الموضوع: خواطر و تساؤلات حول السلفيية و السلفيين ..

المشاركة الأصلية كتبت بواسطة seiffoz

تمام .. جيت للنقطة المناسبة ...

1- الموسيقى و الغناء ... أنا راجل عاشق الموسيقى و بيانست فى باند و بتعلم .... و الحقيقة أنا قبل ما أقبل إنى أدخل الباند دورت على حاجة بتقول إن الموسيقى و الغناء حلال .... و لقيت فى العديد من العلماء .. و قناة الرسالة و قناة أقرأ بتجيب فواصل موسيقية و أغانى دينية .... و كانوا عملوا بحث فى قناة الرسالة عن الموضوع ده و توصلوا لإنها مش حرام .. و أنا الحمد لله مقتنع جدا جدا .... اخاف إن يحصل منع ليها على طريقة المنهج السلفى و قناة الناس و الرحمة ....

2- الحريات .. على سبيل المثال الحجاب و طريقة لبس الفرد .... أنا مثلا مش بيفرق معايا البنت محجبة ولا لأ ... بس مع الإعتراف الكامل إنه فرض و مستحيل أقول إنه مش فرض .... زى الإختلاط العادى ... إللى هو زمايل و نتحدث من غير لمس و من غير هزار قليل الأدب و من غير الحاجات دى ...

احيانا البنى أدم بيحتاج فترة إنه يتقبل فكرة معينة أو فرض دينى معين ... و أحيانا هو نفسيا مايقدرش يتقبل .... فلازم نديلوا حريته تماما إنه يتفهم و يختار ... لأنى أعرف ناس بتعمل حاجات كتير صح جدا و ما شاء الله عليهم .. بس مثلا نقطة السجائر مش قادر إنه يبطلها ... الحجاب مش قادرة تلبسه ......
فالتدخل فى الأمور دى مش حلو يبقى عملنا زى إيران .....

خصوصا إن الحرية بتعنى الإبداع و ترك الحرية للناس بيبقى شئ جميل ...

السينما مثلا .... إحنا كنا بنعانى من رقابة النظام السابق .... دلوقتى هل هنعانى من رقابة النظام الحالى و يمكن يدخل فيه حساسيات سياسية ؟؟؟؟

الألية بقى إزاى نعالج كل ده و الفساد الأخلاقى فى السينما بدون إجبار أو قوة ....
إللى هو الأفلام تعبر فعلا عن المجتمع و تحترم ثقافتنا الإسلامية ....

3- حرية المسيحيين فى عقائدهم .. حريتهم شرب الخمر مثلا .... دى عقيدتهم إحنا المفروض ملناش دعوة ..

4 - السياحة مثلا ... ممكن تتعمل ليها ضوابط معينة ... خصوصا الشواطئ ... بس الحقيقة أنا مش عارف الألية تتعمل إزاى ...

أنا مش عايز نمشى بمبدأ الباب إللى يجيلك منه الريح ...


5- تقديش رجال الدين .... و الحجر على الأراء و الأفكار الأخرى و إضطهادهم خصوصا فى الأراء الدينى ... يعنى قبل كده كان فى إضطهاد سياسى ..... مش عايزينها تبقى سياسى و دينى ..


ده إللى بيخوفنى فعلا ..... النقاط دى .

يا أستاذ سيف.....حضرتك ذكرت الكلام بنفسك " احيانا البنى أدم بيحتاج فترة إنه يتقبل فكرة معينة أو فرض دينى معين ... و أحيانا هو نفسيا مايقدرش يتقبل .... فلازم نديلوا حريته تماما إنه يتفهم و يختار "

مين قال إن هيبقى فيه غصب على الحجاب والنقاب وقفل السينما والمسارح ومنع الموسيقى......كل ده لا يمكن يحصل قبل أن يفهم المجتمع دينه
وهي دي فائدة الدعوة.....يعني أدعوك بطريقة حسنة وأوضح لك مثلاً لما الحجاب فرض ويجب على كل إمراة التنبه لذلك بالأدلة والأحاديث وستجد المجتمع من نفسه بداء حاله في الإصلاح.....هكذا تكون كل الأمور

في حاجات حضرتك شايفها من الأمور الإعتيادية في المجتمع لعدم علمك بحكمها الشرعي مثلاً أو عدم علمك بنص بتحريمها ولما تجد فجاة أن ما تراه من سنين طويلة حلال وشىء عادي هو حرام فأنت لا تقبل الأمر بيسر

