القاعدة ترتبط بالموساد وبعض أمرائها غير مسلمين

**meza** · 26-04-2008 07:44 AM

طب خلاص ما دام حضرتك شايف يا دكتور أحمد ... إن إحنا مضللين بالإعلام العربى و الأوروبى و الأمريكى و الصهوينى و و و ....

ممكن حضرتك تقولنا على الحقيقة بالظبط ... !!! ..... مش شرط حضرتك تذكر مصدر معلوماتك .... حضرتك بس قول إنت شايف إيه.....

مين اللى بيفجر العربيات كل يوم فى العراق و يقتل بشر ملهمش أى ذنب .... و مين اللى فجر برج التجارة العالمى فى أمريكا و قتل 3500 برىء بدون أى داعى ....

**Ahmed Samy** · 26-04-2008 04:35 PM

المشاركة الأصلية كتبت بواسطة meza

طب خلاص ما دام حضرتك شايف يا دكتور أحمد ... إن إحنا مضللين بالإعلام العربى و الأوروبى و الأمريكى و الصهوينى و و و ....

ممكن حضرتك تقولنا على الحقيقة بالظبط ... !!! ..... مش شرط حضرتك تذكر مصدر معلوماتك .... حضرتك بس قول إنت شايف إيه.....

مين اللى بيفجر العربيات كل يوم فى العراق و يقتل بشر ملهمش أى ذنب .... و مين اللى فجر برج التجارة العالمى فى أمريكا و قتل 3500 برىء بدون أى داعى ....

عزيزي meza
الفكرة مش فكرة مصدر المعلومات الذي تثق فيه و لكن فكرة مصدر المعلومات الغير موثوق فيه .
و كل مصادرنا المتلفزة غير موثوق فيها للأسف
أما تخيلى (الذي احتفظ به لنفسي و لا أطرحه للنقاش ولا أدافع عنه أو أحاول اثباته) هو :
البداية كلنا يعرف :
- هناك ثروات هائلة في المنطقة العربية
- هناك مد اسلامي (كان قويا جدا) باتجاه الغرب
- هناك ترسانة مرعبة من السلاح تصنع و تباع و تخزن في العالم كل يوم
و بعد انتهاء الحرب الباردة لم يعد هناك من داعى لوجود هذه الترسانة ولا حتى داعى معنوي
فكان لابد من وجود داعى معنوي (وياسلام لو كان مادى-حرب مثلا-) و هذا لابد وأنه شغل عقول امراء الحرب من تجار السلاح و مصنعيها (حكومات و شركات) و جنرالات الحروب في الدول التي تعودت على وجود عدو.
و كان هناك الصيد المناسب و اللذيذ (العرب و المسلمين) فهم من ناحية يمتدون فكرهم القوي و هو ما يجب وقفه. و من ناحية يمتلكون ثروات مهولة قد تجعلهم اخر من يقف على تل النفط وهو ما يجب سلبه و من ناحية ثالثة هم عدو محتمل - فلماذا لا يكونون عدوا حقيقيا-.
و بذلك اكتملت أضلاع مثلث اللعبة التي تخدم الغرب تماما (او بعض مؤسساته) .

ولكن ... ... كيف نثير الصراع ؟؟؟
و كيف نصبح في موقف الدفاع ؟؟؟
لابد للمسلمين من بداية ليراهم رجل الشارع الغربي على أنهم معتدون - فيخاف - فيطلق يد أمراء الحرب
و منها انطلقت المؤامرات التي ساعد فيها عرب و مسلمون اما عن قصد او عن غباء شديد و قصر بصيرة
ومنها تفجير الأبراج (الذي لايعلم احد من فجره) و لكن يجب ان تشير الأصابع للمستفيد .....
و قبلها احتلال الكويت الذي كان تتويجا لسلسلة طويلة من الوقيعة الأمريكية بين صدام و الكويت و الضغط على العلاقة حتى ارتكب الرجل أكبر أخطاء الزعامة و اجتاح الكويت .
و ظهرت القاعدة , التي لم احبها يوما و لا أعلم عنها الا ما أسمعه و كانت حلقة في سلسلة لفت حول أعناق المسلمين و العرب لتصمهم بالغدر و التخلف و الإرهاب .
------------------------------------------------------------------------------------------------------
ولكن ....
هناك شباب لا يعرف السياسة بل يعرف الآخرة
و ترك ناسه و بيته و ماله و ذهب ليقاوم الاحتلال
ولو عرفه الناس لرفعوا له القبعات و ساندوه بالمال و النصره
و لتجمع الوطن خلف هؤلاء المجاهدين (وان كانوا قليلين) و هنا كانت ستكون العقبة التي ستعترض مشوار اذلالنا و تهميشنا ....
فلا بد من تشويه صورة البطل ...و خلط الحابل بالنابل فترى المقاتل يذبح الأمريكي و هو يقول الله أكبر
و يفجر السوق و هو يقول الله أكبر
من ادراك من هذا ؟؟؟؟؟
ومن أدراك ما هذا ؟؟؟؟
و من المستفيد ؟؟؟؟؟
انهم يجرحون أصابعهم بأنفسهم (اي الغرب) لتمتلئ بطونهم من مالنا
و سلبونا حتى حق الفهم و التفريق
هم من فجروا مبنى التجارة التجارة = و استردوا ثمنه أضعافا مضاعفة
هم حرضوا على غزو العراق للكويت = و اصبحت كلتاهما مستعمرات الأولى طوعا و الثانية كرها
هم من خلق بن لادن و دربه (وحتى ان انقلب السحر على الساحر) = و صار لهم قدم في افغانستان و باكستان

