القاعدة ترتبط بالموساد وبعض أمرائها غير مسلمين

**wawoo** · 25-04-2008 08:18 PM

المشاركة الأصلية كتبت بواسطة medo80

يبقي ما نرميش اللوم علي القاعدة زي ما هما عايزنا نعمل و عملوا مع حزب الله و قالوا ان هوا السبب في خراب لبنان
و بصراحة انا كنت سعيد جدا جدا لما سمعت موضوع الهجوم علي نيو يورك 2001 زي ما معظمنا كان سعيد بية مش علشان القاعدة لا علشان اخيرا حيذوقوا من نفس الكاس و حافرح لو اي حد عمل نفس الهجوم كان قاعدة او عفريت ازرق

,حتفرح قوى , يعنى انت معندكش مانع من قتل الابرياء الامنين , اعتقد دة مش اخلاق اى مسلم , و معظمنا مكنش سعيد ولا حاجة بهجوم نيويورك , لان ببساطة فى مسلمين كتير ماتو فى هذا الحادث , و محدش يقولى دول ضحينا بيهم , دول قتلو مع سبق الاصرار و الترصد , مافيش دين ولا شريعة تبيح القتل العشوائى كدة مهما كان السبب ,
لو عاوز تحارب او عاوز تقاوم يبقى تحارب بجنود فى ميدان القتال , انما الارهاب او القتل العشوائى كدة عمرة مكان من اخلاق المسلم , بل على العكس , اقصى عقوبة فى الدنيا هى للارهابيين و المفسدين فى الارض , الحرب فى الاسلام لها قواعد و اصول ,القتل دة مش حاجة بسيطة كدة ,
لو انت حتبيح الارهاب يبقى قول على الدنيا السلام , و دة اللى بيحصل فعلا , ببساطة تخيل لو ابنك نازل رايح المدرسة و فجائة عربية مفخخة انفجرت مثلا , يترى احساسك حيكون اية , الارهاب دة مرض خبث و ملوش اى مبرر مهما كانت الاهداف .
عاوز تحارب اعمل جيش و سلح نفسك و قاوم زى حزب الله كدة , انما رزع نتفجرات و قتل ابرياء ملهمش حتى القدرة فى انهم يدفعو عن نفسهم دة نوع من الجبن و الضعف و ملوش علاقة باى دين مش الاسلام بس,
القاعدة لا تمثل الاسلام و بن لادن و كل اعوانة دة حيترمو فى النار حدف , لا شك فى هذا ,
و تعلى شوف نتيجة الارهاب دة اية و مقابل ال 2500 شخص اللى ماتو فى هجوم نييويورك مات فى احتلال العراق 300 الف شخص او اكتر حتى الان , يترى انت اية رايك .
موازين القوى اساسا مختلة و دة بسبب ضعف و جهل المسلمين و تفرقهم و حبهم للدنيا , يوم ما المسلمين يتحدو و يشتغلو و يخترعو و يطورو , حيرجعو اسياد تانى و انما القتل و الارهاب العشاوئى دة مش حيوصل الا لمزيد من القتل و الارهاب و الاحتلال .

**alshora** · 25-04-2008 08:27 PM

ما تسمى ب العربية ما هي إلا قناة عبرية ناطقة بالعربية
خطابها متصهين
واتجاهها ضد الإسلام والمسلمين بوجه عام
ولا يمكن الوثوق ببرامجها.

**meza** · 25-04-2008 09:12 PM

أنا بتعجب من الأساتذة اللى مؤيديين للقاعدة فى اللى بتعمله ..... !!!!

أنا فكرت إن المؤيدين للقاعدة دول هتلاقيهم بس فى المنتديات الخليجية اللى أعضائها لسه متأثرين بأفكار الجاهلية المتخلفة.

لكن واضح إن تأثير الناس دى وصل لهنا ... :(

ربنا يستر عليكى يا بلد ...

