حكايتي مع الساجا (تقرير بعد 1000 كيلو)

**amazingahmed** · 07-06-2011 05:31 PM

المشاركة الأصلية كتبت بواسطة alaasaid

تسلم ايدك على التقرير و الله انت شجعتنى أغير العربية و ربنا يباركلك فيها و يكفيك شر الطريق

متشكر و ربنا يرزقك بعربية تفرحك

المشاركة الأصلية كتبت بواسطة amatoallah

ما شاء الله تقرير اكثر من رائع

ربنا يبارك لك فيها

متشكر و ربنا يباركلك يا أستاذة

المشاركة الأصلية كتبت بواسطة nistelrooy

الف مبروك ع الصيانة والف شكر ع التقرير الرائع

الله يبارك فيك. أي خدمة.

**BlackEagle1985** · 07-06-2011 05:41 PM

مبروك يا هندسة اول الف كيلو و عقبال لما توصل بيها لاكتر من 300 الف

و احييك علي اسلوبك اللي كل لما اقرا موضوع ليك يخليني اقتنع اكتر بالساجا علي وجه الاخص و البروتون عموما كماركة يعتمد عليها

و احب اقولك اننا زمايل حضرتك مهندس كهربا و العبد لله برده بس دفعة 2007 اتمني تصير بيننا صداقة و لو احتجت اي حاجة راسلني علي الخاص وقت ما تحب

اخوك احمد

**MaZaGAngeE** · 07-06-2011 06:05 PM

موضوع جميل و عرض أجمل .... هوه ده شغل المهندسين ..... الله ينور ........
كنت بفكر جديا أجيبها لأختي .... بس في آخر لحظة غيرت رأيي و أخدنا لانوس عشان لما تحصل معاها مشاكل نلاقي اللي يعرف يحلها في المنيا .....
لكن العربية جميلة و كانت اختاري لو كنت هجيب لنفسي .....
بس ليه الغلاسة بتاعة البابين اللي ورا دي !!!!! ليه مش كهربا .... هتفرق كام مع الشركة يعني ؟ بيعملوا زي منصور ليه بس ..

**adel1414** · 07-06-2011 06:50 PM

موضوع متميز جدااااااااااا بارك الله فيك اخى الكريم

**nohaA80** · 07-06-2011 08:00 PM

الف مبروك و ربنا يباركلك فيها ان شاء الله......و فعلا موضوع رائع و اسلوب متميز جدا جدا.
بس كان عندى استفسارات هامة.....انا مهندسة برده واستلمت سيارتى الساجا الاتوماتيك بعد حضرتك باسبوع تقريبا و متفقة مع حضرتك فى جميع المميزات و العيوب البسيطة و خصوصا موضوع عزل الصوت السفلى ده.
السيارة عاملة 800 كيلو و مقبلة على صيانة الالف كيلوان شاء الله....فهل تنصحنى بمركز عصام و صفا لأنه قريب منى ولا لازم توكيل الصحراوى لختم الضمان؟ لأنهم فى عز العرب قالو لى لازم الألف تبقى فى الصحراوى؟ وهل ممكن اشترى الزيت و اخده معايا فى الصيانة؟ و ما نوع الزيت الافضل بغض النظر عن السعر؟ كانت هناك ملاحظة عندى ان السيارة على السرعات الأولى سحبها بطىء شوية اما فى السرعات الأعلى سحبها جيد....فهل هما متعمدين تاخير كهرباء السيارة قليلا فى السرعات الأولى و سوف تضبط فى صيانة الألف كيلو؟
ما الفرق الذى شعرت به فى السيارة بعد صيانة الألف كيلو؟ هل هناك فرق فى السحب؟ هل تنصحنى عدم تشغيل التكييف اطلاقا الا بعد صيانة الألف و اذا شغلته فهل يوجد حد اقصى فى الوقت؟
واخيرا هل يوجد خطورة على cd الساجا اذا نسخت سى ديهات audio بنفسى لأن مرة هنج معايا شوية فقلقت و لا العيب فى جودة الcd نفسه؟
اتمنى الافادة و شكرا جزيلا