امسك خريطة و علم بالقلم على مواضع التمركز الأمريكي
ليبيا - اسرائيل - تركيا - العراق - الأردن - ضفة الخليج الغربية - اليمن - دارفور - الصومال
و جناح اخر يمتد شرقا - باكستان و الهند و افغانستان
الا ترى الكماشة التي تحيط بايران و سوريا و مصر لبنان و فلسطين ؟؟؟؟
اولا ترى انهم هم فقط الباقين
اولا تتابع ؟؟؟
اولا تسمع ردود الأفعال ؟؟؟
فكر ...

**meza** · 27-04-2008 01:51 PM

المشاركة الأصلية كتبت بواسطة Ahmed Samy

فكر ...

دكتور أحمد سامى ... عشان أنا بحترمك و بحترم رأيك .... عملت بنصيحتك و مرضتش أرد إمبارح ... منحت نفسى يوم كامل أفكر فى كلام حضرتك :)

أولاً أنا مش معارض أى شىء فى كلام حضرتك .... و مقتنع تمام الإقتناع بالسيناريو ده من قبل ما حضرتك تذكره حتى .... كل الناس عارفه المصالح الأمريكية وراء إشتعال الحروب و حقيقة إنها من أكبر الدول إنتاجاً للسلاح و ترويجه عالمياً.

لكن القاعدة لا تزال منظمة إرهابية ......

المشاركة الأصلية كتبت بواسطة Ahmed Samy

هناك شباب لا يعرف السياسة بل يعرف الآخرة
و ترك ناسه و بيته و ماله و ذهب ليقاوم الاحتلال
ولو عرفه الناس لرفعوا له القبعات و ساندوه بالمال و النصره
و لتجمع الوطن خلف هؤلاء المجاهدين (وان كانوا قليلين) و هنا كانت ستكون العقبة التي ستعترض مشوار اذلالنا و تهميشنا ....
فلا بد من تشويه صورة البطل ...و خلط الحابل بالنابل فترى المقاتل يذبح الأمريكي و هو يقول الله أكبر
و يفجر السوق و هو يقول الله أكبر
من ادراك من هذا ؟؟؟؟؟
ومن أدراك ما هذا ؟؟؟؟
و من المستفيد ؟؟؟؟؟

المشاركة الأصلية كتبت بواسطة PRO-DRIVE

ميزا تخيل واحد دخل بيتكم و دخل يقتل في اخواتك و اهلك و ياخد كل حاجتكم من بيتكم
و اخوك مثلا بدأ يضرب في الراجل دا

حتسيبه و تقول نخرج الراجل دا نخرجه بالمنطق ؟؟
ولا تمسك في اخوك و تموته هوا كمان و تطلع الراجل بالمنطق براحتك ؟

حركات مقاومة الإحتلال من أشرف ما يكون .... و ما يفعلونه هؤلاء الشباب لمقاومة المحتلين هو أسمى ما يمكن فعله فى ظل تلك الظروف التى كانت و لا زالت تمر بها العراق.......

لكن إحترامى و تقديرى لتلك الحركات هو ما دفعنى لأدافع عن شرفها ممن يلوثونها بدماء الأبرياء ......

