعني ايه ؟ هي الدنيا بقت كده ؟ هو ايه مفيش حكومة في البلد ؟ كل واحد ياخد حقة بدراعه ؟ هي كده يعني ؟

**M_Marwan** · 03-06-2011 03:27 PM

أهم حاجه لو مأمن على العربيه تروح تعمل محضر فى القسم التابع للمنطقه أيلى أتخبط فيها

**gaaz** · 03-06-2011 03:38 PM

المخضر بيتعمل ازاي ؟
ولو مش مأمن ؟

**mmffor** · 03-06-2011 03:46 PM

لو مأمن - شركة التأمين حتصلح عربيتك بس لازم محضر
لو مش مأمن روح اعمل محضر برضة برقم العربية و نوعها
غالبا المحضر حيتحفظ
و لو مشي قانوني و متحفظش بيتعمل مخالفة ب 50 جنيه بيدفعها و هو بيجدد رخصة العربية
الحل الاخير انك تصور الخبطة و تعمل المحضر و توكل محامي ترفع قضية تعويض
بس حتدفع كتير و حتاخد وقت طويل و يا تصيب يا تخيب - يفضل طبعا يكون معاك شهود في الحالة دي

**gaaz** · 03-06-2011 05:09 PM

يعني الاجراءات اللي المفروض اعملها في ساعتها ؟ ايه ؟ اعمل ايه ؟
اسيبو يمشي؟ ولا ايه ؟

**elrasy** · 03-06-2011 05:31 PM

اتمنى ان شاء الله قريبا اللى يحصل يكون زى دول الخليج
فى حالة الصدام بيجى ظابط مرور ويكتب تقريرة وبعدين شركة التأمين بتدفع الاصلاح للجانى والضحية

**gaaz** · 03-06-2011 05:33 PM

انا كرهت البلد دي والله
يابلد سواقين المشروع والتاكسجية والطيب فيها يضرب على افاه
يارب طلعني من البلد دي
يارب استجب
يارب استجب

**megaman** · 03-06-2011 05:37 PM

بص يا باشا لو اللى خبطك شكله ابن ناس وحتعرف تتفاهم معاه انزل اتفاهم معاه وحاول تقنعه انه غلطان وانه ملزم بالتصليح ممكن يقتنع ويصلح او يتفاوض معاك فى الاصلاح النص بالنص او مجرد مشاركه على حسب نوع الخطأ اللى هو عمله ده اذا اعترف بيه لو لم يعترف او رفض الدفع تتركه لضميره وتقوله مش مسامح وتسيبه وتمشى خاصة لو التكاليف فى استطاعتك اوعى تبلطج او تشتم او تزعق ولو هو عمل كده لان فى ناس بتعمل نظام خدوهم بالصوت متنزلش مستواك للتشابك بالايدى والارجل وسب الاب والام وسيبه وامشى واستعوض ربنا اما لو الغلطان سواق تاكس او ميكروباص برضه نفس الاسلوب وانهى الموقف بسرعه وخلى بالك اوى لا العربيه تتسرق منك اذا كانوا كذا واحد او المنطقه مقطوعه ما تنزلش من عربيتك وامشى فورا وربك يسترها

الموضوع: لو حد خبطني ؟

LinkBack

أدوات الموضوع

عرض

-

-

-

-

-

المواضيع المتشابهه

خبطني و كمان عاوز يضربني :((

ميكروباص خبطني و جري :(

الميكروباص خبطني وجري وخدت حقي

واحد خبطني وجري... اعمل ايه؟؟؟

عملت حدثه و حسبي الله و نعم الوكيل في الي خبطني

الكلمات الدلالية لهذا الموضوع

المفضلات

المفضلات

ضوابط المشاركة