الموضوع: الحقوني

المشاركة الأصلية كتبت بواسطة atrees

اية يا تافا :( - لية كدة


لا حول ولا قوة الا بالله - معلش - طيب انت متاكدة الموضوع مش الدينامو مثلا - قصدي انك غيرت البطارية - كنت كشفت علي الدينامو او البتاعة دي اللي اسمها بلاطة الشحن ( انا مش عارف دي اية )


عندك 3 حاجات تكشف عليها وتتاكد منها لان الموضوع حسب ما فهمت منك مش بيحصل علي طول

1- الدينامو ودائرة الشحن
2- البلاطة
3- اي توصيلات كهرباء بتهرب شحن - وممكن يكون حد في المنطقة بيلعب في البايك مثلا وبيفضي البطارية


عموما - انت عارف - لو حصلت معاك تاني في اي وقت كلمني اجيلك في اي حتة وادوره معاك - معايا وصلات شحن
اي وقت واي مكان يا مصطفي انت جمايلك مغرقاني


بجد اتصل بية وانا 10 دقايق وابقي عندك ان شاء الله

وطمني عملت اية

يا باشا تسلم والله حاجة غريبة
الكهربائي هو اللي قاس الشحن وقالي ركب بطارية نظيفة ابعد عن الصيني تاني يوم رحت اشتريت واحدة امريكي وكان كله تمام والحمد لله
بصراحة اتفاجأت
بس انا دلوقت ماشي بوصلة بطارية
لغاية لما اروح لكهربائي و هاكلم خالد النهاردة ان شاء الله واعرف منه فين الكهربائي
وياباشا لا جمايل ولا حاجة احنا اخوات
ونفسي نبقي جروب كبير
والنهاردة الصبح اتفاجأنا بموتوسيكل هوندا ماجنا 750 لونه احمر راكن تحت الشركة وطلع واحد معانا في الادارة اشتراه من عند صلاح اللي في عباس العقاد
هو شافنا معانا موتوسيكلات فعجبتو الفكرة واتفاجأنا بيه بس هو مجنون سواقة بيقول ان راح التجمع وكان بيشد مع واحد وهو جايب 160 قلتله احنا آخرنا في السفر 100 كم وداخل 60 وربنا يستر
وعايزين نتابع اخبارك
وعلي الخميس كده نخرج مع بعض
شد حيلك شوية
وتسلم لردك واهتمامك

المشاركة الأصلية كتبت بواسطة tito29

طيب هل عملت أختبار سحب للبطارية؟
حاقولك علي طريقة سهلة تكتشف هل فيه سحب للبطارية (و البايك مطفي) و لا لأ
أطفي البايك و شيل المفتاح خالص
فك الكبل السالب من البطارية
في مكان خافت الأضاءة لامس الكبل السالب بالقطب السالب للبطارية عل خفيف
لو وجدت شرز خفيف (ساعات بيكون ضعيف جدا) يبقي عندك سحب في البايك و ساعتها لازم تكشف كويس علي الضفيرة كلها (برضه حاشرحلك أزاي)
بس في الغالب مش دي المشكلة
أعتقد من شرح حضرتك أن بلاطة الشحن ضعيفة شوية و علشان تقطع الشك باليقين لازم تقيس الشحن بأفوميتر و سيبك من الميكانيكية خالص (الركيب المتمكن بيعمل كل حاجة بأيده) لو الأفوميتر أدالك 13 فيما فوق (بحد أقصي 15 ) من غير النور يبقي أنت في السليم و المفروض يديك من 11 الي 12.5 و النور شغال
أي قراءات أقل من كده يبقي لازم تشوف حل
وفي الغالب (أكتر من 95% ) بتكون الريكتفاير (بلاطة الشحن)

اولا : لما بشوف حضرتك بترد علي مشاركة ليا أو استفسار بكون فرحان و بكون مستمع جيد جدا وبقرأ الكلام مرة وأثنين وتلاتة وبكون مركز جدا
علشان اعا عارف اني باخد الكلام من شخصية فاهمة كويس جدا جدا وعارفة هيا بتقول ايه وقبل اي حاجة مجرب كل شيء
ثانيا : أقيس الشحن ازاي من انهي مكان في الموتوسيكل
ثالثا : انا بحترم كلام حضرتك جدا ومقدر اهتمامك
رابعا : انا عارف ان مفيش سحب من البطارية والموتوسيكل واقف لآنه بيدور الصبح علي طول
بس برده هاجرب الطريقة اللي حضرتك قلت عليها علشان اشوف برده لعل وعسي واهو الواحد يجرب حاجة جديدة
فعلا سعيد بمشاركتك ومبسوط لردك