**crazylambada** · 25-04-2008 09:26 PM

لا متخافش
كلنا عارفين ايه حقيقة القاعدة و حقيقة الناس اللي بيتخفوا وراء زي الاسلام
الناس عمرها ما كانت هبلة و عمر المصريين ما بيضحك عليهم

**PRO-DRIVE** · 25-04-2008 09:33 PM

المشاركة الأصلية كتبت بواسطة meza

أنا بتعجب من الأساتذة اللى مؤيديين للقاعدة فى اللى بتعمله ..... !!!!

أنا فكرت إن المؤيدين للقاعدة دول هتلاقيهم بس فى المنتديات الخليجية اللى أعضائها لسه متأثرين بأفكار الجاهلية المتخلفة.

لكن واضح إن تأثير الناس دى وصل لهنا ... :(

ربنا يستر عليكى يا بلد ...

التخلف و الجهل موجود في اي مكان

انا مش مع القاعده ولا بحبهم

بس انت عاوز يكون ايه رد فعل واحد مات ابنه او اخوه او ابوه او اخته او امه في حرب ؟؟
مطلوب ايه من واحد صحي لقي بلده محتل بسبب رئيس هو لم يختاره ؟؟
واحد تدمرت بلده و قابله للتقسيم ؟؟
واحد لقي كل الناس تخلت عنه حتي اولاد عمومته ؟؟

لما ياخد بنفسه اي رده فعل حتي لو كان خاطئ

يا دكتور ميزا الارهاب عرض مش مرض :)

**meza** · 25-04-2008 10:15 PM

المشاركة الأصلية كتبت بواسطة PRO-DRIVE

التخلف و الجهل موجود في اي مكان

انا مش مع القاعده ولا بحبهم

بس انت عاوز يكون ايه رد فعل واحد مات ابنه او اخوه او ابوه او اخته او امه في حرب ؟؟
مطلوب ايه من واحد صحي لقي بلده محتل بسبب رئيس هو لم يختاره ؟؟
واحد تدمرت بلده و قابله للتقسيم ؟؟
واحد لقي كل الناس تخلت عنه حتي اولاد عمومته ؟؟

لما ياخد بنفسه اي رده فعل حتي لو كان خاطئ

يا دكتور ميزا الارهاب عرض مش مرض :)

ما تيجى يا أستاذ برو نبص للموضوع من ناحية تانية

لما عدوك يقتلك ..... إنتا عارف إنه عدوك و متوقع منه أى شىء لأنك مش عزيز عليه .

لكن لما القاعدة (اللى أعضائها أساساً عراقيين) كل يوم تفجر عربية فى وسط سوق أو جنب مدرسة أو فى وسط ميدان .... و تقتل فى ولاد بلدك ... يبقى ساعتها مينفعش أقول دول ليهم مبرر عشان بيحاربوا الأعداء !! .... طب ما يحاربوا الأعداء فى أرضهم ... مش فى وسط البلد.
و ده كان من ضمن الأسباب اللى خلت العشائر تقلب عليهم و تحارب ضدهم مع الجيش العراقى و الأمريكان.

على حسب كلامك ....لو الإرهاب عرض .... و الإحتلال الأمريكى هو المرض .... يبقى بالمنطق نعالج المرض عشان نشيل العرض.
لكن لو طبقنا الكلام ده هتبقى مصيبة .... و أنا شايف إن الكلام ده غلط.

الإرهاب ده مرض أخر مترتب على المرض الأول و أخطر منه....... و لو عالجنا المرض الأول ... هنسيب المرض التانى ياكل فى الجسم براحته ... لأن يمكن المرض الأولانى كان خانق عليه.

يبقى الحل من رأيى ..... نشيل الأمراض المترتبة على المرض الأساسى الأول ... و بعديها نعالج المرض الأساسى ..... لأن المرض الأساسى مش خطير زى المرض المترتب عليه.

أحيانا لما الجسم يتصاب بمرض بسيط يضعف المناعة شوية ... يجى مرض تانى خطير جداً (زى مرض السل) و تكون الوفاة نتيجة للمرض التانى مش الأولانى ...... يبقى نعالج الأخطر الأول و بعديها نعالج المرض البسيط.

أنا شايف إن الكلام ده هو اللى حاصل فى العراق بالظبط.

