حكايتى مع العفشجى

**matrix012** · 05-06-2011 09:15 AM

السلام عليكم ورحمة الله وبركاته
اولا انا معايا ابيزا 94 كانت بتعمل حاجات كتير دبدبه خلفيه ودبدبه امايه قويه مع اى مطب حتى ولو كان صغير وماشى على ااقل من السلانسيه
وكنت بسمع اصوات دربكه تحت كرسى السواق
المهم علشان مطولش عليكو انا سئلت فى المنتدى على عفشجى كويس فى جسر السويس وناس كتير قالت محمد عفشه الى فى حلمية الزيتون
فعلا روحتلو امبارح السبت روحت حوالى 11 وكنت تالت عربيه موجوده رفع العربيه وبص بصه سريعه وقال اشترى جلبتين مقص روحت عند الصفا الى قبل التجنيد وجبتهم عملو 80 جنيه ورجعت لقيت الشارع شبه مسدود بسبب العربيات الى محمد بيشتغل فيها !!! ما علينا
فى صنيعى اسمو ممدوح هناك هوا الى اشتغل في عربيتى غير الكوتشتين بتوع الكبالن وركب صدمتين وركب كوتشتين لرفع المساعدين وطبعا نضف كل حاجه مقص ومساعدين وشحمهم وفعلا حسيت بفرق كبير جدا بس فى حاجه >> لما جيت احاسبو طلب منى بعد ما قعد يحسب كده ((220 جنيه )) متهيئلى انو غالى شويه او ممكن الكام كاتوشه الى جابهم سعرهم عالى او الصدامتين مش عارف
المهم قالى اروح عند رفيق بتاع الزوايه الى عند ااخر سور المستشفى العسكرى مش عارف اقول ايه حاجه بجد جامده جدا انا اول مره اشوف ظبط زوايه كده كان فى واحد ابن ــــــ روحت ظبط عندو قبل كده قالى هعملك 3 زراجين هيكلفو 150 جنيه مقتنعتش بكلامه وفعلا طلعت مش محتاجه زراجين ورفيق ده ظبط الزوايه زى الفل وكمان بيظبط العوا وبيعدل الطاره وبياخد 25 جنيه فى العربيه مهما طولت معاه وبيطلع الزوايه من عندو ملهاش حل وكمان معاك ضمان اسبوع
هيا ديه الحكايه ومعلش طولت عليكو وربنا يستر طريقى وطريقكم

**ahmedtunning** · 05-06-2011 10:32 AM

بجد الله ينور بس السعر عالي شويه بتاع العفشجي بس طالما الشغل مظبوط مش مشكله الفلوس اهم حاجة الامانه لان العفشه لو غدرت بالسلامه العربية
انما ظبط الزوايه فعلا 25 جنيه في اي حته
وربنا يستر طريقك و طريقنا

**matrix012** · 05-06-2011 10:59 AM

المشاركة الأصلية كتبت بواسطة ahmedtunning

بجد الله ينور بس السعر عالي شويه بتاع العفشجي
وربنا يستر طريقك و طريقنا

تسلم يا باشا
بس ممكن اعرف تقريبا السعر بتاع كوتشتين الكبالن والكوتشتين بتوع رفه العربيه والصدامتين يعملو كام على الاقل اعرف الراجل ده واخد منى قد ايه ؟ خصوصا انى فكرت انى اتصل بيه اسئلو بس قولت لما اتأكد الاول

**matrix012** · 05-06-2011 12:11 PM

المشاركة الأصلية كتبت بواسطة matrix012

تسلم يا باشا
بس ممكن اعرف تقريبا السعر بتاع كوتشتين الكبالن والكوتشتين بتوع رفه العربيه والصدامتين يعملو كام على الاقل اعرف الراجل ده واخد منى قد ايه ؟ خصوصا انى فكرت انى اتصل بيه اسئلو بس قولت لما اتأكد الاول

انا اتصلت بيه دلوقتى وسئلتى على اسعار الحاجه الى جابها بيقولى ان كاوتشتنين الكبالن عاملن 30 وكاوتشنين الرفع زيهم 30 والصدامتين عاملين 60 ومش فاكر انهى فى التلاته بتوع لانسر وهوا اخد مصنعيه 100 جنيه والحمد لله

**behman** · 05-06-2011 02:32 PM

انا اتصلت بيه دلوقتى وسئلتى على اسعار الحاجه الى جابها بيقولى ان كاوتشتنين الكبالن عاملن 30 وكاوتشنين الرفع زيهم 30 والصدامتين عاملين 60 ومش فاكر انهى فى التلاته بتوع لانسر وهوا اخد مصنعيه 100 جنيه والحمد لله

اهم حاجه ان الشغل مظبوط ... بس للعلم الحاجه سعرها معقول

**hugan** · 05-06-2011 02:50 PM

مبروك العفشه
ممكن المكان بالتفصيل مكان العفشجي ومكان رفيق بتاع الزوايا

**matrix012** · 07-06-2011 10:05 AM

المشاركة الأصلية كتبت بواسطة hugan

مبروك العفشه
ممكن المكان بالتفصيل مكان العفشجي ومكان رفيق بتاع الزوايا

بص يا باشا المكان حسب الوصف الى هدهولك ميتوهش خالص
اولا من جسر السويس حضرتك عارف كبرى التجنيد متطلعش الكبرى وخليه على شمالك وادخل انتا يمين هتلاقى نادى 6 اكتوبر على يمينك كمل شويه تانى هتلاقى تقاطع كبير هوا ده ميدان الحلميه اكسر يمين هتمشى شويه صغيرين كأنك رايح على النعام هتلاقى مستشفى عسكرى على اليمين اخر سور المستشفى هتلاقى على الشمال ( مركز ظبط الزوايه ) وده هتروحو بعد ما تروح للعفشجى المهم كمل شويه بعد المستشفى هتلاقى مدرسة ابن خلدون على الشمال قدام المدرسه على طول فى شارع على اليمين ادخل فيه هتلاقيه واخد شمال بس كده انتا وصلت هوا ده محمد عفشه ورقم تليفونه 0101946388 فى حاجه عاوز اقولها صحيح انو هيطلب منك اى قطعة غيار متستصعبش الموضوع هتلاقى كل حاجه موجوده عند محل الصفا الى فى الحلميه قبل كبرى التجنيد وكمان فى محلات كتير بتبيع قطع الغيار فى الحلميه
المهم تخلص عند محمد وترجع تانى عند مدرسة ابن خلدون بس المره ديه هتكمل فى الشارع الى قدام الى طلعت منو علشان الشارع اتجاه واحد وخلى ابن خلدون على شمالك مع اول شمال عمومى اكسر لحد ما تلاقى مدرسة الحلميه بنات على الشمال وبنزينه على اليمين اكسر من جمب البنزينه وارجع تانى هتلاقى نفسك عند المستشفى العسكرى الى قولنا عليا فى الاول ومع اخر السور بتاع المستشفى اركن على الشمال هتلاقى مركز الزوايه ادخل من على الشمال واستنى دورك وصدقنى هتنبسط ان شاء الله
والى عاوز اى تفاصيل تانى تليفونى اهو 0108992772
وربنا يستر طريقكم وطريقى