الموضوع: وبدأنا فى مرحلة عمرة الصاج والبوية

المشاركة الأصلية كتبت بواسطة tananybasha

عربيتى فيكترا ايه
فرش الفابريكا زى ما هو
بس عايز رد بجد

ان شاء الله يا طنانى باشا لما اسافر اجيب الفرش من اللى طلبه لى من المصنع وده راجل وسيط تاجر بتاع فروشات موجود فى كفر الزيات واللى عرفنى عليه اقارب لى بيشتغلوا فى مهمنة السروجية وهو راجل محترم اسمه الاستاذ سعيد بيتعامل مع المصنع ده فى المنصورة بالتليفون بيتصل بيهم وبيحدد معاهم كل المواصفات زى ما قلتلك ماركة العربية والموديل وعنده جميع انواع الجلد والوانه بأرقام بيبلغهم برقم ولون ونوع الجلد وبيعرف منهم السعر وميعاد شحنه اللى بيجى عليه وانا عملت عنده فرش العربية القديمة كانت لادا كان ممتاز جدآ جدآ
الفيبر اللى كان فى الحشو سنتين معايا لغاية ما اتباعت مهبطش سنتى من مكانه مصنع محترم جدآ وبيحفظوا على سمعتهم التجارية جدآ علشان كده مطلوب قوى الفروشات بتاعتهم فى السوق
اسمه فرش مصنع الاستاذ فإذن الله لما استلمه من أ / سعيد اجيبلك رقمه او رقم المصنع اللى فى المنصورة زى ما قلى بعدين انا اتمنى اقدم اى خدمه ليك يا محمد يا حبيبى انت تأمر مش تتطلب

مبروك مقدما يا أ\مجدى على الفرش الجديد (القادم)
طمنى بئه على العربيه دلوقتى ايه اخبارها ووصلت لغاية فين فى الشغل فيها ورأيك الشخصى على الصنايعيه اللى هناك
وان شاء الله هحاول ارتب معاك بالموبايل على معاد اجيلك فى المطار عند العربيه وندردش شويه ونحاول نرتب لعربيتى بالمره
لو مفيهاش مدايقه ابعتلى رقمك على الخاص