الواحد يبقى شهم و طيب ولا يتقتل و لا يتسرق مش عارف ! حتعملوا ايه في الموقف ده ؟

**heshamzaky** · 05-06-2011 09:41 PM

و لو لا قدر الله الطوبة جت فى المعطوبة زى المثل حا تعمل أية و أنت لوحدك ممكن تنفد بحياتك لو أتثبت لكن لو معاك أختك أو مراتك أو طفل مش حا تعرف تتصرف حا تبقى مشكلة ممكن جدا حد يحط مطوة على رقبة الطفل الى معاك و يقلبك .

**heshamzaky** · 05-06-2011 09:47 PM

المشاركة الأصلية كتبت بواسطة aif

بص يا كريم
العقل بيقول كلام المدام صح
لكن انا لو في مكانك
ح اقول ....
استفتي قلبك ولو أفتوك
...
اكيد الواحد بيبقى له نظرة في الناس وح يعرف يقدر نواياهم
ولو كانت مخاطرة ...... لكن احيانا قلبك بيغلب عقلك ..... واحنا في الآخر بشر مش آلات
ربنا يجزيك خير

أنا معاك فى الى قولتة يا باشا بس فى بعض الامور ألغى قلبك و لا تحكم مشاعرك لو لا قدر الله تمت مهاجمتة بجد لو اترددت للحظة أنك تعور الشخص الى أمامك هو حا يعورك و يتمادى كمان للأسف فى بعض الاحيان لازم مشاعرك تكون فى تلاجة و تحت السيطرة التامة

**egyptiandiver** · 05-06-2011 10:26 PM

Give her 5 pounds - never let her in the car - this is very dangerous

**M.Alaa92** · 05-06-2011 11:05 PM

الحمد لله حضرتك اخدتثواب على اللى انت عملتو ده و انتو الاتنين وجهة نظركو صح

و انا من راى لو المشوار قريب و على سكتك و طريق عمومى و عارف الطريق كويس اوىىىى يبقى تكسب فيها ثواب غير كدة ممكن توقفلها تاكس و تركبها و تدفع الاجرة مقدما و برضو تبقى اخدت ثواب و امنت نفسك

**أبومعاذ** · 06-06-2011 12:32 AM

في رأيي إن وجود ناس محترمة - زي صاحب الموضوع - تعمل الموقف دا في الايام دي هو سبب كل خير بيجرالنا ..... أنا شخصيا لو في مكان صاحب الموضوع هقف بس هكون فاتح مسوجر باب واحد بس و محضر الالكتريك على التشغيل و مدي العربية نقلة عشان لو في اي حاجة الحق نفسي كنوع من الأخذ بالأسباب و ربنا يسترها علينا كلنا

**heshamzaky** · 06-06-2011 12:35 AM

المشاركة الأصلية كتبت بواسطة أبومعاذ

في رأيي إن وجود ناس محترمة - زي صاحب الموضوع - تعمل الموقف دا في الايام دي هو سبب كل خير بيجرالنا ..... أنا شخصيا لو في مكان صاحب الموضوع هقف بس هكون فاتح مسوجر باب واحد بس و محضر الالكتريك على التشغيل و مدي العربية نقلة عشان لو في اي حاجة الحق نفسي كنوع من الأخذ بالأسباب و ربنا يسترها علينا كلنا

و لو لا قدر الله مكان ما جة ينزلها لقى 4 أفراد مستنين الصيد و عاملين كمين حا يبقى اية العمل وقتها و حا يرمى خلف العربية و أمامها شوية دبش علشان ما تعرفش تجرى يبقى اية العمل الموضوع فية مخاطرة شوية

**أبومعاذ** · 06-06-2011 09:02 AM

المشاركة الأصلية كتبت بواسطة heshamzaky

و لو لا قدر الله مكان ما جة ينزلها لقى 4 أفراد مستنين الصيد و عاملين كمين حا يبقى اية العمل وقتها و حا يرمى خلف العربية و أمامها شوية دبش علشان ما تعرفش تجرى يبقى اية العمل الموضوع فية مخاطرة شوية

الكلام دا ممكن يحصل لأي حد فينا لاقدر الله وهو ماشي من غير ما يقف لحد....ياريت نسيب الناس تعمل الخير بس ننصحهم بالحذر

**م.احمد زكريا** · 06-06-2011 09:39 AM

لو لوحدك أنا معاك في الشهامة مع أخذ الإحتياطات كاملة

لو معاك الاولاد Safety Firest

**shaddadfalcon1** · 06-06-2011 09:45 AM

اليومين دوول بالذات امشي بمبدأ عيش ندل تموت مستور

**CryptonX** · 06-06-2011 11:26 AM

حصل خير ... و شاكر لمشاركتكم .... بس هي علشان اكون صريح معاكم برده بالنسبة ليا شخصيا ... مكانتش للشهامة او للجدعنة بس الاخ ضمير عندي ممكن مينمنيش بسبب موضوع زي ده ... يعني ممكن كنت قعدت يومين بعدها بفتكر شكل الست و هي بتطلب مني وانا رفضت ... وبعدين خيالي يوسع ... والاقي والدتي مثلا في الموقف ده و حد رفض يساعدها ... معرفش يمكن انا عاطفي شوية بس اعتقد الي خلاني كدة يمكن حاجة ملهاش علاقة بالموضوع ده ..

اخويا الصغير الي نادرا متلكمت عنه في المنتدى هنا, معاق ذهنيا (Down Syndrome) و نظرات الناس ليه في الشارع رغم انه مش بيطلب مساعدة من حد .. بتبقى عاملة زي السكينة على قلبي و بتمنى انه ميكونش فاهم نظرات الناس دي .. فالموضوع ده بيخليني احس اكتر باي حد عاجز - محتاج او كبير في السن.

الحمد الله على كل شيء وربنا يستر علينا كلنا .

الموضوع: الواحد يبقى شهم و طيب ولا يتقتل و لا يتسرق مش عارف ! حتعملوا ايه في الموقف ده ؟

LinkBack

أدوات الموضوع

عرض

-

-

-

-

المواضيع المتشابهه

يعنى لازم الواحد يبقى قليل الادب وبلطجى !!

الواحد مش عارف يعمل اة

الواحد مش عارف يعمل ايهههههههههههههههه

بالمناسبه!!! هو الواحد المفروض مرتبه يبقى كام عشان يتجوز؟؟؟؟؟؟؟؟؟؟؟؟؟؟؟؟؟؟

الواحد مش عارف يعمل ايه

الكلمات الدلالية لهذا الموضوع

المفضلات

المفضلات

ضوابط المشاركة