**miro691** · 07-06-2011 10:38 PM

السلام عليكم الف مبروك عليك العربية و عقبال ما تعمل بيه 2000000 و انت بألف صحه ... التقرير كامل ما شاء الله .. و تسلم ايديك .... انا لسه حاجزها لأبنى امبارح و قاللى الاستاذ مروان فى فرع مدينه نصر ان الاستلام هايكون ان شاء الله على أغسطس ....يارب الشحنة الجديده توصل قبل كده عشان ابنى يفرح ... و الف شكر مرة تانيه الى الاستاذ احمد صاحب التقرير

**sayed911** · 07-06-2011 10:55 PM

المشاركة الأصلية كتبت بواسطة nohaA80

الف مبروك و ربنا يباركلك فيها ان شاء الله......و فعلا موضوع رائع و اسلوب متميز جدا جدا.
بس كان عندى استفسارات هامة.....انا مهندسة برده واستلمت سيارتى الساجا الاتوماتيك بعد حضرتك باسبوع تقريبا و متفقة مع حضرتك فى جميع المميزات و العيوب البسيطة و خصوصا موضوع عزل الصوت السفلى ده.
السيارة عاملة 800 كيلو و مقبلة على صيانة الالف كيلوان شاء الله....فهل تنصحنى بمركز عصام و صفا لأنه قريب منى ولا لازم توكيل الصحراوى لختم الضمان؟ لأنهم فى عز العرب قالو لى لازم الألف تبقى فى الصحراوى؟ وهل ممكن اشترى الزيت و اخده معايا فى الصيانة؟ و ما نوع الزيت الافضل بغض النظر عن السعر؟ كانت هناك ملاحظة عندى ان السيارة على السرعات الأولى سحبها بطىء شوية اما فى السرعات الأعلى سحبها جيد....فهل هما متعمدين تاخير كهرباء السيارة قليلا فى السرعات الأولى و سوف تضبط فى صيانة الألف كيلو؟
ما الفرق الذى شعرت به فى السيارة بعد صيانة الألف كيلو؟ هل هناك فرق فى السحب؟ هل تنصحنى عدم تشغيل التكييف اطلاقا الا بعد صيانة الألف و اذا شغلته فهل يوجد حد اقصى فى الوقت؟
واخيرا هل يوجد خطورة على cd الساجا اذا نسخت سى ديهات audio بنفسى لأن مرة هنج معايا شوية فقلقت و لا العيب فى جودة الcd نفسه؟
اتمنى الافادة و شكرا جزيلا

صيانة الألف ممكن تتعمل في مركز عصام وصفا !! عصام وصفا يعتبر فرع من فروع التوكيل وبيختوا الضمان عادي جدا والختم موجود وها تاخدي فاتورة مختومة منهم بما تم عمله في السيارة وكل شئ كامل مكمل!!
عزالعرب لو عند حضرتك كلنا اصلا بنروح عصان وصفا بحكم انه كليتي في مساكن شيراتون لو عندي حاجة بروح على عصام صفا مش انا بس سحبها بطئ على السرعات الأولى ازاي يعني فيه ديلاي في استجابة المحرك اصلا ولا السحب مش مرضي حضرتك ؟
يعني بمعنى اصح بتكوني على سرعة كام وتعملي كيك داون الأر بي ام بيوصل لكام عشان نقول انه فرق السحب ظاهر وفيه مشكلة فعلا ولكن بصراحة السحب في الكيك داون ممتاز ولا غبار عليه ولكن الفكرة انتي لسة في فتر التليين لسة لما يتغير الزيت المحرك صوته ها يهدى اكثر وبالذات بعد الـ 5000 الآف كمان ها يهدى اكتر واكتر ..
ومفيش تأخير نهائيا في دائرة الكهرباء ولا الهوا بس نصيحة خلي دائما معاكي ورقة وقلم طول ما انتي سايقة اي ملحوة اي حاجة اكتبيها في الورقة دي بالتاريخ وحصلت ازاي عشان لما تروحي الصيانة مفيش حاجة تنسيها او تروح من بالك ..
والزيت ممكن حضرتك تجيبيه معاكي لا مانع !!
انا عن نفسي ماشي مع التوكيل لأنه لزوجته مش بطالة وكويس جدا الى حد ما خصوصا اني عملت صيانة الأف ثم الخمسة وها اعمل العشرة !! وبعد كده ها امشي الصيانة عشرات عشرات ولكن انا تعمدت في اول 10 انه اغير الزيت اكثر من 3 مرات حفاظا على طبقات الداخلية للمرحك لإكتساب نوع من انواع التصلب ..
واه ممكن تعملي سيديهات عادي جدا Audio ولكن حصلت فعلا معايا وكانت فيه سيدهات يومين وتلاة وبخ !! البرنكو كان كده !!! هاتي الماجيك ميوزيك احسن حاجة !! واستخدمي بقى يا اما النيرو او الأي تونز ( لو بتستعملي منتجات ابل ) او حى اي برنامج صوتيات تاني ها يعملهالك ويكون كويس كمان ..
وتحت امر حضرتك
وردي ده بالطبع بعد اذن الأستاذ amazingahmed

