استاذ سيف والله العظيم الرد عل كل كلامك وكل كلام من أباح الموسيقى موجود وبالأدلة الراجحة من القرآن والسنة وأقوال أكثر أهل العلم وانقله لحضرتك بس اهم من كده علشان الحوار يبقى مفيد حضرتك عن استعداد التراجع عن رأيك إذا ثبت أنه خطأ ؟
عرض للطباعة
استاذ سيف والله العظيم الرد عل كل كلامك وكل كلام من أباح الموسيقى موجود وبالأدلة الراجحة من القرآن والسنة وأقوال أكثر أهل العلم وانقله لحضرتك بس اهم من كده علشان الحوار يبقى مفيد حضرتك عن استعداد التراجع عن رأيك إذا ثبت أنه خطأ ؟
غريبه اوي خكايه اشتراط التسليم قبل عرض الدليل
اسف ان انا فهمت حضرتك غلط
وموضع التسليم ده عادي يعني
وهو يقال كده في السياق ده
يقال
اذا سلمنا بذلك
او
فسلم له بالمساله
وهلم جر
الموضوع مش موضع حرب يا باشا والله
اسف مره تانيه
طيب انا ليا تعليق على عموم الحوار في مسائل اصولية مهمة جدا في رأيي
اول نقطة و ده الاهم
ايه هي مصادر الاستدلال في الشرع
بمعنى هل كوني شفت شيخ عمل حاجة او قناة دينية عملت حاجة يبقى ده حلال .. طبعا لأ . يبقى لازم يكون ليا مصدر ارجع ليه
طيب مصادر الاستدلال المتفق عليها اربعة
1- الكتاب
2- السنة
3- الاجماع
4- القياس (في غير العقيدة)
يعني لو قلنا مثلا موضوع الغناء اللي الاعضاء اتكلموا عنه .. عشان اعرف حكمة اشوف دليل عليه من الكتاب -القرآن- او السنة او الاجماع .. لو مفيش لو مفيش ممكن اقيس على شيء وارد فيه دليل - و ان كان القياس مش مناسب هنا-
الكتاب و السنة طبعا الناس كلها عارفهم ان كان كتير مش عارف يعني ايه حديث .. و امتى اقبل الحديث ده و امتى ارده
لكن بدون تفصيل اجمع علماء الامة على صحة كل المتون الواردة في كتاب صحيح البخاري و مسلم
و الخلاف قديما كان على بعض الاسانيد
يعني الدار قطني و ابن حبان لما عابوا على البخاري و مسلم اخراج بعض الاحاديث لوراه ضعفاء مكنش اعتراضهم على المتن
انما كان على السند اللي فيه الراوي الضعيف انما مفيش اي خلاف على المتن
للتوضيح السند هو سلسلة الرجال الموصلة للمتن .. يعني عن فلا عن فلان ان رسول الله صلى الله عليه و سلم قال كذا و كذا
انما المتن هو كلام الرسول نفسه صلى الله عليه و سلم
و كان رد البخاري و مسلم على النقطة دي ان كون الراوي ضعيف مش معنى كده ان كل حديثه غلط
و مسلم كان رد على النقطة دي و قال : قلت صحيح .. و انما اخرجت من حديثه ما قد رواه الثقات
قصده يقول ان المتن صحيح و ما دام في ثقات قالوا الحديث يبقى الضعيف ده مغلطش في الروايه وان كان هو بيغلط كتير انما في ده لأ بدليل ان الثقات قالوا نفس الحديث
اللي الناس مش بتاخد بالها منه ديما هو الاجماع
الاجماع ده يعني كل العلماء في عصر معين اجمعوا على حكم معين
يعني في موضوع الغناء .. في عشرين عالم من القدماء نقلوا الاجماع على حرمة المعازف
خلي بالكم مش عشرين واحد حرموا المعازف .. لا ده عشرين كل واحد فيهم نقل اجماع علماء الامة على التحريم
YouTube - ‫ط§ظ„ط¥ط¬ظ…ط§ط¹ ط¹ظ„ظ‰ ط.ط±ظ…ط© ط§ظ„ظ…ط¹ط§ط²ظپ ط§ظ„ظ…ظˆط³ظٹظ‚ظ‰‬‎
طيب هل ممكن يكون كل العلماء دول غلط ؟؟
طبعا لأ لادلة اهمها قوله صلى الله عليه و سلم لا تجتمع امتي على ضلالة
يعني استحالة يجتمع علماء الامة على حكم و يكون غلط
تاني نقطة
هل العقل مصدر من مصادر الاستدلال
طبعا لأ .. حد هيرد عليا و يقولي ده العقل مناط التكليف و ربنا رفع القلم عن المجنون لانه معندوش عقل
اقوله .. العقل وسيلة لادراك مصادر الاستدلال و ليس مصدر مستقل
لو معندش عقل استحالة تفهم مصادر الاستدلال .. يعني علم اصول الحديث ده تقريبا 90% منه قواعد عقلية للتاكد من صحة الاحاديث و غيره كتير
عقل الانسان ناقص اصلا و العقول تتفاوت فكيف يكون العقل مصدر للاستدلال باختلاف عقول الناس؟؟
و اعتقد مفيش خلاف في النقطة دي
ثالث نقطة و المتعلقة بكلام الاعضاء و هي..