القاعدة ربما تحشر نفسها وسط حركات مقاومة المحتل .... لكن لها منهجها الخاص ... لا يهمها مصلحة العراق أكثر من مصلحتها نفسها ..... لذلك تراهم يفجرون عرباتهم وسط الناس دون أدنى شعور بالذنب.
القاعدة هى العنصر الفاسد فى المقاومة و التى تسىء لمعنى مقاومة الإحتلال.

المشاركة الأصلية كتبت بواسطة PRO-DRIVE

بس يا ميزا برضه شوف انت بتاخد الاخبار من مين الاول

هل المسئولية على القاعدة ؟؟؟؟؟

هى دى نقطة الخلاف بينى و بين حضرتك يا أستاذ PRO-DRIVE و يا دكتور أحمد سامى... (على حسب ما فهمت و لو غلطت صححولى)
نعم المسئولية على القاعدة ...... بيانات الظواهرى و بن لادن تؤكد المسئولية الكاملة للقاعدة عن العديد من الهجمات.
بيانات القاعدة على الإنترنت بتعترف بالمسئولية عن هذا التفجير و ذاك.

و إذا شككنا فى البيانات التى تنشر على الإنترنت (أى حد ممكن يعمل البيان ده) .... صعب قوى نشكك فى شريط فيديو للظواهرى أو لبن لادن.
ده غير التقارير الإخبارية على مختلف القنوات من أكتر من جهة ..... صعب جداً يبقى كل دول غلط و يبقى المتحكم الأوحد فى الإعلام فى كل العالم بمختلف إتجاهاته هو الإعلام الصهيونى أو الأمريكى .... لا زالت هناك قوى معاكسه و لو ضعيفه ... لكن صوتها هيوصل.

*********

إذا كانت القاعدة هى الخيار الوحيد لمقاومة المحتل ....... فبلاش منه !!!
لما الجيش الأمريكى كل يوم يقتل 10 أشخاص ...... تيجى القاعدة تكمل و تفجر سيارة و تقتل 40 شخص ... يبقى كده بنساعد الإحتلال إنه يخرب البلد مش بنقاومه.

**********
أنا هحترم رغبة حضرتك دكتور أحمد فى عدم مناقشة رؤيتك للأحداث .... و إن كنت أتفق مع الكثير منها كما أوضحت و أختلف مع بعض النقاط.

********************

المشاركة الأصلية كتبت بواسطة Dr Ahmed

انت جبت الخلاصة يا ميدو

قتلانا : كان لازم يموتوا ومن غير ماحد يقصد وجايز لأن الارهابيين بيستخبوا وسطهم
قتلاهم: دايما ضحايا وأبرياء وإحنا السبب بسبب ديننا اللى بيدعو للقتل!!
رد الفعل منهم: ياخدوا تارهم مش من اللى قتل.. لا .. من أهله وعالمه كله..
رد الفعل مننا: حرام نعمل فيهم أى حاجة لأننا مش هنبقى متوحشين زيهم، خلينا نقول بقين شجب وإدانة ونفضل سالمين أحسن.

هو دا ملخص السم اللى حطوه بيننا

مع إتفاقى مع كلامك يا دكتور أحمد عن ما يتعرض له الفلسطينيين و العراقيين و العرب عموماً من ظلم واضح.
لكن إختلافى مع هذه النقطة:

رد الفعل مننا: حرام نعمل فيهم أى حاجة لأننا مش هنبقى متوحشين زيهم، خلينا نقول بقين شجب وإدانة ونفضل سالمين أحسن.

رد الفعل مننا يا يكون ضد اللى ظلمنا يا بلاش ..... حضرتك هل اللى ماتوا فى 11 سبتمبر كانوا يستحقوا الموت !!! .... طب حضرتك قوللى هما (المدنيين دول) عملوا إيه؟
إزاى عشان أعاقب سياسة أمريكا الخاطئة ... يبقى أموت أى أمريكانى أشوفه ....... مش يمكن الراجل ده معاك و فى صفك و بيدافع معاك عن قضيتك .... و حتى لو كان ضدك و مؤيد للحرب ... ليه أعاقبه بالموت لأنه قال رأيه بحرية (زى ما هو متعود فى بلده)؟!
اللى حضرتك بتقوله ده زى فكرة الثأر أو التار اللى فى الصعيد ...... لو واحد قتل أبويا يبقى لازم أقتل أبوه .... مش أقتله (أو أعاقبه) هو !!! حتى لو أبوه ملهوش أى ذنب فى جريمة إبنه.

********************************
خالص إحترامى و تقديرى لكل من أدلى برأيه دون إستثناء فى هذا النقاش سواء كنت مؤيد أو معارض له.

