من غير إذن ولا حاجة، إحنا مفيش بيننا الكلام ده. هدفنا واحد و هو مساعدة بعض.
مبروك يا أستاذة نهى على العربية و ربنا يرزقك خيرها و يكفيكي شرها.
زي ما قال الأستاذ سيد بالضبط بس عاوز أفكرك ماتنسيش تاخدي معاكي كتيب الضمان علشان يتختم.
لو عاوزة تاخدي معاكي الزيت مفيش مانع. مركز عصام و صفا بيحط زيت توتال و ده فرنساوي و ممتاز.
مفيش فرق في السحب بعد صيانة الألف لكن فيه تغيير في طريقة سواقتي أنا، بقيت بشد بيها زيادة عن الأول و أنا مطمن علشان فترة التليين خلصت.
بالنسبة للتكييف فيه ناس بتقول بلاش نشغله قبل الألف. أنا مش معاهم. أنا كنت بشغل التكييف عادي بعد ما لقيت أنه مش منطقي أفضل ألف كيلو في الحر ده. ده غير أن لو حد قال أن ده حمل على العربية يبقى الأفضل أني كما ما أركبش ناس إلا بعد أول ألف. المهم الآر بي إم ما يعديش 3.
أنا كمان مش فاهم سؤالك عن السحب. ياريت تشرحي بالضبط ايه اللي بيحصل بالتفصيل.