إحنا كلنا مطلعناش ملتزمين فجأة......أنا زمان كنت بسمع موسيقى هادئة وأتفرج على أفلام ومقضيها قواهي وصياعة ولكن وجدت هذا متضارب مع صلاتي وصيامي وقرأتي للقرأن بتدبر وفي عبادتي بشكل عام لله سبحانه وتعالى.....وهدانا الله للطريق المستقيم بإستماع درس لأحد المشايخ والتأثر به والرغبة في الإصلاح والفوز بالأخرة.....وكانت هذه بداية الإستقامة وعند المعرفة والعلم وجدت فارق كبير بين الملتزم والغير ملتزم وهذا والله لن تشعر به إلا عند فتح قلبك وتقبل التغير لإرضاء ربك.....ستجد حلاوة ما بعدها حلاوة

وكما قال إبن تيمية رحمه الله " إن فى الدنيا جنة من لم يدخلها فلن يدخل جنة الآخرة ، قيل ما هى يا إمام ؟ قال : إنها جنة الإيمان "

وأنا أسف إذا كنت رديت بجفاء في موضوعك الخاص بالحفلة :b4_611:

هدانا الله وإياك لما يحب ويرضى

المشاركة الأصلية كتبت بواسطة ahmed anwer

هوا فيه نقطة بس

كنت قريتها إن في عهد دولة الرسول عليه الصلاة و السلام و الخلفاء الراشدين

كان يسمح لغير المسلمين بتجارة و صناعة الخمور ، و كذلك تربية الخنازير و تناول لحومها

بل كان يأخد منهم خراج علي ذلك

و الله اعلم

المعلومة دى سمعتها كتير قبل كده بس للأسف أنا معرفش أى حديث عليها فمش برضى أقولها دلوقتى ..

المشاركة الأصلية كتبت بواسطة د.أحمد السعيد

بصراحة يا سيف انت جمعت كل حاجة فى الموضوع دا .....

و يا ريت تكون وجهة نظرك ممكن تتغير

و أسأل الله لك ان ينير قلبك و ان ترى الحق حقا و ان ترى الباطل باطلا ....و هذا ليس بالشىء الهين يا ابو الشباب

إتغيرت بصورة مش قليلة ...

و بقى عندى أمل فى دولة ترضى جميع الاطراف ... تعطى الحرية ... تحترم إسلامنا ... تحترم و نقدر الإختلاف فى الرأى .. و تكون ديموقراطية حقه ... و نرضى ربنا عز و جل .....

المشاركة الأصلية كتبت بواسطة عمرو عمارة

يا أستاذ سيف.....حضرتك ذكرت الكلام بنفسك " احيانا البنى أدم بيحتاج فترة إنه يتقبل فكرة معينة أو فرض دينى معين ... و أحيانا هو نفسيا مايقدرش يتقبل .... فلازم نديلوا حريته تماما إنه يتفهم و يختار "

مين قال إن هيبقى فيه غصب على الحجاب والنقاب وقفل السينما والمسارح ومنع الموسيقى......كل ده لا يمكن يحصل قبل أن يفهم المجتمع دينه
وهي دي فائدة الدعوة.....يعني أدعوك بطريقة حسنة وأوضح لك مثلاً لما الحجاب فرض ويجب على كل إمراة التنبه لذلك بالأدلة والأحاديث وستجد المجتمع من نفسه بداء حاله في الإصلاح.....هكذا تكون كل الأمور

في حاجات حضرتك شايفها من الأمور الإعتيادية في المجتمع لعدم علمك بحكمها الشرعي مثلاً أو عدم علمك بنص بتحريمها ولما تجد فجاة أن ما تراه من سنين طويلة حلال وشىء عادي هو حرام فأنت لا تقبل الأمر بيسر

إحنا كلنا مطلعناش ملتزمين فجأة......أنا زمان كنت بسمع موسيقى هادئة وأتفرج على أفلام ومقضيها قواهي وصياعة ولكن وجدت هذا متضارب مع صلاتي وصيامي وقرأتي للقرأن بتدبر وفي عبادتي بشكل عام لله سبحانه وتعالى.....وهدانا الله للطريق المستقيم بإستماع درس لأحد المشايخ والتأثر به والرغبة في الإصلاح والفوز بالأخرة.....وكانت هذه بداية الإستقامة وعند المعرفة والعلم وجدت فارق كبير بين الملتزم والغير ملتزم وهذا والله لن تشعر به إلا عند فتح قلبك وتقبل التغير لإرضاء ربك.....ستجد حلاوة ما بعدها حلاوة

وكما قال إبن تيمية رحمه الله " إن فى الدنيا جنة من لم يدخلها فلن يدخل جنة الآخرة ، قيل ما هى يا إمام ؟ قال : إنها جنة الإيمان "

وأنا أسف إذا كنت رديت بجفاء في موضوعك الخاص بالحفلة :b4_611:

هدانا الله وإياك لما يحب ويرضى

حصل خير يا فندم ...