**amazingahmed** · 08-06-2011 09:42 AM

المشاركة الأصلية كتبت بواسطة BlackEagle1985

مبروك يا هندسة اول الف كيلو و عقبال لما توصل بيها لاكتر من 300 الف

و احييك علي اسلوبك اللي كل لما اقرا موضوع ليك يخليني اقتنع اكتر بالساجا علي وجه الاخص و البروتون عموما كماركة يعتمد عليها

و احب اقولك اننا زمايل حضرتك مهندس كهربا و العبد لله برده

بس دفعة 2007 اتمني تصير بيننا صداقة و لو احتجت اي حاجة راسلني علي الخاص وقت ما تحب

اخوك احمد

الله يبارك فيك يا زمل. أنا أتشرف جدا بصداقتك و أنا عجوز شوية دفعة 2004

هندسة عين شمس. فكرتني بالذي مضى
ربنا يوفقك يا بشمهندس و تجيب العربية اللي ترضيك

**amazingahmed** · 08-06-2011 09:46 AM

المشاركة الأصلية كتبت بواسطة mazagangee

موضوع جميل و عرض أجمل .... هوه ده شغل المهندسين ..... الله ينور ........
كنت بفكر جديا أجيبها لأختي .... بس في آخر لحظة غيرت رأيي و أخدنا لانوس عشان لما تحصل معاها مشاكل نلاقي اللي يعرف يحلها في المنيا .....
لكن العربية جميلة و كانت اختاري لو كنت هجيب لنفسي .....
بس ليه الغلاسة بتاعة البابين اللي ورا دي !!!!! ليه مش كهربا .... هتفرق كام مع الشركة يعني ؟ بيعملوا زي منصور ليه بس ..

شكرا على ذوقك و مبروك على العربية الجديدة.
لازم يعصر العربية على قد ما يقدر علشان يبيعها بسعر يكسبه كتيييييييييييييير. يبقى أنت أكيد في مصر.

المشاركة الأصلية كتبت بواسطة adel1414

موضوع متميز جدااااااااااا بارك الله فيك اخى الكريم

الله يكرمك يا أخي

**amazingahmed** · 08-06-2011 09:50 AM

المشاركة الأصلية كتبت بواسطة miro691

السلام عليكم الف مبروك عليك العربية و عقبال ما تعمل بيه 2000000 و انت بألف صحه ... التقرير كامل ما شاء الله .. و تسلم ايديك .... انا لسه حاجزها لأبنى امبارح و قاللى الاستاذ مروان فى فرع مدينه نصر ان الاستلام هايكون ان شاء الله على أغسطس ....يارب الشحنة الجديده توصل قبل كده عشان ابنى يفرح ... و الف شكر مرة تانيه الى الاستاذ احمد صاحب التقرير

أولا مبروك مقدما على العربية و ربنا يرزقك خيرها و يبعد عنك شرها.
ثانيا أنت أب رائع علشان رحت تجيب لإبنك عربية. ربنا يخليكوا لبعض.
ولا شكر على واجب، أنا معملتش حاجة كبيرة.

الموضوع: حكايتي مع الساجا (تقرير بعد 1000 كيلو)

LinkBack

أدوات الموضوع

عرض

-

-

-

-

-

-

-

المواضيع المتشابهه

تقرير صيانة ال 1000 كيلو للنيسان صنى 2013

تقرير عن الساجا 2012 بعد حوالي 3500 كيلو

تقرير رائع اكسنت rb خلال 1000 كيلو الأولى

تقرير صيانه ال 1000 كيلو في التوكيل

تقرير ال 1000 كيلو - سيفيك 2008

الكلمات الدلالية لهذا الموضوع

المفضلات

المفضلات

ضوابط المشاركة