مشكلة علبة الدركسيون

**yasminace** · 15-06-2011 01:42 PM

إن شاء الله خير و احنا هنحاول بكل الطرق اننا نجب حقنا مفش مانع نجرب أي طريق خير

**yasminace** · 16-06-2011 01:24 PM

المشاركة الأصلية كتبت بواسطة mohmmed_yuosse

أنا بعت أكتر من مرة شكوى و يا ريت كلنا نكلم حماية المستهلك و نبعت شكوى لدايهاتسو و لازم نكون كتير علشان يعرفو إن دي مشكلة عند ناس كتير مش عند واحد أو اتنين بس
أنا عرفة إن إحتمال تفتكروني بتاعة مشاكل و مكبرة الموضوع بس أنا فعلاً فكرت أبيع العربية و أريح دماغي بس أنا حتى دي مش عرفة اعملها لاني كدة بكل بساطة هخلي واحد تاني يدعي عليا كل ما يركب العربية يعني حتى اني أبعها مش عرفة
شكراً و اسفة على ازعاجكم و لو حصل معايا أي جديد أكيد هدخل أقولكم

**rzeiny** · 16-06-2011 05:23 PM

يا جماعة انا عندي استفسار ليه الشركة مبتحلش الموضوع من المنبع اصل الحكاية مش تغيير علبة لانه حيغيرها بعلبة فيها نفس المشكلة وهم مشكورين بيغيروها في الضمان لكن بعد الضمان نعمل ايه يعني انا عامل 46000 كلم ولسة ظاهر العيب عندي لكن في ناس ممكن يظهر عنده العيب بعد الضمان وذلك لقلة استخدامه للسيارة فأنا شايف ان الحل انهم يصلحوا العيب من اليابان ويبعتوا علب سليمة وخالية من العيب ده + انهم يصلحوا هذا العيب حتى بعد الضمان مادام انه عيب تصنيع مزمن

**yasminace** · 16-06-2011 08:26 PM

ماهو دة إلي احنا بنطلبو في الشكوى و في حالات لعربيات كتير نزلت بعيب و لما بعتو شكوى و وصل صوتهم المشكلة إتحلت من جذورها و إن شاء الله نعرف نعمل كدة و نصلح العربيات
حضرتك أنا عملة بعربتي 50000 و مغيرة علبة الدركسيون 4 مرات و أخر مرة من شهر ولما رحت التوكيل بعد اسبوعين من تغيرها لاني حسيت إن العلبة بدأت تبوظ فعلاً طلع معايا المهندس و قالي هي فعلاً 10% بايظة بس مش هقدر أغيرهالك غير لما تبوظ خالص فقلتلو إن أنا هخرج في خلال أيام من الضمان طبعاً قالي لما تبوظ ربنا يحلها متقلقيش
طبعاً حتى لو غيرها بعد الضمان دة مش حل احنا فعلاً عايزين حل غير اننا كل كام شهر نغير علبة و علشان كدة بنبعت شكوى على اللينك إلي اتبعت بتاع دايهاتسو و نقدم شكوى في حماية المستهلك علشان لم نكون عدد كبير هيسمعولنا إن شاء الله

**rzeiny** · 17-06-2011 05:46 PM

تمام كده لان العربية دي فعلا ما شاء الله ممتازة واعتمادية جدا ماعدا العيب ده الي تعبنا كلنا

**mohamed_rhem** · 21-06-2011 11:55 AM

المشاركة الأصلية كتبت بواسطة yasminace

أنا اتكلمت مع خدمة العملاء أكتر من مرة و شرحتلهم المشكلة و رحت التوكيل و حاولت أتكلم في المشكلة ألي كلامي 16168 و قليلهم الشكوى و اتصلت و قلت و وعدوني برده بالنظر في الشكوى و محدش عبرني بعدها
دة غير إن مهندس الإستقبال كان رده عليا إن انتو عايزين إيه أكتر من اننا بنغيرها كل ما تحتاج تتغير طول ما انتو في الضمان و احمدو ربنا علشان في توكيل تاني مش بيعترف أصلاً بالمشكلة و مش بيغيرها حتى في الضمان

أنا بس بقول اني فعلاً حاولت أتكلم الأول من غير مشاكل بس كلامي كان من غير فائدة

انا كلمت خدمة العملاء وصعدت الموضوع

بس هما طلبوا ارقام شاسيهات سيارات غيرت العلبة اكتر من مرة

ممكن بس تبعتيلي رقم الشاسيه واي حد غيرها انهاردة ضروري علي الخاص

**mohamed_rhem** · 21-06-2011 04:45 PM

المشاركة الأصلية كتبت بواسطة yasminace

رقم الشاسيه ١٠٨٧٢٣٠

أنا التوكيل كلمني امبارح مرتين علشان الشكوى بتاعة حماية المستهلك و قلتلهم اني عايزة ورقت حفظ حق لعلبة الدركسيون إن دي عيب صناعة و انها لو باظت أي وقت بعد الضمان هتتصلح على حسابهم فقالي هيشوف الموضوع ده و إن د من حقي و هيرد عليا النهردة المفروض

بس ربنا معنا و مفيش حق بيضيع طول ما احنا بنطالب بيه إن شاء الله

انا كلمتهم وبكده يكون كلامي معاهم موثق

مش عارف ليه فكروني برد فعل مبارك ايام الثورة

دايما استجابتهم لا تعبر عن نبض الشارع

[gdwl]ربنا يكرم و نحصل علي حقنا المشروع[/gdwl]

**أبو عبدالله** · 26-06-2011 12:57 PM

المشاركة الأصلية كتبت بواسطة yasminace

مفيش أي أخبار جديدة ؟
التوكيل كلمني و كانو متضايقين جداً من الشكوى و من الموضوع إلي عملينو على nilemotors و واضح انهم متابعين معانا الموضوع ده لانهم كانو زعلانين جداً اننا بنسوأ سمعة التوكيل و عبد اللطيف جميل
أنا مش عايزة أسوأ سمعة حد أنا كل إلي عايزاة حفظ حق لكل إلي عنده عيب في عربيتو لاننا مالناش أي ذنب فيه و أرجو من كل واحد عنده مشكلة إنه يتكلم و يعمل شكوى للتوكيل و لحماية المستهلك علشان السكوت دة هيضيع حقنا كلنا أرجوكو حاولو تجيبو حقكو و تساعدونا نجيب حقنا

هيا المشكلة اني عرفت ان مفيش حلول غير انهم يغيروا علبة الدركسيون
والواحد غيرها حوالي اربع مرات لما زهقت من الموضوع ده خصوصا برضه ان الموضوع مش بيأثر على القيادة نفسها غير انه صوت في الحتت المكسرة
ياريت توضحي هما قالوا لحضرتك ايه بالظبط ومين اللي كلمك