لو مسألة خلافية .. شيخ قال حرام و شيخ قال حلال .. آخد اللي على مزاجي ؟؟
نقلا عن الشيخ مصطفى محمد مدير معهد الدعاة بحلوان .. كان بيدرس لنا حديث في الاكاديمية الاسلامية قال كلام يكتب بماء الذهب فعلا..
بيقول طبعا لأ
لازم يكون ليك مبدأ في اختيار الرأي اللي هتاخد بيه و يكون هواك او مزاجك ملوش اي صفة في الموضوع
اسلم حل انك تاخد بالتحريم ... لان الموضوع عندك بقى شبهة و الاولى اجتنابها .. و لو طلعت بعد كده حلال ربنا مش هيحاسبك على ترك الحلال انما هيعاقبك على فعل الحرام
تاني حل ان تاخذ بقول الاوثق .. يعني يكون عندك شيخ او عالم ثقة بتاخد بقوله في كل المسائل و تشوف رأيه ايه في المسالة دي و تاخد بيه
ثالث حل انك تاخذ برأي الاكثر .. جمهور العلماء يعني .. رايهم ايه و تاخذ بيه .. لان الصواب اقرب الى الجماعة منه الى الفرد ( في الغالب)
انما كل مساله فيها خلاف آخد اللي على مزاجي يبقى هآخد الدين كله على مزاجي لان اكثر مسائل الفقه فيها خلاف
آخر حاجة احد الاعضاء بيقيس تحريم الحرير بانه حلال للنساء يبقى الزنا و خمر و المعازف حلال ليهم برضه
اباحة الحرير و الذهب للنساء ورد بدليل منفصل فيبطل القياس
(إِنَّ هَذَيْنِ حَرَامٌ عَلَى ذُكُورِ أُمَّتِي)
هذا ما أعلم و الله أعلى و أعلم
جزاكم الله خيرا
و السلام عليكم
من قال هذا الكلام؟اقتباس:
لكن بدون تفصيل اجمع علماء الامة على صحة كل المتون الواردة في كتاب صحيح البخاري و مسلم
وما رايك بحديث في البخاري عكسه تماما في مسلم ؟
ايضا من قال هذا الكلام؟اقتباس:
و الخلاف قديما كان على بعض الاسانيد
يعني الدار قطني و ابن حبان لما عابوا على البخاري و مسلم اخراج بعض الاحاديث لوراه ضعفاء مكنش اعتراضهم على المتن
انما كان على السند اللي فيه الراوي الضعيف انما مفيش اي خلاف على المتن
في علم الحديث المتن المنكر يضعف الحديث حتى لو سنده صحيح ورجاله ثقات
في نفس الوقت لا يمكن تصحيح متن بسند ضعيف
اما حديث المعازف في صحيح البخاري فهو معلق والمعلق جزءا من الضعيف
وتعريف المعلق هو حين يبدأ الامام البخاري الحديث ب (وقال فلان ...) بدلا من (حدثني فلان...)
واهل العلم وخصوصا علم الحديث يضعفون اي معلق مهما كان
الا ان البعض استثنى معلقات البخاري وجعلها صحيحة بدون دليل علمي وكأنهم اعلم من البخاري نفسه الذي كان يتعمد تعليق الحديث اذا شك فيه
استاذ m3_dolphen
اتمنى ان يكون ردك رد علمي حتى يستفيد منك القارئ
لكن اسلوب رد السؤال بسؤال فهذا رد من لا رد له
طبعا كل كلامى بإذن الله كلام علمى اتعلمته بفضل الله من مشايخى فى دروس العلم
وهذه محاولة يائسة منك لإيهام من يقرأ ردى عليك ان كلامى ليس صحيح ...
ولكنى اختصرت فى الرد لأن المنتدى ليس تخصصه فى علوم الحديث لكن الرد العلمى جاهز والحمد لله وبالأدلة
وبدلا من الإدعاءات التى تبثها لنا تكلم انت بأدلة علمية مع ذكر مصادرها حتى يكون كلامك موثق وليس مجرد ادعائات ومزاعم لا أساس لها من الصحة