الجيش العراقى و الشرطة لسه مش حاكمه البلد ..... و لو خرج الجيش الأمريكى دلوقتى ... هتتحول العراق لمستنقع للإرهابيين .... و كل اللى معاه سلاح هيضرب فى الآخر.

أنا مش مع الإحتلال ..... لكن الغلطة دى مش هينفع تتصلح بين يوم و ليلة ..... محتاجة شهور و يمكن سنين .... عشان البلد ترجع ليها سيادتها على ارضها.

**PRO-DRIVE** · 25-04-2008 10:33 PM

لما عدوك يقتلك ..... إنتا عارف إنه عدوك و متوقع منه أى شىء لأنك مش عزيز عليه .

ميزا تخيل واحد دخل بيتكم و دخل يقتل في اخواتك و اهلك و ياخد كل حاجتكم من بيتكم
و اخوك مثلا بدأ يضرب في الراجل دا

حتسيبه و تقول نخرج الراجل دا نخرجه بالمنطق ؟؟
ولا تمسك في اخوك و تموته هوا كمان و تطلع الراجل بالمنطق براحتك ؟

انا عارف ان كل اللي بيحصل من تفجير في البلد غلط و اكبر غلط

بس يا ميزا برضه شوف انت بتاخد الاخبار من مين الاول

و شوف مين راح لمين

انا لا بحب القاعده ولا بحب صدام

بس في ايامه هل كان في كل الكلام اللي انت بتقوله دا ؟؟

**crazylambada** · 25-04-2008 10:57 PM

و الله انتا كلامك صح يا ميزا

**Dr Ahmed** · 26-04-2008 12:14 AM

تبسيط فظيع وساذج للأمور بتحويل الأمر إلى "مؤيد" و "معارض" للقاعدة
وأبسط وأكثر سذاجة تصديق بل نسخ الفكرة التى يصبها الإعلام الغربى وقنواته العربية فى عقول البسطاء
من السهل أن تنفجر سيارة فى أى مكان ومن السهل إلصاق التهمة بشخص بعينه، لأن القائل أصبح الصادق الصدوق المصدق دوما : إعلام الصهاينة
ومن السهل إلقاء اللوم على أنفسنا وجعل أمريكا وأعوانها الضحية الغلابة اللى بيدافعوا عن نفسهم (على أرضنا) واللى بيعرفوا يزرعوا أفكارهم فى عقول الشباب ليتصوروا أى مقاومة لإرادتهم جاهلية وتخلف وإرهاب
أصبحنا لا نعلم عدونا!!
هزيمة ساحقة !!!
والغريب إن من يدعى كره القاعدة والإرهاب ينادى بقتلهم!!
ومن يدعى أن القاعدة أوصياء على الدين ويشجب ذلك يصرح فى نفس الوقت أنهم فى النار!!!
لا أحد ينظر لنفسه أبدا

**Dr Ahmed** · 26-04-2008 12:22 AM

المشاركة الأصلية كتبت بواسطة meza

لكن لما القاعدة (اللى أعضائها أساساً عراقيين) كل يوم تفجر عربية فى وسط سوق أو جنب مدرسة أو فى وسط ميدان .... و تقتل فى ولاد بلدك

الجيش العراقى و الشرطة لسه مش حاكمه البلد ..... و لو خرج الجيش الأمريكى دلوقتى ... هتتحول العراق لمستنقع للإرهابيين .... و كل اللى معاه سلاح هيضرب فى الآخر.

يا نهار أسود
وهو الجيش الأمريكى بيعمل إيه فى العراق غير القتل والنهب والسلب والوقيعة بين طوائف وأفراد الشعب العراقى؟؟؟
هم دول اللى هيحلوها وينضفوها من المستنقع!!!
ومين أكد لك إن القاعدة هى اللى بتفجر؟؟ وليه وإيه مصلحتهم ؟؟؟؟ عندهم قنابل كتير ومش عارفين يودوها فين؟؟؟ تسالى مثلا؟؟

حرااااااام ..أنا بيتهيألى لو بوش قال دفاع عن حملته وضد القاعدة مش هيقول أكتر من اللى قريته وأعتقد إنك شايف إن بوش على حق وبيدافع عن شعبه الغلبان.