و أعتذر إنى مش هقدر أناقش كل الآراء نظراً لضيق الوقت. :)

**crazylambada** · 26-04-2008 09:36 AM

و العمليات الارهابية في المغرب العربي
و محاولة الاغتيالات اللي كانت اولها محاولة اغتيال الرئيس مبارك
حضراتكوم مش قادرين تفهموا
الموضوع صراع ما بين اتنين على ارض بغض النظر عن ضرر اصحاب الارض
انا مع اي مقاومة للجيش الامريكي
لكن افتح تلفزيون الاقي 300 واحد ماتوا في كام دقيقة
و شوف ده اتكرر كام مرة
بص انا في جملة كنت سمعتها من الاستاذ حمدي قنديل في برنامج رئيس التحرير
لم نطلب من القاعدة ان تكون المدافع عنا
و لم نطلب من امريكا ان تكون شرطيي العالم
وحضرتك معلوماتنا دي احنا مش بنجيبها من وسائل اعلام غربية
بس لمجرد ان احنا مخالفين لرايك بقينا مضللين من الصهاينة
بس انا عاوز اسال حضرتك سؤال
ايه اللي احنا استفدناه من عملية حداشر سبتمبر و تفجيرات اسبانيا و المغرب العربي
شاملة تونس و الجزائر و المغرب
و عندك مصر و العراق والسودان...............................
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟
و اخر حاجة مش معنى ان احنا مختلفين في الراي نبقى من اتباع الصهاينة
حضرتك لان لازم يبقى في اختلافات في الراي
مش اتهامات؟؟

**MEDO80** · 26-04-2008 09:55 AM

و احسن من قاعدتهم كدا فاضيين اهم بيسلوا نفسهم علي ارضهم بدل ما يفضولنا

**MEDO80** · 26-04-2008 10:39 AM

لا فيها يا باشا و يا ريت تعلق علي الكلام من غير ما تغلق علي المنطق او واعي و لا لا علشان الاسلوب
ثانيا السلطان محمد الفاتح لما فتح القسطنطينية الي كان من اعظم ولاه المسلمين قديما و فتح المدينة الي استعصت علي المسلمين لعقود طويلة كان بيضربها بالمدافع الي ما كنتش بتمييز بين عسكري و مدني
حضرتك احنا في حالة حرب
و الحرب ليها قواعد تانية خالص

**MEDO80** · 26-04-2008 10:47 AM

و عموما يا جماعة انا مصر علي رايي دا و عندي اسباب
بس نظرا لاني مش باحب الجدال الي مش حيحل اي شيء انا حانسحب من الحوار دا
بس يا ريت قبل ما نكره و نهاجم القاعدة الي هما مودينا في داهية
نشوف برضة موقفنا من امريكا و اليهود و باقي الامم الي بيشتموا ديننا و نبيننا و حضراتنا و احنا بنشجب و ندين و نقول دين سلام و الكلام الي بنسمعة في الاعلان الموجة من اجل تغيير الفكر الجهادي الي هوا مطلوب و فرض عين علي كل مسلم في زمنا دا و محدش يزرع في مخنا ان دا موضه قديمة و تعصب و جهل الخ
صحيح القاعدة و الكتير من النظيمات الغير شرعية مش هيا المسئولة عن الدفاع و الكلام دا بس ليهم حق يظهروا ماهوا مفيش حد تبني الموضوع دا اساسا بطرق شرعية تانية
يعني واحد بلطجي بيضرب فيا و في اهلي و مفيش حد اصلا فكر يرد علية غير نشجب و عيب ما ينفعش كدا حضرتك و هوا نازل ضرب و تلطيش فينا و في عيالنا و اهلنا علشان مفيش رد فعل غير الشجب و الادانة
يا ريت نفكر بمخنا و
شكرا

**Dr Ahmed** · 26-04-2008 11:05 AM

انت جبت الخلاصة يا ميدو

قتلانا : كان لازم يموتوا ومن غير ماحد يقصد وجايز لأن الارهابيين بيستخبوا وسطهم
قتلاهم: دايما ضحايا وأبرياء وإحنا السبب بسبب ديننا اللى بيدعو للقتل!!
رد الفعل منهم: ياخدوا تارهم مش من اللى قتل.. لا .. من أهله وعالمه كله..
رد الفعل مننا: حرام نعمل فيهم أى حاجة لأننا مش هنبقى متوحشين زيهم، خلينا نقول بقين شجب وإدانة ونفضل سالمين أحسن.

هو دا ملخص السم اللى حطوه بيننا