مشكلة عشان ادور لازم اجيب اول

**bichoy_100** · 07-06-2011 12:58 PM

يا جماعة عربيتي عشان ادورها لازم ادوس دبرياج و اجيب الاول و بعدين ادور و بعد مل تدور لو عايز امور ماشي عايز اطلع ماشي دي عيبها اية و حلها اية ارجو الرد

**mrastra** · 07-06-2011 02:05 PM

الفكرة كلها انك بتفصل حركة الفتيس عن الموتور
ممكن يكون الزيت فى الفتيس لزج جدا وعامل حمل على المحرك
او ان المارش بيعتل مبيقدرش يدور الاتنين مع بعض ( المحرك + الفتيس )

**bichoy_100** · 07-06-2011 02:21 PM

الف شكر بجد
بس لو تعرف حل للمشكلة دي اعمل اية او اروح لمين هتبقا وفيت اوي

**gebreel** · 07-06-2011 02:48 PM

فيه عربيات مبتدورش غير وانت دايس دبرياج اصلا

**gebreel** · 07-06-2011 02:53 PM

لا يا باشا فيه عربيات متصممة انك متدورهاش من غير ما تدوس دبرياج مش شرط مدي نقلة ولا لأ و ده علشان حاجتين
1- يضمن ان العربية مش هتنط لو واخدة ناقلة
2- يقلل الحمل على المارش و البطارية

**bichoy_100** · 08-06-2011 02:31 PM

دا انت وفيت من قبل ما تتكلم انا فعلن عربيتي حاليا 305 لكن العربية اللي بتكلم عليها هيا اكسل بتاعت قريبي هيديهاني بس انا كنت فاكر ان كدا يبقا الموتور بايز خالص يا ريت تكلمني اكثر عنها لو تعرف

**HotRide** · 09-06-2011 10:43 PM

المشاركة الأصلية كتبت بواسطة bichoy_100

دا انت وفيت من قبل ما تتكلم انا فعلن عربيتي حاليا 305 لكن العربية اللي بتكلم عليها هيا اكسل بتاعت قريبي هيديهاني بس انا كنت فاكر ان كدا يبقا الموتور بايز خالص يا ريت تكلمني اكثر عنها لو تعرف

في بعض الموديلات من اكسيل الخليجي فيها حمايه مدورش و الا دايس دبرياج و ممكن تلغيها لو عايز بس ديه ميزه حلوه
زي سبفيك الاصدار الامريكي مدورش الا و انت دايس دبراياج بردو

هو كل الحوار انه بيحمي المارش انه يدور و العربيه معشقه او كده....هي الدواسه فيها زي زرار زي بتاع الفرامل لما دوس تنور ستوب....علي دبرياج لما تدوس تقفل الدايره الي وصله للكونتاكت لتشغيل المارش

ممكن تتلغي انك تقفل الزرار ده و تبقي الدايره وصله للمفتاح علي طول زي العربيات العاديه بس انا شايف انها ميزه ليك كده انك تخليها

**mrastra** · 11-06-2011 01:34 PM

المشاركة الأصلية كتبت بواسطة bichoy_100

دا انت وفيت من قبل ما تتكلم انا فعلن عربيتي حاليا 305 لكن العربية اللي بتكلم عليها هيا اكسل بتاعت قريبي هيديهاني بس انا كنت فاكر ان كدا يبقا الموتور بايز خالص يا ريت تكلمني اكثر عنها لو تعرف

عربيات زى الفل ومحترمة جدااااااااا خصوصا الـ 1500 سي سي عربية عائلية وعالية عن الارض شكلها مقبول جدا عربية رشيقة بتاعة مناورات ....بيمشى معاها بنزين 80 .....ماسكة سعر لغاية النهردة مثلا 36 الف للحالات الكويسة
قطع غيار رخيصة ومتوفرة
انصحك بالاقتناء شرط الحالة الجيدة والدواخل الفبريكة
وبمناسبة ان العربيات دى ما بتدورش الا وانت دايس دبرياج
كنت فى روكسي الساعة 1 باليل وكان معايا 4 زميلى ومروحين مدينة الشروق
وسلك الدبرياج اتقطع ......عادى انا ممكن اسوقها من غير دبرياج بس المشكلة انها مش بتدور الا اما تدوس دبرياج
بقيت اجى ادور بايدى اضغط على الزرار اللى تحت دواسة الدبرياج عامل زى زرار ماكينة الماش دير وبكون مدى العربية غيار وادور لغاية اما تلقط وبعد كدة سهلى التانى والتالت والرابع والحمد لله وصلنا بالسلامة وغيرت السلك الصبح
بالتوفيق ان شاء الله

-

الموضوع: مشكلة عشان ادور لازم اجيب اول

LinkBack

أدوات الموضوع

عرض

العرض المتطور

-

-

-

-

-

المواضيع المتشابهه

لازم دوسة زيادة عشان العربية تمشي

لو حبيت ادور على عربية مسروقة ادور فين

هو لازم ناخد على دماغنا عشان نمشي صح!!!

هو لازم ضمان عشان صيانة الالف كيلو

هوا عشان أطلع رخصة .... لازم أدفع رشوة ؟؟؟؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة