اقتباس المشاركة الأصلية كتبت بواسطة bichoy_100 مشاهدة المشاركة
دا انت وفيت من قبل ما تتكلم انا فعلن عربيتي حاليا 305 لكن العربية اللي بتكلم عليها هيا اكسل بتاعت قريبي هيديهاني بس انا كنت فاكر ان كدا يبقا الموتور بايز خالص يا ريت تكلمني اكثر عنها لو تعرف
عربيات زى الفل ومحترمة جدااااااااا خصوصا الـ 1500 سي سي عربية عائلية وعالية عن الارض شكلها مقبول جدا عربية رشيقة بتاعة مناورات ....بيمشى معاها بنزين 80 .....ماسكة سعر لغاية النهردة مثلا 36 الف للحالات الكويسة
قطع غيار رخيصة ومتوفرة
انصحك بالاقتناء شرط الحالة الجيدة والدواخل الفبريكة
وبمناسبة ان العربيات دى ما بتدورش الا وانت دايس دبرياج
كنت فى روكسي الساعة 1 باليل وكان معايا 4 زميلى ومروحين مدينة الشروق
وسلك الدبرياج اتقطع ......عادى انا ممكن اسوقها من غير دبرياج بس المشكلة انها مش بتدور الا اما تدوس دبرياج
بقيت اجى ادور بايدى اضغط على الزرار اللى تحت دواسة الدبرياج عامل زى زرار ماكينة الماش دير وبكون مدى العربية غيار وادور لغاية اما تلقط وبعد كدة سهلى التانى والتالت والرابع والحمد لله وصلنا بالسلامة وغيرت السلك الصبح
بالتوفيق ان شاء الله