الموضوع: السفر الى تركياااااااااااا

اسعار السفر بترخص .... تقريبا السفر بالاقامة في حدود 3500 و ممكن اقل .... لو عاوز تعمل برنامج للرحلات ممكن تظبطه من مصر او لما تسافر عن طريق شركة الساحة اللي هناك .. الرحلات هناك
-يوم تلة العرايس ومعاها مضيق البسفور
- الجبل الكبير و بورصة
-يوم توب كابي و السوق القديم
و فيه حاجات تانيه بس انا متلعطش غير دول
هناك مبيتكلموش انجليزي الا نادرا بس التفاهم سهل و فرصتك انك تلاقي حد بيتكلم عربي اكتر
الليرة تقريبا ب 4 جنيه و الاسعار هناك زي مصر بس من غير تحويل العملة يعني ساندوتش الشاورمة ب2 -3 ليرة القهوة و الشاي ب1-2 ليرة ممكن اكلة في مطعم ممكن تكلفك من 15-50 ليرة حسب نوع المطعم ... يعني لو عاوز تظبط مصاريفك شوف انت بتصرف في مصر كام في اليوم ..... هيبقيي زيهم ليرة و اضرب في فرق العملة
التاكسي ليه تعرفة الصبح و تعرفة بالليل
عادة الفندق بيكون في وسط البلد عند ميدان الاستقلال .... بس حاول تسال علي فندق اسمه يورو بلازا 10 دقائق من ميدان الاستقلال لان الفنادق اللي جوة الميدان مزعجة
و يا رب تتبسط هناك و ربنا يوفقك

متشكر جداا جداا لردك بس معقولة 3500 بس ؟؟؟؟؟؟؟ سفر واقامة ؟؟ انا ان شاء الله ناوى ان السفر يكون استقلالى شوية (مش بخل والله بس علشان احس بالسفر وقيمة المكان الى انا فية) بمعنى انى هانزل من المطار واحجز فى فندق هناك سواء من هنا على النت او من اى شركة سياحية هنا او هناك والانتقالات والمزارات والاكل وكدة هاخليها بمعرفتى علشان احس بالمدينة اما شركات السياحة باحس انها بتبوظ معنى الرحلة انك تنزل من المطار على الباص على الفندق على العربية على المطعم على العربية على المزار على الفندق حاجة ملل اما لما تنزل وتمشى على رجليك وتسال ومرة تاكسى ومرة مترو ومرة باص هايكون ليها طعم تانى بس متشكر جدا لحضرتك هاشوف وان شاء الله اروحها قرريب بس عايز اتأكد من الاسعار انا خاسس ان 3500 دى قليلة جدااااا دى ماتجيش اسبوع فى اسكندرية مش شرم مثلا

انا من كام يوم كنت ترانزيت فى مطار اسطنبول وعجبنى جدا المطار منظم وراقى

وعجبى اكتر ان فى قائمة للدول اللى بتحتاج فيزا لتركيا وملقتيش مصر فى القائمة رغم ان موجود السعودية والكويت وامريكا ودول اوربية كتير ( حاجة مشرفة)

انا اعرف ان كان الرئيس جول وعد بالغاء التاشيره للمصريين
ارجو التاكد من صحه خبر الغاء التاشيره
انا في المانيا ونفسي ازور اسطانبول بس مكسل اقدم غلي الفيزا
لو مفيش فيزا الواحد يخطف رجله
الطيران من هنا ب 50 يورو

متشكر جداا جداا لردك بس معقولة 3500 بس ؟؟؟؟؟؟؟ سفر واقامة ؟؟ انا ان شاء الله ناوى ان السفر يكون استقلالى شوية (مش بخل والله بس علشان احس بالسفر وقيمة المكان الى انا فية) بمعنى انى هانزل من المطار واحجز فى فندق هناك سواء من هنا على النت او من اى شركة سياحية هنا او هناك والانتقالات والمزارات والاكل وكدة هاخليها بمعرفتى علشان احس بالمدينة اما شركات السياحة باحس انها بتبوظ معنى الرحلة انك تنزل من المطار على الباص على الفندق على العربية على المطعم على العربية على المزار على الفندق حاجة ملل اما لما تنزل وتمشى على رجليك وتسال ومرة تاكسى ومرة مترو ومرة باص هايكون ليها طعم تانى بس متشكر جدا لحضرتك هاشوف وان شاء الله اروحها قرريب بس عايز اتأكد من الاسعار انا خاسس ان 3500 دى قليلة جدااااا دى ماتجيش اسبوع فى اسكندرية مش شرم مثلا

أنا بأيدك بشدة فى ده ، الأحلى فعلا لما تتجول مع نفسك وتشوف الناس وتتكلم معاهم وتتعرف على ثقافتهم ، ونحتك بيهم ويحصلك مواقف وما الى ذلك

بجد متشكر جداااا ليكم ان شاء الله هاروح قريب وهاقولكم قبلها وصحيح موضوع التأشيرة دة انا سالت فية وبعت ايميل لحطوط الطيران التركية (مش عارف لية )ههههه وردوا ان مش محتاج فيزا او تأشيرة بمعنى الكلمة من المطار هناك تقريبا بادفع رسوم دخول البلد الى (450ج) ورسوم خروج وانا ماشى (300ج) بس :)

وعرفت كمان ان الاسعار بتاعة السكن والاماكن السياحية والطيرات بتنزل بنسبة 60% :70% فى الموسم الشتوى
انا ماكنتش مصدق كدة الاول بس دخلت على مصر للطيران والخطوط التركية وشفت التذاكر وبتكون نفس الدرجة بس الشتاء 1200 ذهاب وعودة والصيف بتوصل ل 3000 وفية اقل واكتر




فوزى هههههههههههههههههههههه حبيبى حاضر والله اول ما اعرف المعاد امتى هاقولك قبلها اول واحد ان شاء الله

شكرا بجد ليكم كلكم

samehafez

tarekomar66

mohamedbook

elrasy

araberphilosoph

م/مصطفى محمود